1 Korint 15:2 - Nobonob Baibel

² Ag da Nai Ena ag amelagppa mehuqmi ele ɠagattag aɗatteb dayeb amu, Kayak Nug nai amuppa ag eɗua diitte. Ag ɠagattag ii aɗatteb dayeb amu, ag hamu oolagppa genab dooppig.

1 Korint 15:2 Iomraidhean Croise

Prowerb 23:23

Na doyak diig genabib ele aon, aib paɗappe ukkom; na hanhan doyak dabmak ena ele, laa nukka nuhig oiyak pehettak atognotte, diignu doyak tutukku ele, na kobol amu oh dim lamitte.

Prowerb 3:1

O da bekkal, da aɗi na ippunidttem amu, na aib daut atiom. Ao, na daut atimanu amu, na dahil haknunab nai, nahip dabmakppa meppe dayebeb oiye!

Prowerb 4:13

Keeke da na ippunidttem ele amu, na aɗan autna awe! Na aib agappe ukkom! Da ippunidttem ele amu, ippunittak amuam na ehanitteb bau daakkut amunu, na nahip dabmakppa mena, dabmettan autna awe!

Luk 8:13

Amu ee aeg men duqe ukkakppa nena qeppig ele, nai amu inam ippunigtte. Danab laa ag nai doon, oolag gamag ahehe, pahanab aotteb, amge ahilag ooppa genab doyak am ɠagattag iitta, haen tutuib daatte amunu, deɗ laa ahilag ooppa genab doyak iitta mekkunu uug laa be, ag paha ahilag ooppa genab doyak paɗatteb.

Aposel 2:47

Ag anam hena, haen oh Kayak binag meegeg, danab ah laa oh ahilagnu oolag enaib dayom. Haen amu deɗ ohppa Naɗi Nug danab ah laala eɗua diieye, ag Kristen tamaniak ooppa daappig ele amu, ag ele tuɗidppig.

Aposel 8:13

Ag layattak aoegeg, Saimon ele ooppa genab doya, layattak awe, Pilip ele daaya, Pilip nug Kayak dabmettaknu kobol danab haknu elele iitta digdig okkai hatte antta, nug ottaia dabmak kuɗum awom.

Rom 1:16

Da Jesusnu Nai Enanu amu, da uɗa nak ii doottem. Aɗinu? Nai amuam Kayaknu ɠagattag, amu Kayak Nug amuppa danab aun aɗi ag oolagppa genab dootteb ele, Nug ag eɗua diitte; Juda ag tatam ⌊nai amu⌋ doyegeg, iitta aɗi ag aakku geha dootteb.

Rom 11:22

Anam amunu, ag Kayaknu oo bodoettak kobol, amu nuhig ɠagattag hak kobol ele ag antteg! Danab ag nuhig kobol dimedappig ele, Nug ɠagattag kobol nuhig ag ippunadtte, amge ag iitta aɗi ag gemu nuhig oo bodoettak kobol anidtteb. Amu ag oo bodoettak kobol nuhig amu ooppa daappeg, Nug ena hadakku, amge ag anam ii daappeg am Nug ag otakkatteb daaglag.

1 Korint 1:18

Amu danab ag oolagppa genab ii dootteb ele, ag ad emaitaknu nai dabmenan, nai amunu ag ahilag dabmakppa, “Amuam dabmak tutukku iitta,” aon atteb. Amge ig danab ah, Kayak Nug ig eɗua awikkom ele amu, ig ad emaitak nainu, “Amuam Kayaknu ɠagattag,” aot attem.

1 Korint 1:21

Wan danab ag akka ag ahilag doyak dabmak ena eleppa Kayak mattin anidkkulagnu elele iitta; ag ahilag doyak dabmak ena eleppa amu hekkulagnu am ib iitta. Anam amge Kayak Nug danab ah eɗua diikkunu ib iikku babaittom. Ag ad emaitaknu Nai Ena ig mehuqttem amu doona, ag Kristusnu oolagppa genab dooglag amu, Kayak Nug eɗua diikku. Danab laa ag Nai Enanu, “Am dabmak tutukku iitta,” aon atteb.

1 Korint 11:2

Ag hanhan dahil dabmetteb, nai da ag amelagppa attem ele amu, ag tutukku aon aɗatteb amunu, da ag onilag humattem.

1 Korint 15:14

Kristus Nug eɗua ii hibaittom am genab daalo amu, aria nai ig mehuqttem am hamu, kaya naiib daalo. Ag oolagppa genab dootteb ele amu, keeke amu ele am meu iitta, keeke hamu daalo.

2 Korint 2:15

Aɗinu? Danab laa nug ad uɗug muttuɗig enanag ele eɗippa me, muttuɗig otte amubia, ig Kayak noobppa Kristusnu muttuɗig enanag daatta, danab Kayak eɗua diiom, ag padal mekkulagnu ii oitteb, amu danab ag oolagppa genab ii dootteb, padal mekkulagnu oitteb ele amu, ag oh Kristusnu muttuɗig dootteb. Amge ag oh ahilagppa amu, muttuɗig amuam laippu bia ii daatte. Iitta.

