Matiwu 7:11 - Nawuri

¹¹ Nɩɩ fanɛ mʋ nɩɩ fan gyɛ alibi awaapʋ mʋ gbaa fen nyi atɔ danbɩrasa kɩtaa sa fanɛ‐bii ana mʋ, mɩnɛ sʋ nɩɩ fanɛ‐Sɛ Ɩbwaarɛ mʋ nɩɩ ɔ bʋ sʋsʋ mʋ mɛɛ yɛ o kyula sa ɔkʋmaa mʋ nɩɩ ɛɛ kʋlɛ mʋ atɔ danbɩrasa mʋ?

Matiwu 7:11 Iomraidhean Croise

Matiwu 23:9

Fan man tɩɩ ɔkʋ yɛ ‘Ɔsɛ’ dulinyaa nɩmʋ tɔ, lɩɩ fɛɛ Ɔsɛ kʋlʋn nɩɩ fan sʋ, nɩɩ mʋ ɩ bʋ sʋsʋ mʋ.

Matiwu 7:10

Abɛɛ nɩɩ ɛɛ kʋlɛ mʋ ɔkɩn nɩɩ ɛɛ taa kɩnansɛ ɛɛ sa mʋ?

Gyɔn 3:16

“Lɩɩ kanan mʋ nɩɩ Ɩbwaarɛ sʋ kebiti sa dulinyaa tɔ asa gaa sʋ mʋ, ɔ lɛɛ mɛ, Mu‐Bii kʋlʋn kpen mʋ sa, fɛɛ ɔkʋmaa mʋ nɩɩ ɔ kɔɔlɛ mɛ gyii mʋ, mɛɛ yɛ ɔ fɔyɩ, amaa ee biti ɔ nyɛ nkpa kakpaa.

Roma abi 3:19

To, an nyi fɛɛ asɩn kʋmaa mʋ nɩɩ nbara mʋ ɩɩ kaapʋ mʋ, ɩɩ tɔwɛ ɩɩ sa bamʋ nɩɩ bee buu nbara mʋ. Ɩmʋ sʋ ɔkʋ mɛɛ nyɛ tɔwɛ sɛhn yɛ mɛɛ mʋ ɔ man waa alibi akʋ. Nɩɩ ɔkʋmaa mʋ nɩɩ ɔ bʋ dulinyaa tɔ mʋ, Ɩbwaarɛ ii biti o bun mʋ kʋpwɛ lɩɩ mu alibi sʋ.

Roma abi 3:9

Nɛnɛ nɩɩ an biti a tɔwɛ ɩnɩmʋ? Anɛ Gyiwu abi an gyɛ asa kparɛ an kyɔ bamʋ nɩɩ ba san mʋ abɛɛ? Ayee! N tɛ wʋla tɔwɛ fɛɛ Gyiwu abi mʋ yɛ bamʋ nɩɩ ba man gyɛ Gyiwu abi mʋ kpini alibi i gyii bamʋ sʋ ɔlʋn.

Roma abi 8:32

Nɩɩ Ɩbwaarɛ mʋ nɩɩ ɔ man kina mu‐bii kɩtaa sa, nɩɩ lɩɩ anɛ alibi sʋ mʋ, ɔ yɛgɛ nɩɩ o be wu sa anɛ mʋ, mɩnɛ sʋ nɩɩ ɔ mɛɛ yɛ ɔ taa atɔ kpini tii mʋ sʋ bwaala anɛ?

Galati abi 3:22

Amaa Asɩnkyan yɩlasa mʋ ɩɩ tɔwɛ yɛ, dulinyaa asa kpini ba bʋ alibi kɩbaa tɔ nɩn. Ɩmʋ sʋ kʋtɔ mʋ nɩɩ Ɩbwaarɛ da mʋ kɔkɔlɔ sʋ yɛ ee biti ɔ sa mʋ, gyan Yesu Krisito kɩkɔɔlɛ‐gyii sʋ, nɩɩ bamʋ nɩɩ ba kɔɔlɛ gyii mʋ, nɩɩ ee biti ɔ taa sa.

Gyemisi 1:17

Kʋtɔ danbɩrasa yɛ kakɛɛ mʋ nɩɩ kɩ bʋrɔn kyɛɛkyɛɛ mʋ ɩɩ lɩɩ sʋsʋ nɩn. Atɔ nɩmʋ kpini ɛɛ lɩɩ Ɩbwaarɛ mʋ nɩɩ ɔ gyɛ fɩtɩla kpini mʋ asɛ. Mɛɛ mʋ ɔ mɛɛ kyɛɛgɛ kakaakʋ, nɩɩ kitentenbiri man bʋ mʋ tɔ.

1 Gy 3:1

Fan kɩɩ kanan mʋ nɩɩ Ɩbwaarɛ sʋ kebiti lala sa anɛ, fɛɛ ba tɩɩ anɛ yɛ Ɩbwaarɛ Mu‐Bii ana. Nɩɩ kanɩn nɩɩ an gyɛ falɛ. Kanɩn sʋ nɩɩ dulinyaa tɔ abi ba man nyi anɛ, lɩɩ fɛɛ ba man nyi Ɩbwaarɛ.

1 Gy 4:10

Ɩnɩmʋ ɩ gyɛ kebiti mʋ, man gyɛ anɛ ii biti Ɩbwaarɛ, amaa Ɩbwaarɛ bɩrɛ ɩ sʋ kebiti sa anɛ, nɩɩ o sun Mu‐Bii kʋlʋn yɛ, ɔ ba taa mʋ n‐yɩɩ waa ɩmata saraga sa anɛ alibi.