Matiwu 9:8 - Nawuri

⁸ Sakyɔ mʋ ba maa wu ɩnɩmʋ mʋ ɩ waa bamʋ kufuu, nɩɩ ba yɩn Ɩbwaarɛ fɛɛ maa taa kanɩn ɔlʋn sa nyɩmɩsa.

Matiwu 9:8 Iomraidhean Croise

Matiwu 12:23

Nɩɩ ii kyinkyin asa mʋ kpini, nɩɩ ba taasɛ abaa yɛ, “Ɔnyɩn nɩmʋ ɩ gyɛ Dawidi kanaana‐bii mʋ do?”

Matiwu 15:31

Asa damantɛ mʋ ba maa wu anaamuu ba maa tɔwɛ, yɛ boobi yɛ ayaa yɛ abaa wusa wuya ana ba maa natɛ, yɛ agyaatanapʋ ansi ɩ maa bugi mʋ, i kyinkyin bamʋ, nɩɩ ba yɩn Ɩsɩrayɩ abi Ɩbwaarɛ.

Matiwu 28:18

Nɩɩ Yesu nin tiri bamʋ, tɔwɛ yɛ, “Ɩbwaarɛ taa sʋsʋ yɛ kasɛ sʋ ɔlʋn kpini sa mɛ.

Matiwu 5:16

Ɔkpa kʋlʋn maŋa sʋ fan yɛgɛ fanɛ ɩŋmaŋɛsa ɩ baa ɩ kɩɩ tɔ sa asa, kɛ ba wu fanɛ asun danbɩrasa mʋ nɩɩ fɛn waa mʋ, kɛ ba yɩn fanɛ‐Sɛ Ɩbwaarɛ mʋ nɩɩ ɔ bʋ sʋsʋ mʋ.

Matiwu 9:7

Nɩɩ ɔnyɩn mʋ kʋsʋ nɩɩ o kpewu.

Maki 2:12

Nɩɩ ɔ kʋsʋ taa mʋ kalan waa bilen kpewu, yɛgɛ asa ba kɩɩ mʋ, nɩɩ i kyinkyin bamʋ gaa, nɩɩ ba yɩn Ɩbwaarɛ tɔwɛ fɛɛ, “An man pɩɩta wu falɛ asɩn nɩmʋ kakaakʋ.”

Maki 7:37

Nɩɩ i kyinkyin asa mʋ gaa nɩɩ ba yɛ, “Ɔ waa kʋtɔ kʋmaa nɩmʋ danbɩrasa. Ɔ yɛgɛ nɩɩ akpawu bee nu, nɩɩ anaamuu bɛɛ tɔwɛ.”

Luka 13:13

Nɩɩ ɔ taa mʋ abaa gyaga mʋ sʋ, nɩɩ opula maŋa tɔ ɔkyɩɩ mʋ kyiigi tɔ, nɩɩ ɔ yɩn Ɩbwaarɛ.

Luka 17:15

Bamʋ tɔ ɔkʋ, maa wu fɛɛ ɔ nyɛ alanfɩya mʋ, o bwii ba ee kuusi kenken ɛɛ yɩn Ɩbwaarɛ.

Luka 17:18

Mɩnɛ sʋ nɩɩ kadɛndɛmandɛ nɩmʋ nkʋn ɩ taalɛ bwii ba fwaala Ɩbwaarɛ?”

Luka 18:43

Opula maŋa tɔ mu ansi ɩ bɩla bugi nɩɩ o buu Yesu, yɛgɛ ɛɛ yɩn Ɩbwaarɛ. Nɩɩ asa mʋ kpini ba maa wu kanɩn mʋ, ngbaa bamʋ ba yɩn Ɩbwaarɛ.

Luka 2:20

Nɩɩ nbʋlʋpʋ akpaapʋ mʋ ba maa bwii bee kpee mʋ, yɛgɛ bɛɛ bɩɩ ɩlʋn bɛɛ yɩn Ɩbwaarɛ, lɩɩ fɛɛ kʋtɔ kʋmaa mʋ nɩɩ ba nu nɩɩ ba wu mʋ, ɩ bɔla sʋ fɛɛ kanan mʋ nɩɩ Ɩbwaarɛ kabɔɔ mʋ kɩ tɔwɛ bamʋ mʋ.