2 Korint 6:1

Ig Kayak ele oh uɗat hettem amunu, ag Kayaknu ehanittak okkai Nug hamu mattom amu, ag amu ii kakidmananu dabmekkulagnu ahilkad dabmak maɗedattem.

Galesia 3:4

Anukka ag keeke ena aoppignu amu, gemu ag amu daulag atie, paɗaeg ne, meu ii ottete? Genab o genab iitta ag keeke ena amunu hamu doona paɗappigte?

Epesus 2:8

Ag Kayaknu oolagppa genab dooppig amu, amuppa Kayak Nug ehanittak okkai hamu matta, Nug ag eɗua diia, bauklel mattom. Nug ahilag uɗat, Nug amunu dabmaama ii mattom. Iitta! Nug ag ahilag daakkunu hamu mattom.

Kolosi 1:23

Anam amge, keeke laa ag Nai Ena am ena baknu dabmak aɗa dayak ippunigtte, am dabmak amuppanu eeɗatteb, ag Jesusnu Nai Ena doona, oolagppa genab dooppig ele, ag ooppa genab doyak amu uuna, ag nena qemananu, ag tuɗidna, ooppa genab doyak amu ɠagattag aɗan ɠagattagnab daaglagoitte. Jesusnu Nai Ena ag dooppig ele amu, danab wan ohppa daatteb, ag amunu mehuqak dooppig. Amu da Pol, da am nai amunu maɗi nid daattem.

2 Tesalonaika 2:15

Amunu, O lainkad, ig oɗenigppate o iitta ig yaakppate nai ippunadmut amu, amuppa ag ɠagattag daana, pehettan aɗan dim lamitteg!

2 Timoti 1:9

Kayak Nug ig eɗua awikkom, ig nuhikkud danab ah oppiaawak ele daagnignu oninigppa eum. Nug ihinig uɗat nobnu oninigppa ii eum. Iitta. Nug nukka Nug maittak awom amu, Nug nuhig ehanittak okkai hamu mettak, Kristus Jesusnu uɗatppa beum, Nug amu dabmaama, oninigppa eum. Nug ehanittak okkai hamu mettak amu ig megakkunu anukkanab, keeke ii dayom haenppa, babaitta ig mekkom daatte.

Hibru 10:23

Amu Kayak Nug keeke hekkunu nai qakka aum amu genab meu bekku amunu, ig Jesusnu ooppa genab doyak ihinigppa keeke ena meu okkunu attem amu, ig dabmak amu ɠagattag aɗat auta aota oitu!

Hibru 2:1

⌊Kristus Nug onig binag okkai ele amu awom daatte, Nug Kayak nai ippunikkom,⌋ diig amunu amu ig Nai Ena dim lamidkkunignu bodoettamtanu, ig nai doomut ele, nai amu ig aɗat dabmeta autanab aot dim lamidtu!

Hibru 3:14

Aɗinu? Ig Kristus ele tamanit, laippu daagnignu ib am laippuib. Laa iitta. Ib amuam inam. Ig tatam Kristusnu oonigppa genab doomut amu, ig amuib aɗapput ukkeb, mauhak haen ihinigppa ele ooppa genab doyak nuhignu amu aakkuib aɗagnig dayeb, amuppa ig genab Kristus ele tamanit daattem.

Hibru 3:6

Amge Kristus Nug am Kayak Bekkanab, Nug oo metta ii uuak kobol dim lamitta, Kayaknu danab dilag ikki dayaya ag gumadtte. Amu ig ihinkad oo ɠagattag qettak aɗat, amu ig Kristus, Nug am ena bekkunu dabmak aɗa oiyaknu diig, ig amunu mehuqttem amu, ig Nug ele aɗat amu, ig Kayaknu danab ah daattem.

Hibru 4:14

Anam daatte amunu, ig ooppa genab doyak ihinig, ig heut miag atitte ele amu, ig amu aɗat auta aotu! Aɗinu? Ig ihinig mana mettak ikki danab, Nug hab aabppa teum daatte. Nug am Jesus, Kayak Bekka.

Jems 2:14

O lailad, danab laa nug “Da Kristusnu oolppa genab doottem,” awa akkutai, amge nug kobol ena ii hette ele dayeb, danab amu nuhig ooppa genab doyak am keeke hamu. Ooppa genab doyak anam am eɗua diikkute? Iitta.

Jems 2:17

Ooppa genab doyak ele am anamib. Ooppa genab doyak nug hamu daatte, nug kobol ena laa ii hette amu, nug am danab laa mauhom daatte, anam bia hamu daatte.

Jems 2:26

Danab beɗu ouɗi iitta ele am mauhom. Anamnab aakku, danab nug kobol ena ii hette amu, ooppa genab doyak danab amunu am danab laa mauhom daatte, anam bia hamu daatte.