Aposel 1:13 - Nobonob Baibel

¹³ Haen ag aab okkaippa tena amu ag gona, ag lag oo attan, ag daappig ele amuppa teppig. Ag onilag amu Pita, Jon, Jems, Andru, Pilip, Tomas, Bartolomyu, Matyu, Alpius bekka Jems, Saimon, nug am Selot, amu Jems bekka Judas aakku.

Aposel 1:13 Iomraidhean Croise

Matyu 9:9

Aria, Jesus Nug appanu aha oiyaya, takis awak danab laa onig Matyu, nug takis awak lakka dayeye anttom. Antta, Jesus Nug amegppa aum. “Na dona, da dim lamiɗe!” awa aum. Anam a amu, nug aha Jesus dim lamittom.

Mak 14:15

Aa anam apeɗ, geha nug lag oo okkai attan, balal, dayak aben ele oh babaittak ele ippuanateb, aa lag oo amuppa Pasowa ee babaitteɗ!” awa aum.

Mak 14:33

Nug anam ana amu Nug Pita, Jems, Jon ele aakkuib diiatte, Nug ele goppig. Gona amu Nug ooppa uugnab doyom.

Mak 2:14

Ippuanattowa amu Nug aha, wana oiyaya, Nug Alpius bekka Lewi, nug takis awak lakka dayeye anttom. Antta, Jesus Nug amegppa aum. “Na dona, da dim lamiɗe!” awa aum. Anam a amu, nug aha Jesus dim lamittom.

Mak 5:37

Nug anam awona, Nug danab ah laa oh amu nuhikkud ippunittak awak danab ele ag dim lamidmananu, “Aib,” aum. Amu oh oolagppanu nuhikkud ippunittak awak danab ewam, Pita, Jems amu Jon ele aakkuib Jesus ele Jairus laugppa goppig. Jems, Jon ele, aa am eamag.

Mak 9:2

Aria, deɗ eblaih laippu uue Jesus Nug Pita, Jems, Jon ele omalatta, qauko okkai laappa te, ag akka daappig. Appa daanna amu, Jesus Nug beɗu eɗuom.

Luk 22:12

Aa anam apeɗ, geha nug lag oo okkai attan, balal, dayak aben ele ippuanateb, aa lag oo amuppa Pasowa ee babaitteɗ!” awa aum.

Jon 11:16

Amu Tomas, nuhignu ag Didimus ele atteb amu, nug ippunittak awak danab laa amelagppa aum. “Ig Nug ele mauhkkunignu, ahappeg, ig Nug ele gotu!” awa aum.

Jon 14:22

Jesus anam awa a amu, Judas laa, Judas Iskariot iitta, nug aum. “Naɗi, diig aɗinu igib nahip diig ippunigkkut, amge wanppan danab ah wannu kobol dim lamadtteb ele dilagppa, amuam iitta?” awa aum.

Jon 18:17

Ippunittak awak danab, mana mettak ikki danab nug doyom ele nug anam he, maɗi nid ahin od gumom ele amu Pita oɗ mettom. “Na ele danab imunu ippunittak awak danab laatai?” awa aum. Nid ahin nug anam a amu Pita aum, “Da iitta!” awa aum.

Jon 21:2

Saimon Pita, Tomas, nuhignu ag Didimus ele atteb, aria Nataniel, nug am Galilinu aab Kana, appa dayom, nug appan danab, Sebedi Bekoɗ aɗit, amu Jesusnu ippunittak awak danab aɗit laa ele, ag oh qagmen daappig.

Aposel 12:17

Ottaina dabmak kuɗum aoeg, nug eppegppaib toettaglagnu awowa, Naɗi attem he nug maniguittak ooppanu dimittim doumnu amelagppa mattiom. Nug amunu mattia mala, nug, “Ag Jems amu ig lainkad laala ele imunu appeg doyeg!” awa aum. Anam awowa, nug laih ukkom.

Aposel 15:13

Pol, Barnabas ele aa nai amu mattiya malaeh amu Jems nug aum. “O lailad, da nai imu appi ag doyeg!

Aposel 2:14

Ag anam aon aeg amu, Pita aha hibaitte, totol danab 11 amu ele ahaeg, nug huana ewa, danab ah ag tutukku doona maidkkulagnu inam aum. “Juda danab ag, amu danab ag gemu Jerusalem ippa ina daatteb ele, ag oh da nai madippippi, ag daulag human dabmebeppeg, da keeke imunu diig mehuqppi doyeg!

Aposel 2:38

Aon aeg am, Pita nug amelagppa aum. “Kayak Nug ahilag hipunin uhuqatta madakkunu amu, ag oh akka anen anen ag oolag eɗueb, Jesus Kristus onigppa layattak aweg! Ag anam heppeg, Kayak Nug nuhig Ouɗi ag ɗo hamu mettak bia madakku.

Aposel 20:8

Amu lam kuɗum lag oo attan, ig qagmeta daamut ele, amuppa eoppig.

Aposel 4:13

Haen Juda dilag danab okkai amu ag Pita, Jon ele aa ii baɗapiɗ anidna, amu aa sul okkai ii hepiɗ ele doona, ag ottaina dabmak kuɗum aona, ag Pita, Jon ele aa Jesus ele oippig amu dabmeppig.

Aposel 4:19

Ag amelahppa anam appig, amge Pita, Jon ele aa apiɗ. “I Kayak nai imu uuɗa, ahilag nai dim lamidkkunih dayeb amu, Kayak Nug keeke amunu ena awa akkute? Ag tutukku anidna dabmak aweg!” aoya apiɗ.

1 Korint 15:7

Aria, amu dimppa Nug Jems gumitta ukke antte, amu dimppa Nug totol danab nuhikkud oh gumatta ukke, ag ele Nug anidppig.

Galesia 1:19

amge da Jesusnu totol danab laa ag ii anadmi. Da Jems, Naɗi amag, nugib da anidmi.

Galesia 2:9

Jems, Pita, Jon ele, laa ag ahilagnu, “Ag am ikki danab,” aon atteb amu, ag Kayak Nug ehanittak okkai hamu megatte amuppa Nug da uɗat imu hekkulnu meiɗom dooppig. Ag anam dooppig, amunu ag da Barnabas ele i eppenih aɗaeg, ig oonig laippu meta, da Barnabas ele i am iitta aɗi oolagppa uɗat hebupuɗ, ag am Juda danab oolagppa uɗat hekkulagnu amut.

Jems 1:1

Da Jems, da Kayak, Naɗi Jesus Kristus ele dilah maɗi nid. Da Juda danab ag Juda wanppa ii daatteb, ag wan atu laappa daanna oitteb ele amu, da ahilagnu ehanattak nai iikku yaattem. Da ag humadttem.

2 Jon 1:1

Da Jon, da Kayaknu tamaniaknu ikki danab laa, da nai imu yaattem. Da na ah Kayak tituanittom, nahipad nid naunau ele, da ag oh ahilagnu yaattem. Doyak diig genabib ihinigppa daatte, haen oh ele daakku amunu, da genab ahilagnu ool mauhtte. Am daib iitta. Laa ag doyak diig genabib dootteb amu, ag ele amubia ahilagnu oolag mauhtte.

Jut 1:1

Da Jut, da Jesus Kristusnu maɗi nid laa iikku. Da Jems ele i am eamag. Nai imu amu Kayak, ig Mamenig, Nug baekkudppan danab, Nug ag onilagppa eum, ag nuhig oo mauhak ooppa daatteb, Jesus Kristus Nug ag atognoadtte ele amu, da ahilagnu yaattem.