Amos 1:3 - Nobonob Baibel

³ Yawe Nug inam atte. “Damaskus, ⌊Aram danab ippunigtte⌋ ag hipunin kuɗum heppig amunu, da ool nauhtte. Da ool nauhtte amunu, da bu madakkul. Da oppoɗi bak dahil amu heppi, iitta ii mema. Hipunin laa ag heppig am, ag Gileat danab ah eheɗ nau hadappig. Aram ag danab ee aeg mumuɗaknu keeke, aeg aenppa hak ele ee aeg mumuɗtte, Aram ag Gileat danab ah eheɗ anambia mumuɗadppig.

Amos 1:3 Iomraidhean Croise

Amos 2:6

Yawe Nug inam atte. “Israel danab ag hipunin kuɗum heppig amunu, da ool nauhtte. Da ool nauhtte amunu, da bu madakkul. Da oppoɗi bak dahil heppi, iitta ii mema. Hipunin laa ag hetteb am, ag genab tutukku hak danab aɗualadna, genab tutukku hak danab ag laa dilag maɗi nid daaglagnu maatteg, laa ag silwa men doɗoppa daden metteb. Ao, Israel ag daɗek danab aɗualadna, daɗek danab ag laa dilag maɗi nid daaglagnu maatteg, laa ag baeg gaɗappa, men doɗo iittappa, baeg gaɗappaib daden metteb.

Amos 1:9

Yawe Nug inam atte. “Tair danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil amu heppi, iitta ii mema. Hipunin laa ag heppig am, ag dahilad danab ah ele layam batan, nug tituanna nai qagappig, amge ag nai amu lopaɗna, ag dahilad danab ah dilag aab kuɗum eɗadna, aab amunu danab, ah, nid ele oh aɗualadna, diin gona, Edom danab ah dilag maɗi nid daaglagnu maatteg, Edom danab ag daden maadppig.

Aisaia 8:4

Aɗinu? Haen nid amu nug oɗe oppateb, ‘Mama, anai,’ ii aabob amu, Asiria dilag king, nuhikkud daup ele ag uɗin, aab okkai Damaskusnu keeke ena oh akkan aon, aab okkai Samarianu ele akkan aon gokkulag,” awa aum.

2 King 8:12

Elisa nug anam gaye, Hasael nug antta, nug Elisa oɗ mettom. “Danab okkai, na aɗinu gaattem?” oɗ mettom. Oɗ mette amu, Elisa nug nob ma inam aum. “Da gaattemnu diig am, da doottem, geha dimppa na kobol nau kuɗum, Israel danab ah dilagppa hekkut. Na geha Israel dilag aab ɠagattag aɗ ele loppaɗna, manadppe ewebeb, Israel nid bau amu, na qep elabppa aqappe mauhppeppeg, na nid naunau aɗualadna, huana buɗiadppe, wanppa nona mauhadppeppeg, na ah oolkad ele anadna, na qep elabppa oolag oppatadppe mauhadkkulag,” awa aum.

Amos 2:4

Yawe Nug inam atte. “Juda danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil heppi, iitta ii mema. Hipunin laa ag heppig am, ag da, Yawe, ag dahil ɗo dimedappig. Ao, ag dahil ɗo dim ii lamidppig. Ag amu henana, ag kayak hambuppuak dim lamadkkulagnu eeɗak doon, dim lamadppig; kayak hambuppuak amuam ag mamelkad aɗi kayak hambuppuak dim lamadppig, am kayak amuib.

Amos 2:1

Yawe Nug inam atte. “Moap danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil heppi, iitta ii mema. Hipunin laa ag heppig am, ag ⌊oo doyak ii doon, ag naunab hena, ag⌋ Edom dilag king ebehiud aon, manaeg ewa, kalu ka bia dayom.

Amos 1:13

Yawe Nug inam atte. “Amon danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil heppi, iitta ii mema. Hipunin laa ag heppig am, ag wan tuɗidna aoglagnu ag Gileatnu ah oolkad ele qep elabppa oolkad oppatattegeg nauhppig.

Amos 1:6

Amu Yawe Nug inam atte. “Pilistia danab Gasa daatteb ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil amu heppi, iitta ii mema. Hipunin laa ag heppig am, ag dahilad danab ah dilag aab kuɗum eɗadna, appan danab, ah, nid ele aɗualadna, diin gona, Edom danab dilag maɗi nid daaglagnu maatteg, Edom danab ag daden maadppig.

Sekaraia 9:1

Yawe Nug wanppan danab ah oh, Israel danab ah oh ele, neekkadtte amunu, Yawenu nai imuam Aram wan, Aramnu aab okkai Damaskus ele, amu oh dilag bu awaknu nai uug ele.

Amos 1:11

Yawe Nug inam atte. “Edom danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil heppi, iitta ii mema. Hipunin laa ag heppig am, ag lailkadnab, am Israel danab ah amu, ag ag aqaglagnu qep elab aɗan, lamadna, ag oo bodoetta le mak nakok laa dooglagnu ii doonna uuppig. Ag uueg, ahilag oo nauhak am aab ewawaib daatte bia dayeye; ag lailkadnab dilagnu oppoɗilag be amelag kokoɗ eppa dayom.

