Matiwu 5:9 - Nawuri

⁹ Kusee ɩ gyɛ sa bamʋ nɩɩ bɛɛ bɩya keyuula asa nsana, lɩɩ fɛɛ bamʋ nɩɩ Ɩbwaarɛ ii biti ɔ tɩɩ yɛ Mu‐bii ana.

Matiwu 5:9 Iomraidhean Croise

Matiwu 5:45

kɛ fan baa fan du fɛɛ fanɛ‐Sɛ mʋ nɩɩ ɔ bʋ sʋsʋ mʋ. Mʋ ɩ yɛgɛ nɩɩ mʋ kyɔwɛ ɩɩ lɩɩ ɛɛ sa alibi awaapʋ yɛ adanbɩrasa awaapʋ, nɩɩ ɛɛ yɛgɛ bʋlayɩ ɩɩ da ɛɛ sa bamʋ nɩɩ bamʋ ɩkpa ii kyiigi, yɛ bamʋ nɩɩ bamʋ ɩkpa ɩ man kyiigi.

Matiwu 5:48

Ɩmʋ sʋ ɩ dagaa fanɛ kɩbaabʋtɔ maa du kyɛɛkyɛɛ, fɛɛ kanan mʋ nɩɩ fanɛ‐Sɛ mʋ nɩɩ ɔ bʋ sʋsʋ mʋ du kyɛɛkyɛɛ mʋ.

Luka 20:36

Ba man bɩla yɛ ba wu kakaakʋ, lɩɩ fɛɛ bee biti ba baa be du nɩn fɛɛ Ɩbwaarɛ nbɔɔ. Ba gyɛ Ɩbwaarɛ nbii lɩɩ fɛɛ ba maa kyiŋi lɩɩ lewu tɔ sʋ.

Luka 6:35

Amaa fan biti fanɛ dʋn ana kɛ fan waa bamʋ adanbɩrasa. Nɩɩ fan kan paala bamʋ mʋ, fan man fɛ ɩmʋ kɩba ka nfɛɛrɛ. Nɩɩ fɛn waa kanɩn mʋ, fen biti fan nyɛ kɛkɛɛ lala, kɛ fen biti fan baa fan gyɛ Ɩbwaarɛ Owura lala mʋ nbii ana. Lɩɩ fɛɛ ɔ sʋ kebiti sa asa, nɩɩ ɛɛ waa kɩdanbɩrasa ɛɛ sa bamʋ nɩɩ ba mɛɛ fwaala, nɩɩ ba gyɛ amu tɔ ɔlʋn wuya ana.

Krisito Asunpu mʋ kusun 7:26

Lɩɩkaakɛ mʋ, Mosesi ba tu Ɩsɩrayɩ abi asa anyɔ ba maa kɔ. Maa biti ɔ barɩgɛ bamʋ tɔ mʋ, ɔ taasɛ bamʋ yɛ, ‘Fan gyɛ asa kʋlʋn nɩn, mɩnɛ ɩ waa nɩɩ fɛn nyanla abaa kanɩn?’

Roma abi 12:18

Fan waa fanɛ abaa ɔkaa lɛɛ, kɛ fan naa ɔkʋmaa nɩmʋ fan kyɩna kayɩɩ yuuli tɔ.

Roma abi 8:14

Bamʋ nɩɩ ba buu Ɩbwaarɛ Kayaayu ɔkpa kaapʋsa bamʋ mʋ, bamʋ ɩ gyɛ Ɩbwaarɛ mu‐bii ana.

Roma abi 8:16

Ɩbwaarɛ Kayaayu mʋ gbaa‐gbaa ɩ lɛɛ ɩ kaapʋ anɛ nkɔlɔ tɔ kesintin fɛɛ an gyɛ Ɩbwaarɛ mu‐bii ana.

Roma abi 8:19

Ɩbwaarɛ atɔ tʋʋsa mʋ kpini bɛɛ gyʋgyʋʋ ba gyoo Ɩbwaarɛ ɔ ba lɛɛ mu‐bii ana mʋ kaapʋ.

