1 Korint 4:8 - Nobonob Baibel

⁸ Ag Kayak nai elelenab aoppig daatteb bia dootteb, amge amuam genab iitta. Ag keeke laanu daɗek ii daatteb bia dootteb, amge amuam genab iitta. Ehanittak ihinig iittappa ag king bena daatteb dootteb, amge amuam genab iitta. Ag genab king daalob amu, ig ag ele oh king daalom amunu, da ag king daaglagnu ool daatte.

1 Korint 4:8 Iomraidhean Croise

Prowerb 13:7

Danab laa nug enub okkai ele bia ippu hak hette, me nug keeke ele ii daatte; amge danab laa nug daɗek daatte bia ippu hak hette, me nug am keeke kuɗum ele daatte.

Prowerb 25:14

Danab ag laa keeke mattaknu atteb, amge ag ii madatteb; ag am lombig aam haenppa gu wan le ii medatte, amubia hetteb.

Aisaia 5:21

Danab ah aun aɗi ag inam anana, “Ig amu, ig doyak dabmak ena ele,” atteb, ahilagnu am gadonnab gadon. Ao, aun aɗi ag inam anana, “Ihinig dabmak ignab ehanigkkunu elele,” dabmetteb amu, ahilagnu am gadonnab gadon. ⌊Ag padal mekkulag.⌋

Jeremaia 28:6

“Genab, anam dayaɗ! Yawe Nug anam hekkunu da ool anam daatte. Na inam ame. ‘Yawe Nug geha heeb, laa ag Babilon keeke oh Yawenu lag imuppanu akkan goppig ele, ag keeke amu oh eɗun akkan uɗinna, amu danab ah oh diippig ele, ag ag ele diin ippa uɗiglag.’ Na propet nai amu ame amu, Yawe Nug nai nahip amu heeb, meu bekkunu ool daatte.

Namba 11:29

Josua anam aum, amge Moses nug nai nob ma aum. “Na aa da abenal aomyanu baɗattemte? Yawenu danab ah oh ag propet daaglagnu, Yawe Nug nuhig Ouɗi nuhikkud danab ah oh madakkunu ool daatte,” awa aum.

Matyu 5:1

Danab ah Jesus dim lamitteg, Nug danab ah kuɗumnab amu anatta, Nug qaukoppa nakok ta dayeye, nuhig ippunittak awak danab Nug gumidna uɗippig.

Luk 6:25

O gadonnab gadon ag danab ag gemu ee laeg, oolag diditte ele. Ag dabmeig! Aɗinu? Geha dimppa ag enug aqakku. O gadonnab gadon ag danab ag gemu imatteb ele. Ag dabmeig! Aɗinu? Geha dimppa ag uug doon gaappeg, amelag leb nekku.

Aposel 26:29

Nug anam a amu Pol nug aum. “Da haen elab madikkul o da haen tutu madikkul, amuam keeke okkai iitta. Keeke okkai amu na da daattem bia daakkut, amu da amunu Kayak unuqidttem. Na nakka iitta. Gemu danab laa imu oh ag dahil nai dootteb, ag ele anam daaglagnu unuqidttem. Sen imu aakkuib am ag aoglagnu da ool ii daatte,” awa aum.

Rom 12:3

Kayak Nug da ehanittak okkai hamu meɗom amu, da amuppa ag anen anen amelagppa attem. Ag akka anen anen ag, “Dahil hak, dahil oiyak ele am enanag,” amge nahip hak, nahip oiyak ele am melemel amuppa ii bette amu, ag anambia aib dabmeppig. Iitta. Kayak Nug ooppa genab doyak ahilag ag anen anen matte, ag uɗat hetteb ele amu, ag amu dabmenan, ag akka anen anen ag dabmak tutukku aon oiyeg!

1 Korint 1:5

⌊Amu da Kayak amegppa imunu ele, “Ena heme,” awe attem.⌋ Kristusnu nai ag dooppig ele ahilagppa ɠagattag eppe, Kayak Nug Kristus Jesus, nuhigppa he, ag Kayaknu ɗo maɗoɗppa uɗat oh hekkulagnu elelenab daatteb; amuam ahilag nai mattiakppa, ahilag doyakppa ele.

1 Korint 4:18

Da Timoti meppi ahilagppa gokku, amge dimppa da ele gumatte gokkul. Da tatam ii gomi, dimppa gokkul amunu ag oolagppa laala, “Nug eɗua ig gumikka ii uɗima,” anana, beɗuppa tak kobol hetteb.

1 Korint 5:6

Ag akka ag binalag metteb am ena iitta. Yis nakokib uɗat he, plaua oh titiɗtte, ag amu iite dootteb? Aria, kobol nau am yis bia daatteb.

2 Korint 11:1

Ag da dabmeɗappeppeg, da nai hamu madikkulnu hettem imu amu, ag amu doobppeg, ag oolag ii nauhmanu ool daatte. Ag dooglagnuib dabmekkulag.

2 Korint 13:9

Ig am ɠagattag iitta daautut, ag ɠagattag daaegeg amu, ig amunu gamanig ahatte. Haen oh ig ag tutukku elelenab ahan daaglagnu Kayak unuqidttem.

Galesia 6:3

Danab laa nug nukka nug, “Da onil ele,” dabmette, amge nug onig iitta, danab amu nug nukka nug oo buppuidtte.

Pilipai 1:27

Anam, amge aɗi kobol bekku amu, ahilagnu keeke anuqak daatte am, ag oiyak ahilagppa, ag Kristusnu Nai Ena ag amu attem oiglagnu ippunadtte amu, ag anam dim lamidnana tutukku eleleppa oiyeg! Ag anam heppeg amu, da ag anadkkulnu gokkultai, iitta da naippulagib dookkultai am keeke okkai iitta, amge da ag oolag laippu ele daanna, ag dabmak laippu tamanin, ag nug ehanidnana, Jesusnu ooppa genab doyak ahilag aɗan daatteb dookkul.

Pilipai 2:12

Aria gamalad, anukka da ag ele daamut, haen amuppa ag hanhan Kayak oɗe dim lamidttappig, amubia gemu da ag ele ii daattem, da laih daattem amu, gemu ele ag nai nuhig dim lamidkkulagnu huana dabmenana heig! Amu Kayak Nug ag eɗua diiom, ag amu gogppa tekkunu ag nuhignu ag ebehilag oh bodoetta le meeb, ag oolag ottaiebeb, ag Nug oɗe dim lamitteg!

Revelesen 3:17

Na nai inam madittem. ‘Da enul ele. Da keeke kuɗum ele daattem. Da keeke laanu tutu mak iitta.’ Amge iitta. Na uug naunabppa daattem; na danab ag nahipnu oolag dookkunu elelenab daattem; na daɗek daattem; na amen gaɗuak daattem; amu na bam iitta ele daattem. Na nakka na anam daattem, amge na amu ii doottem,

Revelesen 5:10

Na he, ag ihinig Kayak waappa daan nuhig uɗat hekkulagnu ag king, amu mana mettak danab ele daatteb. Amu ag wan ele gumaglag.” Ag anam anana, ahi edappig.