Matiwu 4:8 - Nawuri

⁸ Sɩtaanɛ bɩla taa mʋ kpee kɩbɩɩ lala kʋ sʋ, nɩɩ ɔ kaapʋ mu kuwura‐gyii kʋmaa mʋ nɩɩ kɩ bʋ dulinyaa nɩmʋ tɔ yɛ ɩmʋ bʋnyaa mʋ.

Matiwu 4:8 Iomraidhean Croise

Matiwu 16:26

Nɩɩ nyɩmɩsa kan nyɛ dulinyaa tɔ kʋtɔ kʋmaa, nɩɩ ɔ pan mʋ nkpa mʋ, mɩnɛ tɔnɔ nɩɩ ɔ nyɛ? Abɛɛ mɩnɛ nɩɩ nyɩmɩsa ɩ taalɛ taa kyɛrɛ mʋ nkpa?

Matiwu 4:5

Tʋtɔ nɩɩ Sɩtaanɛ taa mʋ kpee Gyerusalem, kadɛ kyɩrɛkyɩrɛ mʋ tɔ naa yɩlɛ kabwaarɛ‐sunkpa ayɛ mʋ ketin tɔ sʋsʋ.

Gyɔn 5:20

Mɛ‐Sɛ mʋ sʋ kebiti sa mɛ, nɩɩ ɛɛ kaapʋ mɛ kʋtɔ kʋmaa mʋ nɩɩ ɛɛ waa mʋ. Mɛ‐Sɛ ii biti ɔ kaapʋ mɛ atɔ kparɛ mʋ nɩɩ ɩ kyɔ ɩnɩmʋ, kɛ n waa kɛ i kyinkyin fanɛ.

1 Pi 1:24

Lɩɩ fɛɛ Asɩn kyanyɩlasa mʋ ɩɩ tɔwɛ yɛ, Asa kpini be du nɩn fɛɛ afitiri, nɩɩ bamʋ bʋnyaa kpini du nɩn fɛɛ afitiri ntʋtʋlɛ. Afitiri ii wu kɛ ɩmʋ ntʋtʋlɛ mʋ gbaa ɩɩ kpɩkpaa tɩyɛ,

Asɩnlɛɛ kaapʋsa 11:15

Nɩɩ Ɩbwaarɛ kabɔɔ sunɔsapʋ mʋ fʋlɛ mʋ kabɩlɛ, nɩɩ ɩbʋlɛ damantɛ kʋ ii tɔwɛ kenken lɩɩ sʋsʋ yɛ, “Kasɛ sʋ kuwura‐gyii ki biliŋi anɛ Ɔnyɩrɩpɛ Ɩbwaarɛ yɛ Ɔmʋ nɩɩ ɔ wʋla lɛɛ mʋ lɛɛ, nɩɩ ee biti o gyii kuwura kakpaa.”