1 Ko 6:6

Amaa fanɛɛ fanɛ bɩrɛ, Krisito obuupu ɩɩ taa mʋ bɩrɩsa Krisito obuupu asɩn ee kpee ɛɛ sa bamʋ nɩɩ ba man kɔɔlɛ Yesu gyii mʋ asɛ.

2 Ko 13:11

Mɛ‐daa ana yɛ mi‐supu ana, mɛ katɔwɛ mʋ laalaalʋwɛ mʋ ɩ gyɛ yɛ, fan kyɩna danbɩrasa, fan payɩ fanɛ anɛ ansi kɛ fanɛ kakyɩna tɔ kɩ waa ɔdan kyɛɛkyɛɛ, fan nu mɛ asɛ, fan tɔwɛ kyula abaa, kɛ fan kyɩna kayɩɩ‐yuuli tɔ. N kʋlɛ fɛɛ Ɩbwaarɛ mʋ nɩɩ ɔ gyɛ kebiti wuya yɛ kayɩɩ yuuli wuya mʋ, ɔ baa ɔ bʋ fanɛ asɛ.

2 Ko 5:20

Ɩmʋ sʋ an gyɛ Krisito ayaa tɔ ayɩlɛpʋ mʋ nɩɩ ba sun fanɛ asɛ, nɩɩ i du fɛɛ Ɩbwaarɛ ɩɩ bɔla anɛ sʋ nɩn ɛɛ kʋlɛ fanɛ. Ɩmʋ sʋ an yɩlɛ Krisito ayaa tɔ an kʋlɛ fanɛ yɛ fanaa Ɩbwaarɛ nsana ɩ lɔŋɔ.

Galati abi 5:22

Amaa atɔ mʋ nɩɩ Ɩbwaarɛ Kayaayu mʋ ɩɩ yɛgɛ nɩɩ asa bɛɛ waa mʋ ɩ gyɛ kebiti, yɛ kensi‐gyii, yɛ keyuula, yɛ kenyiita, yɛ kʋwɛɛ kuwu, yɛ kɩdanbɩrasa kɩwaa, yɛ kesintin kigyii,

Efeso abi 4:1

Kanɩn sʋ, mɛ mʋ nɩɩ ba tii mɛ obu kpalɩ kusun mʋ nɩɩ n sun n sa Ɔnyɩrɩpɛ mʋ sʋ mʋ, n kʋlɛ fanɛ yɛ, fan kyɩna kakyɩna mʋ nɩɩ kɩ dagaa yɛ kɩtɩɩ mʋ nɩɩ ɔ tɩɩ fanɛ ba waa mʋ lɛɛ mʋ.

Filipi abi 4:2

N kʋlɛ Yuwodiya maa Sintike fɛɛ ba maa gyɛ Ɔnyɩrɩpɛ asa falɛ sʋ mʋ, ba tɔwɛ kyula abaa.

Kolose abi 3:13

Nɩɩ fanɛ bɩrɩsa kan waa fanɛ alibi mʋ, fan kpala ɩmʋ sʋ, kɛ fan taa alibi kɛɛ abaa. Fan taa kɛɛ fɛɛ kanan mʋ nɩɩ Ɔnyɩrɩpɛ taa kɛɛ fanɛ mʋ.

Hibriwu abi 12:14

Fan kpan fanɛ n‐yɩɩ ɔkpa kʋmaa sʋ, kɛ fanaa asa kpini fan taalɛ kyɩna kayɩɩ yuuli tɔ, kɛ fan kyɩna kakyɩna mʋ nɩɩ kɩ man sʋ ineesi. Nɩɩ ɔkʋmaa mʋ nɩɩ ɔ sʋ ineesi mʋ, ɔ mɛɛ yɛ o wu Ɔnyɩrɩpɛ Ɩbwaarɛ.