Aisaia 41:15

Amu Yawe Nug imu ele atte. “Antteg! Da heppi, ag Israel ag ahilkad kekeɗ eɗadna autna aoglag. Ag danab nug ee aeg mumuɗaknu keeke palang otala okkaippa hak uɗat amu haaha, nug ee aeg qagmak okkai okkai, qauko bia ha malatte, amubia ag kekeɗ eɗadkkulag. Ag heppeg, ahilkad kekeɗ ag nauhna autna aoglag.

Aisaia 7:8

Aɗinu? ⌊Aram, Israel ele ag am genab ɠagattagnab iitta.⌋ Aram dilag aab ikki am aab okkai onig Damaskus aakkuib. Amu Damaskus ikki am Resin aakkuib. ⌊Amu aa oh am ɠagattagnab iitta.⌋ Israel dilag aab ikki am aab okkai onig Samaria aakkuib. Amu Samaria ikki am Remalia bekka Peka aakkuib. ⌊Amu aa oh am ɠagattagnab iitta.⌋ Anam amu, Aram, Israel ele ag ɠagattag ii daan, nena qekkulag. Ge! Maɗ 65 ii ukkak, Israel ag nena qena, huu laippu ii daamna. Amu Juda ag nai dahilnu oolagppa genab ɠagattag ii dooglag dayeb, ag nena qekkulag; ag hippaidna ii daamna.” ’ ” Naɗi Yawe Nug anam awa aum.

Eklisiastis 11:2

Na nug ehanittak nahip am ib kuɗumppa hee! Aɗinu? Na wanppa aɗi uug naunab digdig bekkunu daatteb amu, na ii doottem.

Prowerb 6:16

Am keeke eblaih laippu ele, Yawe Nug amunu nau ninig ele dootte. Ge, Yawe Nug keeke eblaih aɗit elenu ooppa uuaknab dootte.

Job 19:3

Haen kuɗum ag da eheɗ heminu aeg doomi; ag uɗa nak iitta ele banel uɗin, da amelppa nai maditteb.

Job 5:19

Kayak Nug baubau ehanitteb, na qagaiettakppa ii daamna. Ge, haen kuɗum uug nahip-ppa bekkunu daakku, amge nahip-ppa ii bema.

2 King 13:7

Haen amuppa Jehoahas nug ban danab nuhig amu kuɗum iitta. Aɗinu? Aram ag Israel ban danab kuɗum huanak aqaeg mauhppig. Aram ag Israel eheɗnab hadappig amunu, gemu Israel dilag daup ag hos attan daan, ban heppig am 50ib daappig; bannu karis am 10ib daappig. Amu Israel dilag ban danab laa ag baelagppa oinna, ban heppig ele amu, ahilag ebqak am 10,000 aakkuib.

2 King 13:3

Nug anam he amu, Yawe Nug Israel dilagnu oo huan nauhe, Nug Aram dilag king Hasael, aria dimppa Hasael bekka Benhadat, nug Aram dilag king be, Yawe Nug nug ele, Nug aa uuate, aa haen kuɗum Israel banppa eɗadpiɗ.

1 King 19:17

Am inam bekku. Aun nug Hasael eppegppa ii mauhkku amu, nug Jehu eppegppa mauhkku. Am aun nug Jehu eppegppa ii mauhkku amu, nug Elisa eppegppa mauhkku.

2 King 16:9

Aakku Asiria dilag king Tiklat Pileser nug King Ahas nai me ukkom amu doya, nug nuhikkud ban danab diie gona, Damaskus aab okkaippa ban hena, aab okkai amu aoppig. Tiklat Pileser nug King Resin qe mauhe, nug Damaskus danab ah amu diia ukka, Kir aab okkaippa daaglagnu maattom.

Aisaia 7:16

Nug onig Imanuel ataɗkkunu diig am, nid nakok amu, nug okkai ii ma, kobol aɗi am kobol genab tutukku, kobol aɗi am kobol nau ele, nug amu ii doyebeb, haen amuppa king aɗit, Israel dilag king, am Aram dilag king ele, Ahas na king aɗit amu dilahnu gemu baɗak okkai doottem amu, geha haen amuppa wan ahilah nauhaknab, hamu daaglah.

Aisaia 28:27

Amu danab ag karowei meu aoglagnu, ag ee aeg mumuɗaknu keeke palang otala okkaippa hak ii tonan mumuɗadtteb. O ag kumin meu mumuɗadna aoglagnu wilkar ii duttuneg ukka tona gotte. Iitta! Ag karowei meu aoglagnu ag ad qetak okkai biappa tutuna, ag kumin meu aoglagnu ag ad qetak nakokppa amu tututteb.

Sekaraia 9:2

Nai imuam Hamat, Damaskus guguittak daatte, aab onig Tair, aab onig Saidon ele, bu mettak nai imuam ag oh ele tonadtte. Appan danab ag akka ag, “Ig am doyak dabmak okkai ele” atteb.