Matiwu 3:16 - Nawuri

¹⁶ Gyɔn maa dan gyee Yesu Ɩbwaarɛ kekyugyee lʋwɛ mʋ, Yesu lɩɩ ɔbʋn mʋ tɔ. Opula maŋa tɔ nɩɩ sʋsʋ bugi tɔ, nɩɩ o wu Ɩbwaarɛ Kayaayu Kyɩrɛkyɩrɛ maa kpɩlɩgɛ fɛɛ kuwura‐lɔpɔ ba gyɔŋɔ mʋ sʋ.

Matiwu 3:16 Iomraidhean Croise

Maki 1:10

Yesu maa dan lɩɩ ɔbʋn mʋ tɔ yɩlɛ mʋ, o wu sʋsʋ maa bugi tɔ, nɩɩ Kayaayu Kyɩrɛkyɩrɛ mʋ kpɩlɩgɛ lɩɩ sʋsʋ fɛɛ kuwura‐lɔpɔ ba gyɔŋɔ Yesu sʋ.

Gyɔn 1:51

Nɩɩ Yesu bwii kyaga sʋ yɛ, “N tɔwɛ fanɛ kesintin yɛ, fanɛ kpini fen biti fan wu sʋsʋ maa bugi tɔ, kɛ Ɩbwaarɛ nbɔɔ ba ba bee dii bɛɛ kpɩlɩgɛ mɛ, Daadimaadi Obii‐nyɩnsa sʋ.”

Gyɔn 3:34

Ɔmʋ nɩɩ Ɩbwaarɛ sun mʋ mʋ, Ɩbwaarɛ asɩn nɩɩ ɛɛ tɔwɛ, lɩɩ fɛɛ Ɩbwaarɛ sa mʋ Kayaayu mʋ nɩɩ kɩ man sʋ ɔkaa.

Krisito Asunpu mʋ kusun 1:22

lɩɩ saŋa mʋ nɩɩ Gyɔn okyugyeepu gyee asa Ɩbwaarɛ kekyugyee, naa fʋʋ saŋa mʋ nɩɩ Ɩbwaarɛ taa Yesu kpee sʋsʋ. Ɩ dagaa fɛɛ kanɩn asa maŋa tɔ ɔkʋ maa tii anɛ sʋ fɛɛ Ɔnyɩrɩpɛ Yesu kelewu kyiŋi kesintin ogyipu.

Krisito Asunpu mʋ kusun 7:56

Nɩɩ Sitefen yɛ, “Fan kɩɩ! N wu sʋsʋ maa bugi nɩɩ n wu Yesu, Daadimaadi Obii‐nyɩnsa mʋ maa yɩlɛ Ɩbwaarɛ gyisa sʋ.”

1 Gy 5:6

Yesu ɩ gyɛ ɔmʋ nɩɩ ɔ ba, nɩɩ o gyee Ɩbwaarɛ kekyugyee nɩɩ ɔ kyɛɛgɛ mʋ nkalan wʋrɩgɛ, man gyɛ Ɩbwaarɛ kekyugyee mʋ nkʋn sʋ nɩɩ ɔ ba, amaa Ɩbwaarɛ kekyugyee mʋ yɛ nkalan kɩkyɛɛgɛ wʋrɩgɛ mʋ sʋ. Nɩɩ Kayaayu mʋ ɩ lɛɛ kaapʋ, lɩɩ fɛɛ Kayaayu mʋ gyɛ kesintin.