Aposel 10:7 - Nobonob Baibel

⁷ Engel nug Kornilius amegppa anam awowa ugekke, aria Kornilius nug nuhikuɗ maɗi nid aɗit laa, amu daup laippu ele onilagppa e doppig. Daup amu nug Kayaknu ooppa genab doya, nug Kornilius ehanittom.

Aposel 10:7 Iomraidhean Croise

Genesis 24:52

Laban, Betuel ele anam aeh, maɗi nid nug Yawe noobppa gateg qaun o, gomela, ikki wanppa meum.

Matyu 2:13

Ag ukkaeg, Naɗinu engel tulppa Josep amegppa aum. “Na ahan, nid nakok anig ele diiatna, oolna Isip wanppa gona, appa daappe, da na eɗun uɗikkutnu appi doona uɗikkut. Aɗinu? Haen nakokib ukkeb, Herot nug nid nakok mattia antta qekkunu hekku,” awa aum.

Luk 2:25

Haen amuppa danab laa Jerusalem dayom, nug onig Simeon. Nug Kayak noobppa tutukku oiyaya, Kayak binag ena maama, Israel dilag ehanattak danab ameg meum. Kayak Ouɗi nuhigppa dayom.

Luk 3:14

Anam a amu ban danab laala ele ag oɗ medappig. “Ig amu attem hekkunig?” aon appig. Aeg amu nug amelagppa aum. “Ag danab laa aib duttunattegeg, ag men doɗo madappig; amu laa ag hambuppuna, danab eheɗ laa ii heum ele, ag nug eheɗ heum aib appig. Ag ahilag uɗatnu nob tutukku aona, baubau awaknu aib dabmeppig. Ag aotteb ele amu, ag amunu elele doonna dayeg!” awa aum.

Aposel 10:6

Saimon Pita nug Saimon, nug am doɗ gaɗa beɗamanu babaittak danab, nug laugppa daatte. Lag amu yu ihippa daatte. Ag nug appa anidkkulag,” awa aum.

Aposel 10:8

Aria, Kornilius nug keeke oh beum danab ewam amu amelagppa awowa he, ag Jopa goppig.

1 Timoti 6:2

Begbeg maɗi nid ag Kristen daatteb, ahilkad okkai ag ele Kristen daatteb dayeb amu, ag oh eamakkud daatteb bia, diig amunu ag begbeg maɗi nid ag ahilkad okkainu ena elele doyak uun, ii hemananu aib heppig. Iitta. Ag anen anen ahilag uɗatppa ag laa Jesusnu ooppa genab dootte, Jesus nuhignu oo mauhtte ele, ag nug ehanidtteb amunu, ag uɗat elelenab hekkulagnu daatteb. Na ag anam ippunadna, dabmak maɗettaknu nai a!

Pilemon 1:16

Nug tatam nahip begbeg maɗi nidib dayaya uɗat heum, amge gemu nug am nahip begbeg maɗi nid aakkuib ii daatte. Iitta. Gemu amu nug na ele, aa oh Jesusnu oolahppa genab doottep amunu, nug na amap ele daatte. Da nuhignu ool mauhtte, amge gemu na nuhignu oot huana mauhkku. Aɗinu? Nug gemu danab, amge danab hamu iitta, nug Kristen danab daatte amunu, nug nahip uɗat pehettak haaha, ooppa genab doyakppa nug am na amap ele daatte.

Ikki Danab 7:10

Amge na banelag nona aqaknu baɗattem dayeb amu, na nahip maɗi nid Pura ele lokkumakppa haen tutu dayaknu aab kalakppa noya,