Matiwu 6:19 - Nawuri

¹⁹ “Fan man kʋʋla kapatɩyɛ yɩla kasɛ sʋ nfɩɩ sa fanɛ n‐yɩɩ, nfɩɩ nɩmʋ nɩɩ ɩtabɩrɩta yɛ nkandɩra ii nyita ɩmʋ, nɩɩ ayu bee loo bee yuuri ɩmʋ.

Matiwu 6:19 Iomraidhean Croise

Matiwu 19:21

Yesu lɛɛ kɔnɔ yɛ, “Nɩɩ fʋ kan fii biti yɛ fʋ baa fu du kyɛɛkyɛɛ bɩrɛ, kpee naa fɛ fʋ atɔ kpini kɛ fʋ taa afulee mʋ sa atiripu, fii biti fʋ nyɛ kapatɩyɛ sʋsʋ, kɛ fʋ lan ba buu mɛ.”

Matiwu 6:20

Amaa fan kʋʋla kapatɩyɛ yɩla sʋsʋ sa fanɛ n‐yɩɩ, katɩn mʋ nɩɩ ɩtabɩrɩta yɛ nkadʋrɔ ɩ mɛɛ taalɛ nyita ɩmʋ, nɩɩ ayu ba mɛɛ taalɛ loo naa yuuri ɩmʋ.

Luka 12:21

Nɩɩ Yesu tɔwɛ yɛ, “Ɔkʋmaa mʋ nɩɩ ɛɛ kʋʋla atɔ ɛɛ yɩla ɛɛ sa mʋ n‐yɩɩ, nɩɩ Ɩbwaarɛ asɛ bɩrɛ ɔ man gyɛ atɔ wuya, falɛ nɩɩ ii biti ɩ waa mʋ.”

Luka 12:33

Fan fɛ fanɛ npatɩyɛ kpini, kɛ fan taa afulee mʋ sa atiripu. Fan nyɛ afulee mʋ nɩɩ ɩ mɛɛ yɛ ɩ lʋwɛ mʋ yɩla sʋsʋ, ntɩn mʋ nɩɩ oyu mɛɛ yɛ ɔ taalɛ nin tiri tɔ, nɩɩ tabɩrɩta mɛɛ taalɛ nyita ɩmʋ mʋ.

Luka 12:39

Amaa fan baa fen nyi fɛɛ, nɩɩ kɩkpaara wuya daa o nyi saŋa mʋ nɩɩ oyu ii biti o be yuuri nɩn, naafɔɔ ɔ mɛɛ yɛ ɔ yɛgɛ ba be boyi loo mʋ kɩkpaara sʋ.

Luka 18:22

Yesu maa nu kanɩn mʋ, ɔ tɔwɛ mʋ yɛ, “Ɩ san fʋ kʋtɔ kʋlʋn. Naa fɛ kʋtɔ kʋmaa mʋ nɩɩ fʋ sʋ kɛ fʋ taa afulee mʋ sa atiripu, ii biti ɩ yɛgɛ fu biliŋi atɔ wuya sʋsʋ. Kɛ fʋ ba buu mɛ.”

Luka 18:24

Nɩɩ Yesu kɩɩ mʋ kyiim, tɔwɛ yɛ, “I biti ɩ baa ɩ bʋlʋn sa atɔ wuya ana fɛɛ ba yɛgɛ bamʋ n‐yɩɩ kɛ ba buu Ɩbwaarɛ kuwura‐gyii mʋ kɩkaapʋ.

1 Ti 6:17

Tɔwɛ bamʋ nɩɩ ba sʋ dulinyaa nɩmʋ tɔ atɔ mʋ fɛɛ, ba man ba bɛɛ kɩɩ bamʋ n‐yɩɩ abɛɛ ba taa bamʋ tamaa gyaga bamʋ atɔ mʋ nɩɩ ɩɩ taalɛ fɔyɩ mʋ sʋ. Amaa ba taa bamʋ n‐yɩɩ tʋʋ Ɩbwaarɛ mʋ nɩɩ ɛɛ sa anɛ kʋtɔ kʋmaa mʋ nɩɩ an nyɛ falɛ, nɩɩ ɩɩ waa anɛ ɔkɔn mʋ sʋ.

Hibriwu abi 13:5

Fan man yɛgɛ kufulee biti bansa kɩ baa kɩ bʋ fanɛ kakyɩna tɔ, nɩɩ ɩmʋ nɩɩ fan sʋ mʋ ɩ kʋkwɛ fanɛ. Lɩɩ fɛɛ Ɩbwaarɛ tɔwɛ yɛ, “Kakaakʋ n mɛɛ yɛ n yɛgɛ fanɛ, nɩɩ kakaakʋ n mɛɛ yɛ n kina fan.”