1 Korint 11:4 - Nobonob Baibel

⁴ Anam daatte amunu danab laa nug unuqidkkunu, o iitta propet nai mehuqkkunu haaha, ikki haut-tte amu, nug aakku laa nug ikki daatte, nug nuhigppa elele ii hette.

1 Korint 11:4 Iomraidhean Croise

2 Samuel 15:30

Aa eɗuya goya daapiɗ, amge Dawit nug ugakka, Olipnu Qauko taata gayom. Nug ikki hauta, baeg gaɗa ele ii meum. Danab ah oh nug ele goppig amu, ag ele ikkilag hautna, gonana gaappig.

2 Samuel 19:4

Ag anam heppig, amge Dawit nug iɗu hauta, Apsalom mahitta, huana qanana aum. “O da bekkal Apsalom! O da bekkal, da bekkal Apsalom!” awa aum.

Aposel 13:1

Aria, Antiok Kristen tamaniakppa propet, amu ippunittak danab laala ele appa daappig. Ag onilag am Barnabas, Simeon, nug onig laa Naisa, Lusius, nug am Sairini ted, Manain, nug Herot Antipas ele buɗub laippu, amu Saul aakku.

1 Korint 11:14

Am Kayak Nug ig danab ah beɗunig piɗe piɗe aben aben ihinig mekkomppa daagnignu anidttem amu, amuam danab laa nug ikki uɗug elab ele daatte dayeb, amuam eheɗ iite ippunigtte? Nug amunu uɗa nak guittak ele iite dookku?

1 Korint 11:5

Am ah laa nug unuqidkkunu, o propet nai mehuqkkunu haaha, ikki ii haut-tte amu, nug ele aakku laa nug ikki daatte, nug nuhigppa elele ii hette. Nug ikki ii haut-tte dayeb, ah nug ikki uɗug oh hoitte bia hette. Am uɗa nak ele.

1 Korint 12:10

Am Nug laa ehah mette, nug kobol danab hekkunu elele iitta ele, nug hekkunu elele daatte. Laa nug propet nai mehuqkkunu ehah amu medatte. Am laa nug ouɗi digdig epeɗiadkkunu ehah amu medatte. Am laa nug nai laappa nai madikkunu ehah medatta, Nug laa nug nai amu eɗukkunu ehah amu medatte.

1 Korint 12:28

Am Kayak Nug Kristen tamaniak ooppa nuhig uɗat hak danab ele anam aakku meum. Anuqak am totol danab daatteb. Amu dimulagppa am propet danab daaeg, ag dimulagppa am ippunittak danab daatteb. Aria, laa amu kobol danab hekkunu elele iitta hak danab daaeg, laa ag oɗe babaittak danab dilag ehah ele daaeg, amu laa ag ehanattak danab daaeg, laa ag uɗat digdig gumak danab dilag ehah ele daaeg, laa amu aabaab naippa nai mattiaknu danab daatteb.

1 Korint 13:2

Amu da propet nai madikkulnu, Kayaknu dabmak lokkumak oh amu doyak oh ele dookkulnu elele daattem dayeb, dahil ooppa genab doyak ɠagattag daakku dayeb, amuppa da qauko heppi, laih wakkunu ele hekkulnu elele daattem dayeb, amge da laa dilagnu oo mauhak ii doottem dayeb amu, da keeke hamu bia daattem.

1 Tesalonaika 5:20

Laala ag Kayak oɗe aon, ahilagppa nai mehuqtteb amu, ag nai amunu,, “Keeke hamunab,” aib dooppig.