Matiwu 3:11 - Nawuri

¹¹ “Nkyu nɩɩ mɛɛ mɛ n sʋ n gyee fanɛ Ɩbwaarɛ kekyugyee kɛ ɩɩ kaapʋ fɛɛ fan yɛgɛ alibi kɩwaa. Amaa ɔmʋ nɩɩ ɔ bʋ mɛ kamaa ɛɛ ba mʋ kyɔ mɛ gaa, nɩɩ n man dagaa gbaa fɛɛ n sʋla mʋ asɩbɩta. Mɛɛ mʋ bɩrɛ Kayaayu Kyɩrɛkyɩrɛ yɛ fʋlɔn nɩɩ ee biti ɔ taa gyee fanɛ Ɩbwaarɛ kekyugyee.

Matiwu 3:11 Iomraidhean Croise

Matiwu 3:6

Ba lɛɛ bamʋ alibi tɔwɛ, nɩɩ o gyee bamʋ Ɩbwaarɛ kekyugyee Gyɔdan ɔbʋn mʋ tɔ.

Maki 1:4

Asɩn mʋ ɩ ba kanɩn. Ɩmʋ ɩ gyɛ yɛ Gyɔn maa ba ɔ naa ofuli sʋ ee gyee asa Ɩbwaarɛ kekyugyee, yɛgɛ ɛɛ tɔwɛ Ɩbwaarɛ asɩn ɛɛ sa asa yɛ, “Fan yɛgɛ alibi kɩwaa, kɛ n gyee fanɛ Ɩbwaarɛ kekyugyee, kɛ Ɩbwaarɛ ɔ taa fanɛ alibi kɛɛ fanɛ.”

Luka 1:17

Fu kebii Gyɔn nɩmʋ ii biti ɔ taa Kayaayu tɔ ɔlʋn gyankpaa Ɔnyɩrɩpɛ mʋ fɛɛ Ɩbwaarɛ ɔtɔwɛpʋ Eligya. Ee biti ɔ lɔŋɔ asɛ yɛ nbii bʋga tɔ, kɛ ɔ taa bamʋ nɩɩ bɛɛ waa kʋsʋ tɔ ɔlʋn mʋ, ba ba nyɛ kanyaasɩn kɛ bamʋ nfɛɛrɛ ɩ ba Ɩbwaarɛ ɩkpa kyiigisa mʋ sʋ. Ee biti ɔ waa ɩnɩmʋ lɔŋɔ asa mʋ gyoo Ɔnyɩrɩpɛ.”

Luka 3:16

Ɩmʋ sʋ Gyɔn tɔwɛ asa mʋ kpini yɛ, “Nkyu nɩɩ n sʋ n gyee fanɛ Ɩbwaarɛ kekyugyee, amaa ɔmʋ nɩɩ ɔ kyɔ mɛ gaa mʋ ɩɩ ba. Nɩɩ n man dagaa gbaa fɛɛ n muŋa saŋɛ mʋ asɩbɩta ɩfɛ. Nɩɩ mɛɛ mʋ ii biti ɔ taa Kayaayu Kyɩrɛkyɩrɛ yɛ fʋlɔn gyee fanɛ Ɩbwaarɛ kekyugyee.

Luka 3:3

Ɩmʋ sʋ Gyɔn natɛ kyaabɔɔ ɔsʋwʋlɛ mʋ nɩɩ kɩ maa Gyɔdan ɔbʋn mʋ ɛɛ tɔwɛ abwaarɛsɩn ɛɛ sa asa yɛ, “Fan kyɛɛgɛ fanɛ nfɛɛrɛ lɩɩ fanɛ alibi tɔ kɛ fan bwii ba Ɩbwaarɛ asɛ, kɛ fan yɛgɛ ba gyee fanɛ Ɩbwaarɛ kekyugyee, kɛ fan nyɛ alibi kɩtaa kɛɛ.”

