Matiwu 4:7 - Nawuri

⁷ Yesu bwii lɛɛ kɔnɔ yɛ, “Ba bɩla kyʋrɔɔ waa Asɩnkyan yɩlasa mʋ tɔ yɛ, ‘Man tʋʋ fʋ‐Nyɩrɩpɛ Ɩbwaarɛ tɔ kɩɩ.’ ”

Matiwu 4:7 Iomraidhean Croise

Matiwu 21:16

Nɩɩ ba taasɛ mʋ yɛ, “Fu nu asɩn mʋ nɩɩ nbii mʋ bɛɛ tɔwɛ mʋ?” Nɩɩ Yesu lɛɛ kɔnɔ yɛ “Ɛɛhn, fan man pɩɩta kalɛ lɩɩ Asɩnkyan yɩlasa mʋ tɔ yɛ, ‘Fʋ kaapʋ nbii yɛ nbii wuribi yɛ ba yɩn fʋ.’ ”

Matiwu 21:42

Nɩɩ Yesu taasɛ bamʋ yɛ, “Fan man pɩɩta kalɛ Asɩnkyan yɩlasa mʋ tɔ yɛ, ‘Kubuu mʋ nɩɩ apɔyɩpʋ ba kina mʋ, kɩmʋ ɩ ba biliŋi kɩbɔntɔnbʋlɔntɔ kubuu kparɛ mʋ nɩɩ kɩ sʋ obu mʋ tɔ. Ɔnyɩrɩpɛ mʋ ɩ waa ɩnɩmʋ, nɩɩ i kyinkyin anɛ.’

Matiwu 4:10

Nɩɩ Yesu tɔwɛ mʋ yɛ, “Sɩtaanɛ, natɛ lɩɩ mɛ asɛ. Lɩɩ fɛɛ ba kyʋrɔɔ waa Asɩnkyan yɩlasa mʋ tɔ yɛ, ‘Muŋa sun fʋ‐Nyɩrɩpɛ Ɩbwaarɛ, nɩɩ mʋ nkʋn nɩɩ fu sun.’ ”

Matiwu 4:4

Nɩɩ Yesu lɛɛ kɔnɔ yɛ, “Ba kyʋrɔɔ waa Asɩnkyan yɩlɛsa mʋ tɔ yɛ, ‘Man gyɛ agyitɔ wʋlɛ nkʋn ɩɩ sa nyɩmɩsa nkpa, amɔɔ asɩn mʋ nɩɩ ɩɩ lɩɩ Ɩbwaarɛ kɔnɔ tɔ.’ ”

Luka 4:12

Nɩɩ Yesu lɛɛ kɔnɔ yɛ, “Ɩbwaarɛ Asɩnkyan yɩlasa mʋ ɩ tɔwɛ yɛ, ‘Man kan tʋʋ fʋ‐Nyɩrɩpɛ Ɩbwaarɛ tɔ kɩɩ.’ ”

Krisito Asunpu mʋ kusun 15:10

Ɩmʋ sʋ mɩnɛ ɩ waa nɩɩ fen biti fan tʋʋ Ɩbwaarɛ tɔ kɩɩ, nɩɩ fɛn taa ɩsʋla budusa fɛn sʋla Yesu abuupu mʋ nɩɩ anɛ yɛ anɛ naana ana gbaa an man taalɛ sʋla?

Krisito Asunpu mʋ kusun 5:9

Nɩɩ Pita taasɛ mʋ yɛ, “Mɩnɛ ɩ waa sʋ nɩɩ faa fu‐kuli fan waa kɔnɔ kʋlʋn yɛ fan tʋʋ Ɔnyɩrɩpɛ Kayaayu mʋ tɔ kɩɩ. Kɩɩ! Ayaafɔlɛ mʋ nɩɩ ba naa pula fu‐kuli mʋ ba yɩlɛ kebunɔ tʋtɔ nbɩɩnbɩɩ, kanɩn nɩɩ bee biti ba kukuri ngbaa fʋ lɩɩ naa pula nɩn.”

1 Ko 10:9

Fan man yɛgɛ a tʋʋ Ɔnyɩrɩpɛ Ɩbwaarɛ tɔ kɩɩ, fɛɛ kanan mʋ nɩɩ bamʋ akʋ ba daa kyɩna waa mʋ, nɩɩ anansɛ ba be duŋi bamʋ mɔɔ mʋ.

Hibriwu abi 3:9

Tʋtɔ nɩɩ fanɛ naana ana ba waa mʋ, nɩɩ ba tʋʋ mʋ tɔ kɩɩ, nɩɩ ba wu atɔ mʋ nɩɩ ɔ waa nsu adɩna mʋ tɔ mʋ.