Aposel 10:3 - Nobonob Baibel

³ Nug anam heehe amu deɗ laa tueb, aam ameg ewamppa nug tuleglegppa Kayaknu engel laa miag atiak nug gumitta uɗia anttom. Engel nug uɗia, onig diia, “Kornilius,” aum.

Aposel 10:3 Iomraidhean Croise

Sam 55:17

Buttua, amun, tuqan ele da unuqittak baal okkaippa uug nau toniɗom imunu hebippi, Yawe Nug da baal dookku.

Eksodas 33:17

Moses nug anam a, aria Yawe Nug Moses amegppa aum. “Da nahipnu ena doottem, da na dooitte aute aottem amunu, da am geha, na ame bianab, da anam hekkul,” awa aum.

Aisaia 45:4

Da Jakop buɗub, ag dahilad maɗi nid maɗi ah ele amu, da ag eheɗ daatteb anidttem amunu, da ahilagnu dabmak anuqak awewe, ehanadkkulnu hettem. Ao, da Israel danab ah, da ag tituanadmi amu, da ag eheɗ daatteb anidttem amunu, da ahilagnu dabmeinne, da ehanadkkulnu hettem. Da ehanadkkulnu hettem amunu Sairus, da na oninppa ein, uɗat imu mettami. Na da ii dooiɗttem, amge da na binan okkai mettami.

Matyu 27:46

Aria, aam ameg ewamppa anam amu, Jesus Nug baag okkaippa, “Eloi, Eloi, lama sabaktani?” ewa aum. Nai amu eɗuak am, “O dahil Kayak, O dahil Kayak, na aɗinu da uuiɗmenu diig appe dookkulnu oɗ medattem.”

Luk 1:11

Daaegeg, Sekaraia nug uɗat nuhig heehe, Naɗinu engel nug kalu muttuɗig enanag ileb baknu qaɗab heqo laih naɗiappanu hibaitta dayeye, Sekaraia nug anttom.

Luk 2:13

Engel nug amelagppa ana male, pahanab Kayaknu engel kuɗum hab aabppanu neeg, moitan daanna, ahi ettana appig.

Aposel 10:17

Pita nug Kayak keeke amu ippunitte anttowa, nug oo ii maitte, keeke amu diignu dabmak kuɗum awom. Nug anam dabmak awewe, aria danab Kornilius he uɗippig amu ag uɗin bena, ag Saimon laugnu oɗ meeg, ippuanatteg dona, lag odppa hippaidna daappig.

Aposel 10:19

Aon oɗ meegeg, amu Pita nug keeke anttom, amunu dabmeeme, Kayak Ouɗi amegppa aum. “Doye! Danab ewam ag na mattidtteb

Aposel 10:30

Awa a aria Kornilius aha, nug keeke nuhigppa be anttom amunu mattia inam aum. “Keeke anidmi amu gemu deɗ waɗele iikku ukkom am inam. Da laulppa dayeye, da tueb, aam ameg ewamppa haen gemu inam iikku bia aakku da unuqittitti, danab laa, nuhig lamen am amahlaknab ele, nug da noolppa hibaitta

Aposel 10:9

Aria, danab ewam ag ukkaegeg ⌊uudo, ibppa niiona, ahan ukkaegeg,⌋ aam ameg tutukku aokkunu heehe Jopa guguittegeg, Pita nug lag koɗokko uɗem ukkakppa unuqidkkunu teum.

Aposel 11:13

Lakka teut, danab amu nug engel, nug laug ooppa noa hibaitta dayaya, nai amegppa aum amu nug amunu ig amenigppa mattiom. Kornilius nug engel inam aumnu ig amenigppa aum. ‘Na danab heppe, Jopa gona, ag Saimon, nug onig laa Pita, nug appeg uɗia,

Aposel 27:23

Pol nug anam awowa amu nug tuɗitta aum. “Gemu tuqan imuppa, Kayak, da nuhig dayeye, da Nug noobppa dup noin binag mettem ele amu, nuhig engel nug da gukkuiɗa hibaitta dayaya,

Aposel 3:1

Haen amu deɗ laa Pita, Jon ele aa tueb, aam ameg ewamppa, unuqittak haenppa Kayaknu mettid lakka unuqidkkulahnu gopiɗ.

Aposel 5:19

amge tuqan amuppa Naɗinu engel nug maniguittak lag od matula he dimittim doeg, nug amelagppa aum.

Aposel 9:10

Nug anam dayeye, danab laa nug Jesusnu ooppa genab doyom ele, nug Damaskus appa dayom, nug onig Ananias. Nug dayeye, Naɗi nug onig diia, “Ananias,” awa aum. Awa a aakku nug oɗeppa awa aum. “Naɗi, da ina daattem,” awa aum.

Aposel 9:4

Anam amu, Saul nug wanppa na qa, wanppa niieye, nai baag laa na, inam nug amegppa a doyom. “Saul, Saul, na aɗinu da eheɗ heiɗttem?” awa aum.

Hibru 1:14

Nug engel laa amegppa anam ii aum. Iitta! Engel ag am ouɗi, ag am Kayaknu uɗat hetteb. Kayak Nug ag gona, danab ⌊ag Jesusnu oolagppa genab dooppig amunu,⌋ ag Padal ii maknu ehanittak aoglagnu daatteb ehanadkkulagnu maatte gotteb.

Hibru 1:4

Engel ag am onilag ele, amu Jesus ele onig ele, amge Nug onig amu engel onilag huana eɗidtte, amubia Jesus Nug engel eɗadtte.