Luka 23:47

Anaakɔpʋ kɩlɩfa ɔkɩɩsʋpʋ maa wu atɔ mʋ nɩɩ ɩ waa mʋ, ɔ yɩn Ɩbwaarɛ nɩɩ ɔ tɔwɛ yɛ, “Kesintin, ɔnyɩn nɩmʋ ɩkpa i kyiigi.”

Luka 7:16

Nɩɩ i kyinkyin bamʋ kpini nɩɩ ba yɩn Ɩbwaarɛ. Nɩɩ ba tɔwɛ yɛ, “Ɩbwaarɛ ɔtɔwɛpʋ lala kʋ lɩɩ anɛ sʋ. Ɩbwaarɛ ba ɔ ba kyɛ mʋ asa tɔ.”

Gyɔn 15:8

Nɩɩ fan kan sɔyɩ abi gaa, mʋ nɩɩ ɩɩ kaapʋ fɛɛ fan gyɛ mɛ abɩɩlapʋ mʋ, ɩmʋ ɩ nyɛ lɛɛ Mɛ‐Sɛ bʋnyaa mʋ ifuli kaapʋ.

Krisito Asunpu mʋ kusun 11:18

Krisito abuupu mʋ maa nu kanɩn mʋ, ba man bɩla taalɛ tɔwɛ sɛhn, nɩɩ ba yɩn Ɩbwaarɛ. Nɩɩ ba tɔwɛ yɛ Ɩbwaarɛ sa bamʋ nɩɩ ba man gyɛ Gyiwu abi mʋ gbaa ɔkpa fɛɛ ba yɛgɛ alibi kɩwaa kɛ ba nyɛ nkpa.

Krisito Asunpu mʋ kusun 21:20

Ba maa nu falɛ mʋ, nɩɩ ba taa bʋnyaa sa Ɩbwaarɛ. Nɩɩ ba tɔwɛ Pɔɔlɩ yɛ, “Anɛ bɩrɩsa, yɛ fʋ gbaa‐gbaa fʋ, fu wu kanan mʋ nɩɩ Gyiwu abi ngbɩn‐ngbɩn ba kɔɔlɛ gyii ba, nɩɩ ba bɩla ba sʋ Mosesi nbara mʋ tɔ kenken.

Krisito Asunpu mʋ kusun 4:21

Ɩmʋ sʋ nɩɩ abɩlɩsa mʋ ba lɔŋɔ da Pita maa Gyɔn amu tɔ kenken nɩɩ ba yɛgɛ bamʋ yɛ ba natɛ. Ba man nyɛ ɔkpa mʋ nɩɩ ba yɩlɛ sʋ taa bɩɩtɛ bamʋ asʋ, kpalɩ fɛɛ asa kpini ba maa yɩn Ɩbwaarɛ lɩɩ kʋtɔ mʋ nɩɩ ba waa mʋ sʋ.

2 Ko 9:13

Lɩɩ fɛɛ, fanɛ kusun danbɩrasa maa kaapʋ asa kanan mʋ nɩɩ fan du mʋ, bee biti ba taa bʋnyaa sa Ɩbwaarɛ, lɩɩ Krisito asɩn danbɩrasa mʋ nɩɩ fan kɔɔlɛ gyii, yɛ kɩlɛɛ tɔwɛ yɛ afulee kɛkɛɛ mʋ nɩɩ fɛn kyɛ bamʋ tɔ yɛ ɔkʋmaa nɩmʋ mʋ.

Galati abi 1:24

Ɩmʋ sʋ ba yɩn Ɩbwaarɛ lɩɩ kʋtɔ mʋ nɩɩ ba nu lɩɩ mɛ sʋ.

1 Pi 2:12

Fan taa kakyɩna danbɩrasa kyɩna yɛ bamʋ nɩɩ ba man kɔɔlɛ Yesu gyii mʋ, halɩɩ nɩɩ bɛɛ pwɩɩ fanɛ yɛ fan gyɛ alibi awaapʋ gbaa mʋ, bee biti ba baa bee wu fanɛ awaasa danbɩrasa, kɛ ba bʋnyaa Ɩbwaarɛ kakɛ mʋ nɩɩ ee biti ɔ ba talɛ asa awaasa mʋ.