Aposel 10:4 - Nobonob Baibel

⁴ Nug anam a amu, Kornilius nug ameg behabe, engel neekkittatta, huanak baɗaɗa nug aum. “O naɗi, amu aɗitai?” awa aum. A aria engel nug amegppa aum. “Kayak Nug nahip unuqittak doya, amu daɗek ehanittak kobol nahip ele antta, nahipnu dabmette.

Aposel 10:4 Iomraidhean Croise

2 Stori 32:24

Haen amuppa amu, Hesekaia nug oɗe ma, nug mauhkkunu miagnab dayaya, nug Yawe unuqittom. Nug unuqitte, Yawe Nug Hesekaia eɗua ena daakkunu uɗat naɗi Kayak Nug heumnu at daatte laa ha mettom.

2 Stori 6:33

amu Yawe, geha wan laihnu danab ah ag ig nahipad danab ah Israel, ig na dooittutut, amu ig nahipnu ebehinig oh bodoetta le mette, amubia ag na dooidkkulagnu, ag nahipnu ebehilag oh bodoetta, le mekkunu, geha wan laihnu danab ag lag imu, da hemi amu, lag amuam na laut, na onin aguppa daatte ele dooglagnu, na dayak aben nahip, amuam hab aab, na appa daanna, na wan laihnu danabnu unuqittak doon, nug na aɗi hekkutnu oɗ medatte amu, na amu hekkutnu oɗ medattem.

Sam 141:2

Na dahil unuqittak imunu amu, na kalu danab ile, muttuɗig enanag otte bia dookkutnu oɗ medattem. Ao, na da eppel bahii, attan tette ele, na amunu tuebnu doɗ manan mettaglag bia anidkkutnu unuqidttem.

Sam 20:3

Nug keeke oh na Nug medattem ele amu, Nug dabma, ⌊na ehanidkkunu⌋ oonig daatte. Yo, ig nahip manaknu ofa na hena medakkut amu, Nug ena doya aokkunu oonig daatte. Sila.

Aisaia 43:26

⌊Amge ag amu uutteb dayeb, ag, ‘Ig keeke laa, laa nug amu uhuqa megakkunu ii hemut,’ dabmetteb dayeb amu,⌋ ag hettoɗiak abenppa goppeg daat, ag ahilag oiyak digmakppanu gemu batak appeg doyei! Ag anam heppeg, ag da ele ig amunu nai apput ona, apput doaɗ! Ag ahilag dabmakppa ag eheɗ laa ii heppig, ag amunu appeg doyei!

Aisaia 45:19

Da aben lokkumak ele, da aguppa dayeye, nai ii mattimi. Wan amuppa gatatu daatte amu, da gatatu amu ooppa daye, nai ii mattimi. Da Jakop buɗub ag aben danab ah ii daattebppa da aniɗna dim lamiɗkkulagnu mattiɗkkulagnu ii ami. Da, Yawe, da genab madittem. Da kobol tutukku aakkuib ippunadttem,” Yawe Nug anam atte.

Daniel 10:11

Da anam daaiyi, ⌊danab da anidmi⌋ nug aum. “Daniel, Kayak nahipnu ooppa enanag dootte, amu na nai da na amenppa akkulnu hettem amu, na nai amu dabmettan autna awe! Laa he, da na gumitten uɗikkulnu uɗimi amunu, na hippaidna daye!” awa aum. Nug anam a, da hippaidmi, amge da hahaɗeɗe daami.

Lewitikas 2:2

Anam hewowa, laa nug mana mettak hette ele nug mana mettak amu awa, Aron bekkod gumatta ukkeb, amunu laa nug geha plaua enanag olip goɗen ele kaboliak eppeg laippuppa appua, amu kalu danab ile muttuɗig enanag bette, amu oh ele, ou daakkunu qaɗabppa aab aɗuppa manakku. Am mana mettak amuam aab aɗunu ofa aakku. Mana mettak amunu muttuɗignu, Yawe Nug ooppa ena dootte.

