Aposel 15:3 - Nobonob Baibel

³ Amu Kristen tamaniak ag heeg, ag ahan Ponisia, Samaria ele tikkun gonana, ag appan Kristen amelagppa, Kayak Nug he, iitta aɗi ag oolag eɗuom amunu amelagppa appig. Ag anam heegeg, Kristen amu ag maɗoɗppan gamag ahak okkai dooppig.

Aposel 15:3 Iomraidhean Croise

Luk 15:32

amge gemu amu ig gamag ahak doopput, ig oonig ele ena daakkunu elele. Aɗinu? Na amap imu nug mauhom, amge gemu nug eɗua bau daatte. Nug qettoɗom, amge ig nug eɗut anidttem,’ awa aum.” Jesus Nug nai amu mattiom.

Aposel 1:15

Ag anam daanna, haen amuppa Pita nug danab ah ag Jesusnu oolagppa genab dooppig ele, ahilag ebqak 120 anam amu, nug ag oolagppa aha hibaitta Judasnu inam mattiom.

Aposel 13:48

Pol nug anam aum, aria haen iitta aɗi ag nai amu doona, ag oolag gamag ahehe, ag Naɗinu nai amu humidnana, danab ah ag Kayaknu bauklel hanhannu aoglagnu daappig ele amu, ag oolagppa genab dooppig.

Aposel 13:52

Amu laa ag Jesusnu oolagppa genab dooppig amu, ag maɗoɗppan gamag ahak okkai dooppig. Kayak Ouɗi Nug ag oolagppa ele ambak dayom.

Aposel 14:27

Aa uɗiya Antiok beya, aa Kristen tamaniak qagmadya, aa amelagppa Kayak ahilahppa aɗi heum amunu oh mattiya, aa inam ele apiɗ. “Kayak Nug he, iitta aɗi ag ele oolagppa genab dooppig,” aoya apiɗ.

Aposel 15:1

Pol, Barnabas ele aa Antiok appa Kristen tamaniak ele daaegeg amu, danab laala ag Juda wanppanu uɗina, Kristen amelagppa appig. “Laa nug Jesusnu ooppa genab dootte amu, nug gaɗa ele otaɗak awaɗ! Laa ag Mosesnu ɗo amu ii dim lamidna, gaɗa otaɗak ii aoglag amu, aria geha Kayak Nug ag eɗua ii diiadma,” aon ippunadna appig.

Aposel 15:12

Pita nug nai amu anam mattieye, ag qagmak amuppa daappig ele, ag nai laa ii madippig. Ag nai ii mattieg amu Pol, Barnabas ele aa nai mattieheh, amuib dabmettaegeg, aa Kayak Nug aa eppelahppa Kayak dabmettaknu kobol danab haknu elele iitta kuɗum, digdig ele, iitta aɗi oolagppa heum amunu madipiɗ.

Aposel 15:22

Jems nug nai amu a amu, totol danab amu ikki danab amu Kristen tamaniak oh ele ag nai amu bappaidna, ag danab aɗit otiatppeg, aa Pol, Barnabas ele oh Antiok gokkulagnu dabmeppig. Ag anam dabmewona, ag Judas, onig laa Barsabas, amu Silas ele, danab aɗit amu aa tamaniak ooppa anuqak daapiɗ ele, aa otiatona,

Aposel 15:32

Amu Judas, Silas ele, aa am propet amunu, aa nai meu ele Kristen ippunadya ɠagattag aqapiɗ.

Aposel 15:4

Ag anam henana gona, Jerusalem teeg, Kristen tamaniak danab ah amu totol danab am ikki danab ele ag ag ele laippu dayaknu oolagppa eleleib doyeg, Pol, Barnabas ele aa keeke oh Kayak he hepiɗ ele, aa amunu amelagppa madipiɗ.

Aposel 17:15

Danab Pol omaleg goppig ele, ag omalna gona Atens tena, uuidna eɗun gokkulagnu heegeg, Pol nug Silas, Timoti ele dilah nai, ag aon gona appeg dooglahnu inam aum. “Aa paha uɗiya, da aniɗeɗ!” awa aum.

Aposel 20:38

Ag keeke laalanu oo doyak dooppig, amge Pol nug, “Ag da iɗul baula ii anidmana,” aum, nai amunu ag oo doyak naɗi dooppig. Oo doyak doonna, ag Pol omalna gona, uubppa uuidppig.

Aposel 21:5

Aeg, ig aab okkai amuppanu ahat gokkunignu haen miag do, Kristen danab ag, amu ag waalkad, bekkalkad, aɗelkad ele ag qagmena, omaikkeg aab okkai dimittim dota, yu ihippa gatenig qaun ota unuqidmut.

Aposel 28:15

Ig Rom gokkunignu teutut, Romnu Kristen ag ig ukkautut doona, laala ag ig uɗanig tekkulagnu ahan, ee daden maknu aben onig Apius appa gona, laala ag aben laa onig Hik Awak Lag Okkai Ewam appa ele gona, aben aɗit amuppa ag ig anigppig. Pol nug anatta, nug Kayak amegppa “Ena heme,” ana, ooppa ɠagattag awom.

Aposel 8:14

Pilip anam he, totol danab 12 Jerusalem daappig ag Samaria danab ah Kayak nai doon, oolagppa genab dooppig doyona, ag heeg, Pita, Jon ele noya anadpiɗ.

Rom 15:24

amu da geha wan laa onig Spen appa gokkulnu dabmettem amunu da appa ugekke, da tatam ag anattoya gokkul. Da ag ele appa nakok daat, ool meeb, ahilag ehanittakppa da Spen gokkul.

1 Korint 16:11

Laa nug nuhignu keeke hamu bia dabmaama aib dimettom! Nug da gumiɗa uɗikkunu ag heppeg, nug ooppa maɗoɗ doyaya, aha uɗiaɗ! Da nug, lailad laa ele oh uɗiglagnu dabmen daattem.

1 Korint 16:6

Am geha da ag ele haen nakok tutuib ana daagnigtai, o iitta da ag ele daapput ukkeb, oug haen iitta meeb, dimppa da aab laappa gokkulnu hebippi, ag da omaiɗna gona, ibppa uuiɗkkulagtai.

2 Korint 1:16

Da inam dabmemi. Da ahilagppa tatam ukkena, da ag uuatten, Makedonia ukkoya, geha da Makedonia uuatte eɗue, ag gumatte goppi, ag da meiɗppeg, Juda gokkulnu dabmemi.

Taitus 3:13

Na ɗonu doyak danab Senas amu Apolos ele, aa oiglahnu keekenu amu na elele ehanate! Aa amunu keeke laanu tutu aib daapiɗ!