Matiwu 5:6 - Nawuri

⁶ Kusee ɩ gyɛ sa bamʋ nɩɩ bamʋ ansi ɩɩ payɩ ɩkpa kikyiigi sʋ, lɩɩ fɛɛ bamʋ nɩɩ Ɩbwaarɛ ii biti ɔ yɛgɛ ba ŋmɛ lɩɩ bamʋ atɔ bitisa tɔ.

Matiwu 5:6 Iomraidhean Croise

Luka 1:53

Ɔ yɛgɛ nɩɩ atiripu ba nyɛ atɔ danbɩrasa mʋ nɩɩ i tiri bamʋ. Amaa atɔ wuya ana bɩrɛ, o bwiiyaa bamʋ yɛ abaa kpan.

Luka 6:21

Amu ɔkɔn wuya ana ɩ gyɛ fanɛ mʋ nɩɩ akʋn a mɔɔ fanɛ nbɩɩnbɩɩ nɩmʋ mʋ, lɩɩ fɛɛ Ɩbwaarɛ ii biti ɔ yɛgɛ fan ŋmɛ. Amu ɔkɔn wuya ana ɩ gyɛ fanɛ mʋ nɩɩ fen su nbɩɩnbɩɩ, lɩɩ fɛɛ Ɩbwaarɛ ii biti ɔ yɛgɛ fan ŋmasɛ.

Luka 6:25

Fanɛ mʋ nɩɩ fan gyii ŋmɛ nbɩɩnbɩɩ nɩmʋ falɛ mɔɔ, fanɛ laakʋ, lɩɩ fɛɛ akʋn ii biti ɩɩ tɩyɛ fanɛ sʋ. Fanɛ mʋ nɩɩ fɛn ŋmasɛ nbɩɩnbɩɩ falɛ mɔɔ mʋ, fanɛ laakʋ, lɩɩ fɛɛ fen biti fan su kɛ fan bɔɔta tɔ.

Gyɔn 4:14

Amaa ɔkʋmaa mʋ nɩɩ o nuu nkyu mʋ nɩɩ n biti n sa mʋ mʋ, bʋlɩfɔ man bɩla yɛ ɔ kɩtaa mʋ. Kanɩn nkyu maŋa ii biti i biliŋi fɛɛ nkyu mʋ nɩɩ ɩɩ kyʋn mʋ tɔ, kɛ kɩɩ sa mʋ nkpa mʋ nɩɩ ɩ man sʋ ɔkaa.”

Gyɔn 6:27

Fan man waa kusun biti agyitɔ mʋ nɩɩ ii biti i nyita, amaa fan waa kusun biti agyitɔ mʋ nɩɩ ɩɩ sa nkpa kakpaa. Mɛ, Daadimaadi Obii‐nyɩnsa n biti n sa fanɛ kanɩn agyitɔ mʋ, lɩɩ fɛɛ Mɛ‐Sɛ Ɩbwaarɛ mʋ lɛɛ kaapʋ fɛɛ mʋ kɩbaa kɩ gyan mɛ sʋ.”

Gyɔn 7:37

Nɩɩ kakɛ laalaalʋwɛ mʋ nɩɩ kɩ gyɛ kakɛ kparɛ kensi‐gyii mʋ tɔ mʋ, Yesu kʋsʋ yɩlɛ nɩɩ ɔ tɔwɛ kenken yɛ, “Ɔkʋmaa mʋ nɩɩ bʋlɩfɔ kan ɔ sʋ mʋ mʋ, ɔ ba mɛ asɛ ba nuu nkyu.

Asɩnlɛɛ kaapʋsa 7:16

Nɩɩ akʋn man bɩla yɛ ɔ kɩtaa bamʋ, nɩɩ bʋlɩfɔ man bɩla yɛ ɔ kɩtaa bamʋ. Nɩɩ kyɔwɛ man bɩla yɛ ɔ da bamʋ, nɩɩ awulawula man bɩla yɛ ii wiili bamʋ.