Matiwu 5:37 - Nawuri

³⁷ Amaa fan yɛgɛ fanɛ katɔwɛ kɩ baa kɩ gyɛ Ɛɛhn abɛɛ ayee. Nɩɩ fʋ kan bɔ ntan kʋ tii sʋ mʋ, ɩ lɩɩ Sɩtaanɛ asɛ nɩn.

Matiwu 5:37 Iomraidhean Croise

Matiwu 13:19

Ayubi mʋ nɩɩ ɩ tɩyɛ ɔkpakaa mʋ du nɩn fɛɛ, bamʋ nɩɩ bee nu Ɩbwaarɛ kuwura‐gyii mʋ asɩn, nɩɩ ba man nu ɩmʋ kasɛ mʋ, nɩɩ Sɩtaanɛ ɛɛ ba bɛ lɛɛ abi mʋ nɩɩ ba ŋmatɛ mʋ lɩɩ bamʋ nkɔlɔ tɔ.

Matiwu 13:38

Ndɔɔ mʋ ɩ gyɛ dulinyaa, nɩɩ ayubi danbɩrasa mʋ ɩ gyɛ Ɩbwaarɛ kuwura‐gyii mʋ tɔ asa. Afitiri libi mʋ mɔɔ ɩ gyɛ bamʋ nɩɩ ba gyɛ Sɩtaanɛ asa mʋ.

Matiwu 15:19

Lɩɩ fɛɛ kɔkɔlɔ tɔ nɩɩ nfɛɛrɛ libi fɛɛ, nyɩmɩsa kɩmɔɔ, yɛ kɩlɩɩ okuli abɛɛ ɔkaa kamaa, yɛ kɩkyɩɩ yɛ kɩnyɩn biti kɩgyagaa, yɛ keyu, yɛ antɩŋɛsa kɩtɩn, yɛ kɩtɔwɛ asɩn libi gyaga asa sʋ.

Matiwu 5:36

Man taa fu kumu bɔ ntan, lɩɩ fɛɛ fʋ mɛɛ taalɛ waa kinyinibi kʋlʋn kifufuli abɛɛ kilenbiri.

Matiwu 6:13

Man yɛgɛ a loo kʋtʋʋ tɔ kɩɩ tɔ, amaa lɛɛ anɛ lɩɩ olibilibi mʋ abaa tɔ. Lɩɩ fɛɛ kuwura‐gyii yɛ ɔlʋn, yɛ bʋnyaa ɩ gyɛ fʋ lɛɛ kakpaa.’

Gyɔn 17:15

N mɛɛ kʋlɛ fʋ nɩn yɛ fʋ lɛɛ bamʋ lɩɩ dulinyaa tɔ, amaa n kʋlɛ nɩn yɛ fu kun bamʋ lɩɩ Sɩtaanɛ sʋ.

Gyɔn 8:44

Fan gyɛ fanɛ‐sɛ Sɩtaanɛ mu‐bii ana nɩn, ɩmʋ sʋ nɩɩ fen biti fan waa fanɛ‐sɛ mʋ kɔkɔlɔ biti. Lɩɩ npiili asɛ mʋ kpini nɩɩ ɔ gyɛ ɔmɔɔpʋ, nɩɩ ɔ man buu kesintin, lɩɩ fɛɛ kesintin man bʋ mʋ tɔ. Mʋ lɛɛ kpini ɩ gyɛ fɛɛ ɔ tɔwɛ antɩŋɛsa, lɩɩ fɛɛ ɔ gyɛ antɩŋɛsa wuya, yɛ antɩŋɛsa wuya ana bamʋ‐sɛ.

Efeso abi 4:25

Ɩmʋ sʋ fanɛ ɔkʋmaa nɩmʋ ɔ yɛgɛ atɩŋɛsa, kɛ fan baa fen gyii kesintin fɛn sa fanɛ bɩrɩsa ana. Lɩɩ fɛɛ anɛ kpini an gyɛ kayɩɩ‐wʋlɛ kʋlʋn asa nɩn.

