Aposel 10:2 - Nobonob Baibel

² Danab amu nug baekkudppa ele ag oh Kayaknu ebehilag oh bodoetta le meum. Amu nug men doɗo kuɗum, Juda danab men doɗo iitta ele, nug ag ehanatta madatta, haen oh nug Kayak unuqidttom.

Aposel 10:2 Iomraidhean Croise

Genesis 18:19

Aɗinu? Da Abraham doottem, nug, nug bekkod, nug laugppanu ele, ag da, Yawe, ag dahil ib dim lamidkkulagnu ippunadkku. Ippuanatteb, ag kobol tutukku, amu nai doya mala hettoɗia epeɗia elele mettak kobol ele dim lamidkkulag amunu, da nuhigppa aɗi hekkulnu nai ain qakkami amu, da amu hekkul,” awa aum.

1 King 8:43

amu Yawe, geha wan laihnu danab ah ag ig nahipad danab ah Israel, ig na dooittutut, amu ig nahipnu ebehinig oh bodoetta le mette, amubia ag na dooidkkulagnu, ag nahipnu ebehilag oh bodoetta le mekkunu, geha wan laihnu danab ag lag imu, da hemi amu, lag amuam na laut, na onin aguppa daatte ele dooglagnu, na dayak aben nahip, amuam hab aab, na appa daanna, na wan laihnu danabnu unuqittak doon, nug na aɗi hekkutnu oɗ medatte amu, na amu hekkutnu oɗ medattem.

2 Stori 6:33

amu Yawe, geha wan laihnu danab ah ag ig nahipad danab ah Israel, ig na dooittutut, amu ig nahipnu ebehinig oh bodoetta le mette, amubia ag na dooidkkulagnu, ag nahipnu ebehilag oh bodoetta, le mekkunu, geha wan laihnu danab ag lag imu, da hemi amu, lag amuam na laut, na onin aguppa daatte ele dooglagnu, na dayak aben nahip, amuam hab aab, na appa daanna, na wan laihnu danabnu unuqittak doon, nug na aɗi hekkutnu oɗ medatte amu, na amu hekkutnu oɗ medattem.

Job 1:1

Anukkanab danab laa onig Job nug Us wanppa dayom. Danab amu nug Kayaknu neekkakppa ooppa kaliak laa iitta ele. Nug genab tutukku hak danab. Nug Kayaknu ebehi oh bodoetta le me, nug eheɗ laa hekkunu uua autanab awom.

Job 1:5

Amu nug bekkod ag anam heegeg ukke ukke, eblaih aɗit ele amu oh ag ag laulkad anen anenppa hobul hena malaeg, Job nug ag Kayak ele ouqa dayaknu elele daaglagnu ag beɗulag oolag ele bappaidkkulagnu nai ahilagppa me ukkom. Job anam he, deɗ amu uue, wagɗe buttua Job nug aha, ahilag anen anennu manaknu ofa hattom. Nug, “Nid dahilad ag Kayak uuidna, hipunin heppigtai,” ana dabmeum amunu, nug anam hettom. Job nug hanhan anamib hettom.

Sam 102:15

Danab ah wanppan wan anen anen ohppanu amu, ag Yawenu ebehilag oh bodoetta le mekku. Ao, wanppan king oh ag binag amahlak oppiaawak ele nuhig anidna, ag ebehilag oh bodoetta le mekku.

Sam 119:2

Genab, aun aɗi ag Yawenu ɗo, kobol ele ɠagattag aɗan dim lamidtteb, ag Nug anidna dim lamidkkulagnu meulag ohppa Nug maditteb ele amu, ag itittak ena aoppig daatteb.

Sam 25:5

Na heppe, da nahip doyak diig genabib doyen, dim lamittei! Aɗinu? Na am dahil Kayak, na am dahil padal mepanu ehanittak daattem. Da deɗ oh amun tuqan ele nahipnu oolppa genab doottem.

Sam 41:1

Am danab nug daɗek danab ah anatta, nug ahilagnu oo bodoettak ele doyadtte amu, nug itittak ena awom daatte. Danab nug daɗek anam ehanadtte amu, uug digdig nuhigppa betteb amu beegeg, Yawe Nug danab amu ehanidtte.

Sam 55:17

Buttua, amun, tuqan ele da unuqittak baal okkaippa uug nau toniɗom imunu hebippi, Yawe Nug da baal dookku.

Sam 86:3

O Naɗi, da na deɗ oh, amun, tuqan ele na unuqidttem amunu, na dahilnu oot gai-iitta doon oot meɗan ehaniɗkkutnu oɗ medattem.

Sam 88:1

O Yawe, na Kayak da ehaniɗe, padal ii mettem. Anam amu, da nahipnu hanhan amun tuqan ele unuqidttem.

