Aposel 10:1 - Nobonob Baibel

¹ Aria, iitta aɗi danab laa Sisaria dayom, onig Kornilius. Nug ban daup 100, onig Itali daup, nug amu dilag ikki dayom.

Aposel 10:1 Iomraidhean Croise

Matyu 27:27

Aria, gawananu ban danab ag Jesus aon, aben onig Pretorium, appa noppig. Nona heeg amu, ban danab ameg amu laa oh ele uɗin qagmena, Jesus talilidna daappig.

Matyu 27:54

Amu ban daup 100 dilag ikki nug, amu daup laa ag nug ele daanna Jesus guman daappig, ag mim ne, keeke laala oh ele beeg anidna, baɗak eheɗ nau doon appig. “Genab, danab imu Nug Kayak Bekka!” aon appig.

Mak 15:16

Pailat anam mattiom amunu nuhikkud daup ag Jesus aon gona, gabman okkai laug enanagnab, amu onig am Pretorium, ag amu ooppa nona, ag daup laa oh onilagppa eeg, uɗieg,

Luk 7:2

Amu Rom danab laa, nug ban daup 100 dilag ikki amu, nuhig maɗi nid laa, nuhignu oo huan hette ele, nug oɗe ma mauhkkunu heum.

Jon 18:12

Nug anam a amu, Romnu ban danab, ahilag ikki ele, amu Juda dilag daup ag Kayaknu mettid lag gumappig ele ag Jesus aɗana, muɗippa hippalppig.

Jon 18:3

Amunu Judas nug Rom dilag ban danab laala, amu daup ag Kayaknu mettid lag gumappig ele, ag oolagppanu mana mettak danab okkai amu ɗo gumak danab-Parasia ele ag laala heeg goppig ele amu, Judas nug ag oh ib ippuanatte, aben amuppa uɗippig. Ag amahlak, hul amu ban haknu keeke ele aon goppig.

Aposel 10:24

Aria ag gona, tuqan laippu ibppa niiona, ahan gona Sisaria teppig. Kornilius nug amelag ma dayaya, nuhikkud tiig laippu, amu nug laikkudnab ele, nug ag onilagppa e uɗieg, ag ele qagmena daappig.

Aposel 21:31

Ag Pol qeppeg mauhkkunu heegeg amu Romnu ban daup Jerusalem daappig, amu dilag ikki anuqak nug, “Jerusalem danab oh ahan ottaitteb,” doyom.

Aposel 21:8

Deɗ laippu amu uue, wagɗe deɗ amuppa ig Tolemes uuta gota, Sisaria teta amu ig gota, Pilip, nug Nai Ena mehuqak danab amu, ig nug laugppa nug ele daamut. Nug am digmakppa danab eblaih aɗit ele laa ag totol danab ehanadppig ele, nug am amunu oolagppan laa.

Aposel 22:25

Nug anam a, ag Pol bu qaun eleppa eheɗ mataɗkkulagnu muɗippa hippalegeg amu, ban daup 100 dilag ikki laa nug Pol guguitta hibaitta dayeye, Pol nug amegppa inam aum. “Rom dilag ɗo am attem ippunigtte? Ag Rom danab nug tatam bu qaun eleppa eheɗ mataɗppeg, dimppa nug hettoɗiakppa, nug eheɗ heumtai o iittatai anidkkulagnu attete?” awa oɗ mettom.

Aposel 23:23

Aria, ban daup ikki anuqak nug nai amu doya, nug ban daup 100 dilag ikki aɗit onilahppa e doeh, amelahppa aum. “Aa ban daup 200 diiya, danab 70 hosppa gokkulagnu ele diiya, ban daup 200 laa ag ban aɗatteb ele diipeɗ bappaidna, ag tuqan nain kilok amu Pol omalna Sisaria gokkulag.

Aposel 23:33

Ban daup hosppa goppig ele ag Sisaria nona, ag yaak uɗug amu gawana mettona, Pol ele omalna waeg, gawana eppegppa meppig.

Aposel 25:1

Pestus nug prowins amu gumakkunu uɗia, Sisaria dayeye, deɗ ewam uue nug aha, Jerusalem teum.

Aposel 25:13

Am deɗ laala uue amu King Agripa amu Bernaisi ele, ⌊aa eappinag amu⌋, aa Pestus humidkkulahnu Sisaria uɗipiɗ.

Aposel 27:1

Ag nai mattin, ig Itali wannu aab okkai Rom gokkunignu dabmak awona, ag Pol nug, amu maniguittak danab laala ele, ag ban daup 100 dilag ikki onig Julius, nug gumadkkunu nug eppegppa meppig. Nug am ban daup dilag huu laa onig Sisarnu huu, nug am amunu laa.

Aposel 27:31

amge Pol nug ban daup 100 dilag ikki am daup ele amelagppa aum. “Danab umu ag uubppa ii daaglag amu, ag laa uubppa daatteb ele ag padal mekkulag,” awa aum.

Aposel 27:43

Ag anam heppig, amge ban daup 100 dilag ikki nug Pol ehanidkkunu oo ha, ag anam ii hemananu ana, nug danab oh laa ilog mak doodppig ele ag tatam uubppanu oolna, yuppa ilog men gona, yu ihippa gokkulagnu aum.

Aposel 8:40

Anam ukkom amge Pilip nug Asdot appa tula ba, aab laala ohppa ukka oiyaya, nug Nai Ena mehuqom. Nug anam haaha ukka Sisaria waum.