Efeso abi 6:16

Saŋa kʋmaa fan taa kɩkɔɔlɛ‐gyii kɩtaa fɛɛ kɩbaa tɔ kʋtɔ kunsa. Kɩmʋ nɩɩ fɛn taalɛ taa dunla Olibilibi fʋlɔn anyenbi mʋ nɩɩ ɛɛ tʋʋ fanɛ mʋ kɔnɔ.

Kolose abi 3:9

Fan man tɩn antɩŋɛsa sa abaa, lɩɩ fan maa lɛɛ fanɛ kɩbaabʋtɔ dɩdaa yɛ ɩmʋ awaasa libi tʋʋ mʋ.

Kolose abi 4:6

Fan yɛgɛ fanɛ ntɔwɛ ɩ baa ɩ bʋkɔn fɛɛ nfɔlɛ, kɛ fan bɩɩ kanan mʋ nɩɩ fan lɛɛ kɔnɔ sa ɔkʋmaa mʋ nɩɩ ɔ taasɛ fanɛ asɩn mʋ.

2 Te 3:3

Amaa Ɔnyɩrɩpɛ mʋ gyɛ kesintin wuya nɩn, nɩɩ mʋ ii biti ɔ sa fanɛ ɔlʋn kɛ o kun fanɛ lɩɩ Sɩtaanɛ kɩbaa tɔ.

Gyemisi 5:12

Mɛ‐daa ana yɛ mi‐supu ana, mɛ asɩn mʋ kpini ɩ gyɛ yɛ, fan man bɔ ntan tɩɩ sʋsʋ abɛɛ kasɛ abɛɛ kʋtɔ kʋmaa nɩmʋ. Fan yɛgɛ fanɛ kekyula kɩ baa kɩ gyɛ “Ɛɛhn,” kɛ fanɛ kekina kɩ waa “ayee.” Nɩɩ fan waa kanɩn mʋ, Ɩbwaarɛ mɛɛ yɛ o bun fanɛ kʋpwɛ.

1 Gy 2:13

Asɛ ana, n kyʋrɔɔ ɩnɩmʋ n sa fanɛ, lɩɩ fɛɛ fan wʋla fan nyi Yesu Krisito mʋ nɩɩ ɔ wʋla ɔ bʋ tɔ lɩɩ npiili asɛ mʋ. Ayaafɔlɛ, n kyʋrɔɔ ɩnɩmʋ n sa fanɛ, lɩɩ fɛɛ fan taalɛ gyii Sɩtaanɛ alibi wuya mʋ sʋ. Nbii, n kyʋrɔɔ n sa fanɛ, lɩɩ fɛɛ fan bɩɩ Ɔsɛ Ɩbwaarɛ mʋ.

1 Gy 3:12

A man waa fɛɛ Ken mʋ nɩɩ ɔ gyɛ Sɩtaanɛ lɛɛ nɩɩ ɔ mɔɔ mu‐supu mʋ. Mɩnɛ ɩ waa sʋ nɩɩ ɔ mɔɔ mu‐supu? Lɩɩ fɛɛ mʋ gbaa‐gbaa mʋ awaasa ɩ gyɛ alibi, nɩɩ mu‐supu ɩkpa i kyiigi.

1 Gy 5:18

An nyi fɛɛ ɔkʋmaa mʋ nɩɩ ba kʋʋgɛ mʋ Ɩbwaarɛ tɔ mʋ, mɛɛ kyaga sʋ ɛɛ waa alibi. Lɩɩ fɛɛ Krisito mʋ nɩɩ ɔ kʋʋgɛ mʋ Ɩbwaarɛ tɔ mʋ ii kun kanɩn ɔsa mʋ, nɩɩ nyɩmɩsa mʋ nɩɩ ɔ gyɛ Sɩtaanɛ lɛɛ mʋ mɛɛ taalɛ waa mʋ alibi akʋ