Eklisiastis 7:18

Na Kayak ippunikkomnuib dabmena, ib gamagppa oikkut am ena; amunu diig am, danab nug Kayaknu ebehi oh bodoetta le mette amu, nug aɗi keeke haknu, nug nuhig dabmak buɗieb ukkeb, hakib hekkunu kobol am uukku.

Aisaia 59:19

Nug ɠagattagnab, gu huanaknab neene, le ui eheɗ oowo, ulah huanak ele dim lamitta le duttuntte bia haaha, bu madakku. Anam amunu, danab ah ag aam nodeppa daatteb, ag Yawenu ebehilag oh bodoetta le mekku. Ao, aam bedeppanu danab ah ag Yawe, Nug binag amahlak oppiaawak ele, ag amu doon, nuhignu ebehilag oh bodoetta le mekku.

Daniel 6:10

Danab okkai amu ag anam heeg, king nug ɗo amu he ye, onig me, haen Daniel nug ɗo amunu doya amu, nug aha, lakka ukka, nug oo attan laa gililppa ulah ibuppa, danab nug appa dayaya, neekkeb laih Jerusalem daatteppa gokkunu elele, nug gililppa ulah ippu amuppa gateg qaun o, nug Kayak amegppa, “Ena hen mekkame,” anana, Kayak unuqittom. Nug deɗ ohppa haen ewam Kayak anam unuqittom. Nug kingnu ɗo nai amu ii babaittom haenppa heum bia tuɗitta heum.

Daniel 6:16

Ag anam aeg, ɗo anam dayom amunu, king nug haknunab nai anana, ag Daniel aon uɗieg, king Daniel amegppa aum. “Nahip Kayak, na Nug hanhan Nug waappa daan, nuhig maɗi nid daattem amu, Nug heeb, na ena daakkutnu ool daatte,” awa aum. Nug anam awa a, ag nug moɗ naɗi laion daattebppa buɗieg noum.

Daniel 6:20

King nug ukka, moɗ naɗi laion daatteb guguittak ukka, nug baag oo doyak eleppa Daniel onigppa ewa aum. “O Daniel, na Kayak bau daatte elenu maɗi nid, nahip Kayak, na hanhan Nug waappa daan, nuhig maɗi nid daattem, Nug ehanitte, na qagaiettakppa ii daanna, laion eheɗ laa ii heidmananu elele daamete, o iittate?” ewa oɗ mettom.

Daniel 6:26

Da ɗo imu iikku mei gotte. Danab ah ohnab ag da wan atu gumattem amu, wan amunu aben ohppa, ag ohnab ag Danielnu Kayaknu ebehilag oh bodoetta le maɗ! Danielnu Kayak Nug bau daatte. Ao, Nug hanhan daatte. Nuhig ɗo maɗoɗnu amu, laa nug heeb ii nauhma. Ge, nuhig wan atu gumak am alet, ii tuqa awak daatte.

Matyu 25:17

Amubiaib laa talent aɗit awom ele, nug ele anam ha, talent aɗit baula awom.

Luk 18:1

Amu Jesus Nug keeke danab ag dootteb ii dootteb ele ouaqata ippuanatta, ag haen oh unuqidkkulagnu, ag bahilag yaamanu ele amelagppa aum.

Luk 2:25

Haen amuppa danab laa Jerusalem dayom, nug onig Simeon. Nug Kayak noobppa tutukku oiyaya, Kayak binag ena maama, Israel dilag ehanattak danab ameg meum. Kayak Ouɗi nuhigppa dayom.

Aposel 10:22

ag nug amegppa appig. “Kornilius, nug ban daup 100 dilag ikki daatte, nug he ig uɗimut! Nug am genab tutukku hak danab. Nug Kayaknu ebehi oh bodoetta le mette. Juda danab ah oh ag nuhignu ena elele dootteb. Amu Kayaknu engel oppiaawak laa na, Kornilius amegppa nahipnu, na Kornilius laugppa gona, na nai laala appe nug dookkunu aum amunu nug he, ig uɗimut,” aon appig.

Aposel 10:31

nug aum. ‘Kornilius, Kayak Nug nahip unuqittak doya, amu na daɗek danab ehanadttem amu ele anttom.

Aposel 10:35

Iitta. Kayak Nug danab buɗub ohppanu laa ag nuhignu ebehilag oh bodoetta le mette, ag kobol genab tutukku ele hetteb amu, Kayak Nug ag diiadtte.

Aposel 10:4

Nug anam a amu, Kornilius nug ameg behabe, engel neekkittatta, huanak baɗaɗa nug aum. “O naɗi, amu aɗitai?” awa aum. A aria engel nug amegppa aum. “Kayak Nug nahip unuqittak doya, amu daɗek ehanittak kobol nahip ele antta, nahipnu dabmette.

Aposel 10:7

Engel nug Kornilius amegppa anam awowa ugekke, aria Kornilius nug nuhikuɗ maɗi nid aɗit laa, amu daup laippu ele onilagppa e doppig. Daup amu nug Kayaknu ooppa genab doya, nug Kornilius ehanittom.