Malakai 3:16

Amu laa ag Yawenu anam eheɗ mattin appig, amge laa ag genab Yawenu ebehilag oh bodoetta le mette ele, ag akka akka ⌊Yawenu⌋ mattiak ⌊tutukku⌋ heeg, Yawe Nug ag keeke madippig amu doyom. Nug doya he, laa Nug noobppa daya, laa amu onilag buk itoɗiakppa daakkunu yom. Amuam laa ag Yawenu ebehilag oh bodoetta le mette, ag Nug binag metteb ele, nug ag onilag buk itoɗiak amuppa yom.

Matyu 26:13

Da genab ag amelagppa attem. Dimppa danab ag wan atu ohppa dahilnu Nai Ena imu adeppa adeppa mehuqnana, ag ah imu keeke heum amu, ag amunu madippeg doon, ag nuhignu dabmekkulag,” awa aum.

Luk 1:29

Maria nug nai amu doya, nug ottaia dabmak kuɗum awa, nug nukka nuhig dabmakppa aum. “Nai amu attemunab?” awa aum.

Luk 24:5

Anatna, ah ag baɗan, gatelag qaun ona, gomelna, iɗulah wanppa meppig, amge danab aɗit aa ag amelagppa apiɗ. “Aɗinu ag danab bau, mauhak gaɗalag maadtteb abenppa mattin oitteb?

Aposel 10:31

nug aum. ‘Kornilius, Kayak Nug nahip unuqittak doya, amu na daɗek danab ehanadttem amu ele anttom.

Aposel 14:9

Nug Pol nai mattie doyeye, Pol nug tutukku danab amu neekkitta, nug nuhig ooppa genab doyakppa eɗua ena daakkunu elele anttom

Aposel 22:10

Nug nai amu mattia male amu da ami. ‘Naɗi, da aɗitai hekkul,’ awe ami. Ai amu Nug aum. ‘Na ahan, Damaskus gona daappe, appa amu danab laa nug Kayak na aɗi aɗi hekkutnu tituanittom daattem amu, nug ab na dookkut,’ awa aum.

Aposel 3:4

Unuqate, Pita, Jon ele aa nug tutukku neekkidyaya, Pita nug aum. “Na i anite!” awa aum.

Pilipai 4:18

Ag Epaproditus eppegppa keeke meeg dahilppa uɗiom amu, da awen, da keeke kuɗumnab, elelenab daattem. Keeke ag meɗappig ele, keeke amuam mana mettak muttuɗig ena ele ag Kayak medappig bia daatteb. Kayak Nug mana mettak anam awa amu, Nug oo enanag ele daatte.

Pilipai 4:6

Ele amu, ag aɗi keeke laippunu dabmak qak aib doon daappig. Iitta! Ag keeke ohnu unuqittak digdigppa, “Ena heme,” anakppa ele, ag Kayak Nug ahilagnu aɗi aɗi hekkunu oolag daatte amu, ag oo hak amu Kayak amegppa aig!

Hibru 13:16

Amu ag kobol ena hekkulagnu, ag lailkad keekenu tutu mak ele nug ehanittak kobol ele hekkulagnu aib daulag atiom. Aɗinu? Kayak Nug amunu mana mettak bia doya, oo ena daatte.

Hibru 6:10

Kayak Nug epeɗiak eheɗ laa ii hette amunu, ag uɗat nuhig heppig, ag nuhignu oolag mauhtte dabmenana, nuhikkud danab ah oppiaawak ele ehanattegeg uɗie gemu ele anam hetteb amu, Nug amu oh daug ii atima.

Revelesen 8:4

Mana medette amu, kalu danab ile muttuɗig enanag bette ele, amunu kahug, muttuɗig ele, aria Kayaknu danab ah oppiaawak ele dilag unuqittak ele, engel eppegppanu Kayak toppa teum.

1 Samuel 3:10

Nug anam niieye, Yawe Nug uɗia, Samuel niiomppa guguitta hibaitta dayaya, nug haen laa oh Samuel onigppa eum bia baula ewa “Samuel! Samuel!” aum. Nug anam e amu, Samuel nug aum. “Nahip maɗi nid da, da nai dookkulnu iikku daattem amunu, na aɗi akkutnu hettem amu, na anam akkutnu ool daatte,” awa aum.