Aposel 1:7 - Nobonob Baibel

⁷ Aeg amu, Nug ag amelagppa aum. “Amu ahilagte keeke amunu, ag da Mamel Nug haen deɗ ele aum amu ag dooglag? Iitta. Nug nukka keeke amu gumatte.

Aposel 1:7 Iomraidhean Croise

Job 24:1

Am aɗinu Laa Nukka Ɠagattag Oh Ele Nug haen ganeb hettoɗiak abenppa daakkunu a, ig ii doottem? Ao, laa ag Nug dootteb ele, ag Nug hettoɗiak abenppa anidkkulagnu dabmetteb ele amu, aɗinu ag amu hekkulagnu ib oo nak daatte?

Daniel 2:21

Kayak Nug wanppa aɗi keeke bekkulag, aria haen adekkuppa bekkulag ele gumatte. Nug he, danab laa king abenabppa tette. Nug he, danab amu king abenabppa ii daatte. Nug he, danab doyak dabmak ena ele nug doyak dabmak ena amu tuɗid ele aotte. Nug he, danab diignu doyak tutukku ele, nug diignu doyak tutukku tuɗid ele daatte.

Matyu 20:23

Aa anam aeh, Jesus Nug amelahppa aum. “Genab, le mua ele da lakkul amu, aa lakkulah, amge aun nug da heqol naɗiap-ppa daakku, aun nug da heqol nanehppa daakku amu, da akkulnu elele iitta. Da mamel Nug aben aɗit amu aunnu babaittom amu, aa aakkuib amuppa daaglah,” awa aum.

Matyu 24:36

Anam, amge laippu laa nug amunu haen, deɗ ele ii dootte. Engel hab aabppa daatteb ele ii dootteb. Da ele ii doottem. Mama nukka keeke amu dootte.

Mak 10:40

amge aun nug da heqol naɗiap-ppa daakku, aun nug da heqol nanehppa daakku amu, da akkulnu elele iitta. Da Mamel Nug aben aɗit amu aunnu babaittom amu, aa aakkuib amuppa daaglah,” awa aum.

Mak 13:32

Anam amge laippu laa nug amunu haen, deɗ ele ii dootte. Engel hab aabppa daatteb ele ii dootteb. Da ele ii doottem, Mama nukka keeke amu dootte.

Luk 21:24

Geha laala ag qep elabppa mauhkkulag, am laala, ahilkad kekeɗ ag ag diin gona, wan laa ohnu oolagppa maadppeg daaglag. Amu iitta aɗi ag uɗin, Jerusalem aon daana, uug medappeg ukkeb ukkeb, ahilag haen Kayak tituanom ele maleb malakku.

Aposel 17:26

Amu danab ah buɗub oh amu, Nug ag alalag laippu heum, amu nuhigppanuib ag bena appatppig. Appateg, Nug he, ag gona wan ohppa daaegeg, Nug nukka haen ahilag matta, appalkad anen anen ele mattom.

Epesus 1:10

Nug oo niitte am inam. Nug ulum aɗebeb, Nug haen epeɗiom ele amu uɗieb, keeke hab attannu, wanppanu ele amu Nug oh qagmaatteb, Kristus waappaib daappeg, Kristus Nug keeke amu oh ikkilag daakku.

Duteronomi 29:29

Yawe, ihinig Kayak, Nug haen gemunu keeke, o butti aɗinu keeke amu, Nug amunu diignu doyak tutukku oh ig ii mekkom, amge ig, amu ig buɗunkad ele ɗo mekkom, Nug ig amu dim lamittaknu haknunab anak nai ihinignu aum.

1 Timoti 6:15

Kayak Nug Jesusnu eɗua uɗiaknu haen epeɗiom daatte, amu haen amuppa amu Kayak Nug heeb, Kristus miag atikku. Kayak Nug am anuqaknab, Nug nukka am okkai daatte. Nug am king dilag King am naɗi dilag Naɗi.

2 Timoti 3:1

Amge na doye, gog tak haenppa uug naunab bekku.