1 Korint 11:2 - Nobonob Baibel

² Ag hanhan dahil dabmetteb, nai da ag amelagppa attem ele amu, ag tutukku aon aɗatteb amunu, da ag onilag humattem.

1 Korint 11:2 Iomraidhean Croise

Luk 1:6

Aa oh Kayak noobppa tutukku oittapiɗ. Aa Naɗinu haknunab anak, ɗo nai oh ele Kayaknu neekkakppa eleleib dim lamidpiɗ.

1 Korint 11:17

Aria, da keeke laanu madikkulnu hettem amu, da amunu binalag ii mettem. Am inam. Ag qagmena daatteb amu, ag kobol tutukku ii aɗatteb. Danab ag qagmak amuppa ehanittak aolob amge iitta, ag nakok eheɗ bia aotteb.

1 Korint 11:22

Amu attemu? Ag ee le ele lakkulagnu laulkad iittate? Ag Kayaknu Kristen tamaniak amu keeke hamunab bia doottebte? Ag lailkad laala, ee iitta ele daatteb amu, ag ag anadna ahilagnu dabmak ii aona, uɗa nak nau madattebte? Ag hetteb amu da amunu aɗi akkul? Da ag binalag mekkulte? Iitta! Kobol amunu amu da ag binalag iinab mepa.

1 Korint 15:2

Ag da Nai Ena ag amelagppa mehuqmi ele ɠagattag aɗatteb dayeb amu, Kayak Nug nai amuppa ag eɗua diitte. Ag ɠagattag ii aɗatteb dayeb amu, ag hamu oolagppa genab dooppig.

1 Korint 4:17

Diig amunu da Timoti meppi, ahilagppa gokkunu hettem. Nug dahil nid danab, da nuhignu ool huana mauhtte. Nug Naɗinu oo metta ii uuak kobol dim lamidtte. Nug da Kristus Jesusnu daattem, nuhig kobol dim lamidttem ele amu, nug kobol amu ippunadkku. Da kobol anamib Kristen tamaniak aben ohppa ippunadttem.

1 Korint 7:17

Anam amge, danab anen anen ag dayak atten, Naɗi Nug ag amuppa daan oiglagnu maatta, anamppa daaglagnu onilagppa eum amu, ag anam daan oiyeg! Da Kristen tamaniak ohppa ɗo amu laippu aakkuib madattem.

1 Tesalonaika 1:6

Ag ihinig kobol dim lamidnana, Naɗinu ele dim lamidppig. Ag uug teppu ele maoppig, amge Kayaknu nai ii uuppig. Iitta. Ag Kayak Ouɗinu maɗoɗppan gamag ahak ele nai amu aoppig.

1 Tesalonaika 3:6

Amge Timoti ag uuatta aha, eɗua uɗia, geha iikku gumikka ba, Nug ahilag ooppa genab doyaknu, layagnu oo mauhak kobol hettebnu ele, ag amu ohnu ena, elele hetteb mattie doomuɗ. Laa ele, ag haen oh ihinignu dabmenana, oolagppa ihinignu ena doonna daattebnu, ig ag anadkkunignu oonig okkainab daatte, amubia ag ig anigkkulagnu oolag okkainab daatte, amunu ele mattie doomuɗ

2 Tesalonaika 2:15

Amunu, O lainkad, ig oɗenigppate o iitta ig yaakppate nai ippunadmut amu, amuppa ag ɠagattag daana, pehettan aɗan dim lamitteg!

2 Tesalonaika 3:6

O lainkad, ig Naɗi Jesus Kristus onigppa haknunab nai imu ag amelagppa attem. Ag lailkad laa bahilag iitta, ag kobol ena, ig tatam ippunadmut, ag amu ii dim lamidtteb amu, ag danab amu ele aib ouqeppig.