Aposel 1:3 - Nobonob Baibel

³ Aria, Nug guittak nau amu awa mauhowa, dimppa Nug genab eɗua hibaittom Nug nuhikkud totol danab 11 ippuanadkkunu, eɗuak hibaittak dimppa Nug nuhikkud totol danab 11 haen gamag deɗ 40 amuppa gumatta ona, ib kuɗumppa keeke amu ippuanattom. Nug deɗ 40 amuppa Kayaknu ɗo maɗoɗnu nai ele mehuqe dooppig.

Aposel 1:3 Iomraidhean Croise

1 King 19:8

Engel nug anam a, Elaiya nug ee, le ele baula lawowa, nug aha, ee, le ele amu ɠagattag mette, deɗ 40, tuqan 40 ele ukka ukka, Kayaknu qauko onig Horep, appa ukkom.

Matyu 21:43

Amunu da ag amelagppa attem. Kayak Nug nuhig ɗo maɗoɗ ahilagppanu awa, danab laa eppelagppa meeb, ag meu ena aon mettaglag.

Matyu 28:9

Aa anam ukkaeheh amu, antte! Jesus aa uɗalti teum. Nug ta amu Nug, “Buttua ena,” awa aum. Jesus anam a amu aa Nug gukkuidya waya, baeg aɗaya, aa dup noa binag mak hepiɗ.

Matyu 3:2

Nug nai mehuqaqa inam aum. “Kayaknu ɗo maɗoɗ aakku miag doum daatte amunu, ag oolag eɗuaɗ!” awa aum.

Matyu 4:2

Nug omala ukke, Jesus Nug deɗ 40, tuqan amun ele, ee ohnu kud ma dayowa, Nug enug qeum.

Mak 16:19

Naɗi Jesus Nug anam a amu Kayak Nug he, Jesus Nug hab aabppa ta, Kayak eppeg naɗiap-ppa heɗep na dayom.

Jon 20:26

Nug anam a dimppa, mettid laippu uue, ippunittak awak danab ag baula Sabat deɗppa lakka qagmena daanna, haen amuppa Tomas nug ele oh daappig. Ge, lag od am lok qak daaegeg daappig, amge Jesus Nug uɗia, ag oolagppa dayaya aum. “Ag maɗoɗ ele dayeg!” awa aum.

Jon 21:1

Amu dimppa amu, Jesus Nug nuhikkud ippunittak awak danab, ag Taiberias le ihippa daaegeg, Nug appa ag gumatta tula beum. Keeke amuam inam beum.

Jon 21:14

Jesus Nug eɗua hibaittom dimppa amu, imuam haen ewam Nug aakku nuhikkud ippunittak awak danab gumatta tula beum.

Aposel 13:31

Nug eɗua hibaittowa, Nug deɗ kuɗum ukkom, haen imuag amuppa danab ag Galilinu ahaeg, nug ele Jerusalem goppig ele amu, Nug ahilagppa tula be anidppig. Danab amu ag am gemu Juda oolagppa Jesusnu aɗi heehe anttomnu mattiak danab daatteb,” awa aum.

Aposel 19:8

Aria, Pol nug Juda dilag nai doyak lag ooppa noa, nug baɗak iitta ele Kayaknu ɗo maɗoɗnu nai kalam ewam, danab nug nuhig nainu ooppa genab dookkunu elelenab mehuqom.

Aposel 28:23

Ag Pol ele nai anam mattiona amu, ag deɗ meeg, deɗ amuppa danab ah kuɗum ag Pol gumidna, nug dayom, lag amuppa uɗieg, buttuanu ukke tueb batak nug Kayaknu ɗo maɗoɗnu nai mehuqa, nai Mosesnu ɗoppa niitte, amu propet dilag yaaknu ele, nug nai amuppa ag Jesusnu oolagppa genab dooglagnu, ahilag dabmak maɗetta ippuanatta mattiom.

Aposel 28:31

Nug baɗak iitta ele Kayaknu ɗo maɗoɗnu nai, Naɗi Jesus Kristus, nug nuhignu nai ele danab ah ippuanattatta mehuqom. Nug anam heehe, danab laa nuhignu aib ii aum.

Aposel 8:12

Amge Pilip nug Jesus Kristusnu amu Kayaknu ɗo maɗoɗnu Nai Ena mehuqe, ag doonna, haen amuppa danab ah ele ag oolagppa genab doyeg layattom.

Rom 14:17

Aɗinu? Ee lanak amu le lanaknu kobol ele aa Kayaknu ɗo maɗoɗnu diig iitta. Kayaknu ɗo maɗoɗ diig am genab tutukku hak kobol, maɗoɗ kobol, amu maɗoɗppan gamag ahak kobol ele. Keeke amu oh am Kayak Ouɗi Nug he bette.

Duteronomi 9:18

Aria, ⌊dimppa da eɗue qaukoppa tein,⌋ da Yawe noobppa laippun gatel qaun o, gomelen, iɗul wanppa memi. ⌊Da anam hei, da deɗ 40, tuqan 40 oh da Yawe noobppa dagom dayeye, da Nug unuqidmi.⌋ Da ee laa ii lami, le ele ii lami. Ag hipunin qeppig akkunu da anam hemi. Ag kobol laa, kobol amuam Yawenu neekkakppa eheɗ daatte, ag eheɗ amu heppig amunu, Nug oo huanak nauhom.

Duteronomi 9:9

Haen amuam da qaukoppa men maha aɗit, Yawe Nug he, Nug ag ele nug tituana nai qakkak heppig, Nug nai amu men maha aɗit amuppa yom, amu da men maha aɗit amu diiatkkulnu temi. Da attan appa deɗ 40, tuqan 40 oh daami, da ee laa ii lami, le ele ii lami.

Kolosi 1:13

Nug ig hipuninnu ɠagattag hippalikkakppanu uhuqikkom. Nug ig eɗua awikka, Nug Bekka Jesus, Nug nuhignu oo mauhtte amu, Nug nuhig ɗo maɗoɗ ooppa daagnignu meikkom.

1 Tesalonaika 2:12

ig oo ɠagattag qaknu nai ag amelagppa mattitta, ig oo maɗoɗ dayaknu nai ele mattitta, ig ag Kayak Nug oo niitte bia elele oiglagnu nai mattamut. Kayak Nug, Nug ag nuhig ɗo maɗoɗppa, binag amahlak oppiaawak nuhig ele aon daaglagnu ag onilagppa ette.

1 Jon 1:1

Kristus, onig laa Nai, Nug am bauklel diig amu, Nug digmakppa dayom. Nug ⌊anam daye ukke, wanppa uɗia, Nug⌋ nai mattieye ig daunigppa dootta, ig amenigppa ele Nug anidmut. Ig Nug anidta, eppenigppa ele aɗamut. Nug amu, ig nuhignu iikku madittem.