Aposel 1:4 - Nobonob Baibel

⁴ Amu ele deɗ 40 amuppa Nug ag ele oh haen laa ee lanan daanna, Nug amelagppa aum. “Ag Jerusalem paha aib uuppig. Iitta. Ag Kayak Ouɗi da Mamel Nug madakkunu nai qakka aum, da ele nuhignu ag ai dooppig amu, ag Nug ameg mekkulag.

Aposel 1:4 Iomraidhean Croise

Namba 9:22

Haen lombig nug mettid haknu peh lag igippa deɗ aɗit, o iitta kalam laippu, o iitta maɗ laippu keeke daattom amu, Israel ag haen tutu dayaknu aab kalappig, ag aguppaib daadppig, ag ahan laih laa ii godappig. Amge haen lombig nug aha ukkom amu, ag ahan godappig.

Matyu 10:20

Amuppa ag nai ii mehuqmana. Iitta. Ag Mamelagnu Ouɗi Nug ag oɗelagppa nai mehuqkku,” awa aum.

Luk 11:13

Anam amunu, ag nau aɗi ag genab keeke ena ag nid ahilkad mattaglagnu dootteb dayeb, genabnab ag Mamelag, hab attan daatte, Nug danab ag Nug unuqidppeg, Nug nuhig Ouɗi ag madakku,” awa aum.

Luk 12:12

Aɗinu? Am aua amuppaib geha Kayak Ouɗi Nug ag aɗi akkulagnu ag ippuanatteb, ag amelagppa mattiglag,” awa aum.

Luk 24:49

Jesus Nug anam ana, Nug baula tuɗitta aum. “Doyeg! Da Mamel Nug keeke amu anukka ag madakkunu nai qakka aum amu, da meppi nekku, amge ag aab okkaippa daappeg, hab attannu ɠagattag amu ahilagppa neeb, ag uɗat digmekkulag,” awa aum.

Jon 14:16

Amu da Mamel oɗ medappi, Nug Ehanittak laa madakku. Nug ag ele hanhan daaglag.

Jon 15:26

Kayak Ouɗi, Nug onig laa Ehanittak, Nug am doyak diig genabibnu diig Kayak toppa daatte amu, da Nug geha meppi, ag ehanadkkunu ahilagppa uɗikku. Nug amu Mame nuhigppa dayaya uɗikku. Haen Nug uɗia amu, Nug nai dahilnu ag amelagppa mattieb dooglag.

Jon 20:22

Anam awowa, Nug ouɗi ahilagppa iwala, Nug aum. “Ag Kayak Ouɗi aweg! awa aum.

Jon 7:39

Jesus Nug nai amuam Kayak Ouɗinu aum. Danab ag oolagppa genab dooglag ele, ag aoglag. Amge haen amuppa Jesus Nug Mame toppa ii ukkom amunu, Kayak Ouɗi, Nug danab oolagppa ii dayom.

Aposel 10:41

Danab oh ii anidppig. Iitta! Ig laala, ig Nug anidta, aɗi heehe anttomnu mattiak danab daagnignu, Kayak Nug ig tituanikkom ele amu, Nug ig gumikka uɗie anidmut. Nug hibaitte, dimppa ig Nug ele ee, le ele lamut.

Aposel 2:33

Nug hab aabppa teum, Kayak eppeg naɗiap-ppa daatte. Mameg Kayak Nug nuhig Ouɗi, anukka medakkunu nai qakka aum bia amu, Nug mettom. Mette, Jesus Nug ig ele iikku gemu Kayak Ouɗi mekkom amunu, ag keeke imu gemu anidna dootteb.