Aposel 11:14

nug geha na amenppa nai laala mehuqeb dooppe, Kayak Nug na, amu na baenadppa oh ag ele oh eɗua diiadkku.’

Aposel 13:16

Aon aeg, aria Pol nug aha, eppeg huma, nug aum. “Ag Israel danab, amu ag iitta aɗi danab ag Kayaknu ebehilkad oh bodoetta le mette amu, ag ele oh doyeg!

Aposel 13:26

O lailad, ag laala Abraham buɗubppan danab, amu ag laala iitta aɗi danab ag Kayaknu ebehilag oh bodoetta le mette amu, ag oh doyeg! Kayak Nug danab eɗua diiadkkunu aum amu, Nug ig oh, ihinignu aum.

Aposel 13:50

Appanu ag Naɗinu nai dooppig, amge Juda ag ahan, aab okkai amuppan ikki danab amu ah laala onilag ele, ag Kayaknu ebehilkad oh bodoetta le meum amu, ag oolag yaaeg, ag ahan, Pol, Barnabas ele eheɗ haatna, aa wan atu amuppanu lamatppig.

Aposel 18:8

Pol nug appa daye, Juda dilag nai doyak lagnu ikki danab onig Krispus, amu nug baekkudppa ele ag oh Jesusnu oolagppa genab dooppig. Korint kuɗum laa ele ag Pol nai mehuqe, ag oolagppa genab doona, layattak aoppig.

Aposel 2:5

Haen amuppa wan ohppanu Juda danab ag Kayaknu ebehilkad oh bodoetta le meum ele, ag gona, wanppan wan ohppa daappig amu, ag appanu uɗin Jerusalem daappig.

Aposel 22:12

Aria, appa danab laa dayom, nug onig Ananias. Nug am ɗo dim lamittak danab. Juda oh Damaskus daatteb ele, ag nuhignu ena elele dootteb.

Aposel 9:11

A amu Naɗi Nug amegppa aum. “Na ahan, ib onig Tutukku, amuppa gona, Judas laugppa tena, na Tarsus danab laa anidkkut, nug onig Saul. Nug unuqidtte. Amu da hei, nug tuleglegppa, nug eɗua neegkkunu elele daakkunu amu nug danab onig Ananias nug ukka, nug eppeg qaɗeppa me anttom,” awa aum.

Aposel 9:31

Aria, amu dimppa amu, laih Juda appa, Galili appa amu Samaria ele, aben amu ohppa haen amuppa Kristen tamaniakppa maɗoɗ dayom. Kayak Ouɗi danab ah amu ehanatta ag oolag ɠagattag qe, ag Naɗinu ebehilag oh bodoetta le meeme, danab ah kuɗum ag Kristen tamaniak ooppa noppig.

Aposel 9:36

Aria aab laa onig Jopa, appa amu ah laa Jesusnu ooppa genab doyaya dayom, nug onig Tabita, Grik naippa amu ag Dorkas atteb. Nug hanhan kobol ena haaha, nug danab ah keeke iitta ele amu ehanattatta, keeke madattom.

Kolosi 4:2

Amu ag oh ag Kolosi daatteb amu, ag unuqittak hekkulagnu oolag mettan, ag unuqidnana, ag hamu aib heppig. Iitta. Ag dabmak ele unuqidkkulag, amu ag anam henana, ag Kayak amegppa, “Ena hen mekkame,” ele aon aig!

1 Tesalonaika 5:17

Ag unuqittak haen oh henana dayeg!

Jems 1:5

Ag oolagppa danab laippu laa nug doyak dabmak ena ele elele iitta daatte dayeb amu, nug amunu Kayak unuqittaɗ! Nug unuqitteb, Kayak Nug doyak dabmak ena ele medakku. Kayak Nug keeke danab madatte amu, Nug elelenab madatta, Nug mettaknu nai ii hette.

Josua 24:15

Anam, amge ag Yawe waappa daan, Nug oɗe dim lamidkkulagnu oolag ii daatte dayeb, ag gemu aun dim lamidkkulagnu amu dabmak aweg! Ag mamelkad aɗi Mesopatemia daanna, kayak laala waalagpa daan, oɗe dim lamidppig, amute, o iitta, Amo danab, wan ag amuppa gemu daatteb ele, ahilag kayak waalagppa daan binalag mekkulagtai. Ag amu hekkulagtai, amge da, da baeladppa ele amu, ig Yawe waappa daatta, Nug oɗe dim lamidkkunig,” awa aum.

Revelesen 15:4

O Naɗi, na aakkuib oppiaawak daattem amunu, aun laa ag nahipnu ebehi oh bodoetta le mak ii doon, na binan amahlak oppiaawak ele ii mekkulag? Atu atu danab oh uɗin, na noomppaib dup nona binan mekkulag. Nahip genab tutukku hak kobol am miag atia beum amunu, ag hekkulag,” aon appig.