Matiwu 7:14 - Nawuri

¹⁴ Amaa ɔkpa mʋ nɩɩ kii kpee nkpa tɔ mʋ bɩrɛ kɩ bɔntɛ, nɩɩ kɩmʋ kebunɔ gbaa man yɛlɩgɛ, nɩɩ asa mʋ nɩɩ bee wu kɩmʋ bɛɛ bɔla mʋ ba man kyɔ.

Matiwu 7:14 Iomraidhean Croise

Matiwu 20:16

Nɩɩ Yesu tɔwɛ bamʋ yɛ, “Asii‐amaapʋ bee biti ba biliŋi agyankpaapʋ kɛ agyankpaapʋ ba biliŋi asii‐amaapʋ.”

Matiwu 22:14

Nɩɩ Yesu lʋwɛ yɛ, “Ba tɩɩ asa gaalaagaa, amaa gbɛrɛɛ falɛ nɩɩ ba lɛɛ.”

Matiwu 7:13

“Fan bɔla kebunɔ pii mʋ tɔ loo. Lɩɩ fɛɛ kebunɔ yɛlɩgɛsa mʋ ɔkpa gbaa yɛlɩgɛ yɛ kɩnatɛ sʋ, nɩɩ kii kpee kinyita kakpaa tɔ nɩn, nɩɩ asa mʋ nɩɩ bɛɛ bɔla bee loo kɩmʋ tɔ mʋ ba kyɔ.

Matiwu 7:15

“Fan baa fan da atɩŋɛsa atɔwɛpʋ sʋ. Ansi sʋ mʋ be du bɔhn fɛɛ nbʋlʋpʋ mʋ, amaa bamʋ nkɔlɔ tɔ mʋ, be du nɩn fɛɛ agboogboo mʋ nɩɩ ba nyɛ agbʋ.

Maki 8:34

Nɩɩ Yesu tɩɩ sakyɔ mʋ yɛ mʋ abɩɩlapʋ mʋ nɩɩ ba ba mʋ asɛ mʋ, nɩɩ ɔ tɔwɛ bamʋ yɛ, “Ɔkʋmaa mʋ nɩɩ ee biti fɛɛ o buu mɛ mʋ, ɩ dagaa fɛɛ o kina mʋ n‐yɩɩ, kɛ ɔ sʋla mʋ oyu laasa kɛ o buu mɛ.

Luka 12:32

Nɩɩ Yesu bɩla tɔwɛ yɛ, “Kʋbʋ pii, fan man waa kufuu, lɩɩ fɛɛ ɩ bɔla fanɛ‐Sɛ Ɩbwaarɛ ansi fɛɛ ɔ waa fanɛ awura‐bii mu kuwura‐gyii tɔ.

Gyɔn 16:2

Bee biti ba gya fanɛ lɩɩ Gyiwu abi kabwaarɛ‐kʋlɛ ɔgyaŋɛkpa. Saŋa kʋ ii biti ɔ ba, nɩɩ ɔkʋ kan ba mɔɔ fanɛ gbaa mʋ, ee biti ɔ fɛ nfɛɛrɛ fɛɛ ee sun kusun ɛɛ kyɛ Ɩbwaarɛ tɔ nɩn.

Gyɔn 16:33

“N tɔwɛ fanɛ falɛ asɩn nɩn, kɛ lɩɩ mɛ sʋ mʋ, kɛ fan nyɛ kayɩɩ‐yuuli. Fen biti fan gyii awʋrʋfɔ dulinyaa nɩmʋ tɔ. Amaa fan nyɛ nkɔlɔ, lɩɩ fɛɛ n kɔ gyii dulinyaa mʋ sʋ.”

Krisito Asunpu mʋ kusun 14:22

Ba tɔwɛ waa Yesu abɩɩlapʋ mʋ, waa bamʋ ɔlʋn tɔ fɛɛ ba yɩlɛ kɩkɔɔlɛ‐gyii tɔ, nɩɩ ɔ bɩla tɔwɛ yɛ, pɔyɩ kɛ ba nyɛ Ɩbwaarɛ kuwura‐gyii mʋ tɔ loo mʋ, ɩ dagaa ba maa gyii awʋrʋfɔ.

Roma abi 12:2

Fan man kasɛ dulinyaa nɩmʋ tɔ asɩn waasa, amaa fan kyɛɛgɛ fanɛ kɩbaabʋtɔ, kɛ fan nyɛ nfɛɛrɛ pʋpwɛ mʋ nɩɩ ɩ bʋrɔn. Ɩmʋ ii biti ɩ yɛgɛ fan taalɛ kaala bɩɩ Ɩbwaarɛ kebiti yɛ kʋtɔ mʋ nɩɩ kɩ bʋrɔn yɛ ɩmʋ nɩɩ i gyii mu ansi yɛ ɩmʋ nɩɩ ɩ dɛ kyɛɛkyɛɛ naa fʋʋ ɔkaa.

Roma abi 9:32

Mɩnɛ maa waa sʋ? Lɩɩ fɛɛ ba man taa kɩkɔɔlɛ‐gyii sʋ bee biti, amaa ba sʋ ba naa yɛ awaasa sʋ nɩn. Nɩɩ ba siti “Kubuu sitisa” mʋ lɩɩ tɩyɛ,