Gyɔn 1:15

Mʋ asɩn nɩɩ Gyɔn daa ɛɛ tɔwɛ ɛɛ kaapʋ tɔ, nɩɩ ɔ lɛɛ kɔnɔ kenken yɛ, “Ɔnɩmʋ asɩn nɩɩ n wʋla tɔwɛ fanɛ, nɩɩ n tɔwɛ yɛ, ‘Ɔmʋ nɩɩ ɔ bʋ mɛ kamaa tɔ ɛɛ ba mʋ kyɔ mɛ, nɩɩ ɔ wʋla ɔ bʋ tɔ pɔyɩ nɩɩ ba kʋʋgɛ mɛ mʋ.’ ”

Gyɔn 1:30

Ɔnɩmʋ ɩ gyɛ ɔmʋ nɩɩ n wʋla n tɔwɛ mʋ asɩn yɛ, ‘Ɔnyɩn kʋ bʋ mɛ kamaa ɛɛ ba, nɩɩ ɔ kyɔ mɛ, lɩɩ fɛɛ ɔ wʋla ɔ bʋ tɔ pɔyɩ nɩɩ ba kʋʋgɛ mɛ.’

Krisito Asunpu mʋ kusun 1:5

Nkyu nɩɩ Gyɔn sʋ ee gyee fanɛ Ɩbwaarɛ kekyugyee, amaa nkɛ gbɛrɛɛ mʋ nɩɩ ii biti ɩ ba falɛ tɔ mʋ, Ɩbwaarɛ ii biti ɔ taa mʋ Kayaayu Kyɩrɛkyɩrɛ mʋ gyee fanɛ.”

Krisito Asunpu mʋ kusun 19:4

Nɩɩ Pɔɔlɩ tɔwɛ bamʋ yɛ, “Gyɔn kekyugyee kɩ gyɛ nfɛɛrɛ kɩkyɛɛgɛ lɩɩ alibi tɔ ba Ɩbwaarɛ asɛ nɩn. Kanɩn sʋ Gyɔn tɔwɛ asa yɛ, ba kɔɔlɛ ɔmʋ nɩɩ ɔ bʋ mʋ kamaa tɔ ɛɛ ba mʋ gyii, mʋ ɩ gyɛ Yesu.”

Krisito Asunpu mʋ kusun 8:36

Saŋa mʋ nɩɩ ba naa ɔkpa mʋ tɔ bee kpee mʋ, ba naa tu nkyu kʋ ɩ maa dɛ. Nɩɩ Etiyopiya‐nyɩn mʋ tɔwɛ Filipu yɛ, “Kɩɩ nkyu ndee, mɩnɛ i tii mɛ Ɩbwaarɛ kekyugyee ɔkpa?”

Krisito Asunpu mʋ kusun 8:38

Nɩɩ Etiyopiya‐nyɩn mʋ yɛgɛ mʋ gbaŋɛ mʋ yɩla. Nɩɩ maa Filipu kpini ba kpɩlɩgɛ loo nkyu mʋ tɔ. Nɩɩ Filipu gyee mʋ Ɩbwaarɛ kekyu gyee.

1 Ko 12:13

Kayaayu kʋlʋn maŋa ɩ yɛgɛ nɩɩ ba gyee anɛ kpini Ɩbwaarɛ kekyugyee, ba waa Krisito kayɩɩ‐wʋlɛ kʋlʋn. Halɩɩ bamʋ nɩɩ ba gyɛ Gyiwu abi, yɛ bamʋ nɩɩ ba man gyɛ Gyiwu abi, yɛ anyɛ, yɛ bamʋ nɩɩ ba man gyɛ anyɛ gbaa mʋ, Ɩbwaarɛ sa Kayaayu kʋlʋn maŋa nɩɩ kɩɩ waa kusun anɛ nkɔlɔ tɔ.

Efeso abi 3:8

Halɩɩ n maa man fʋʋ Ɩbwaarɛ asa mʋ tɔ kalʋwɛ asɛ gbaa mʋ, Ɩbwaarɛ taa asɩn danbɩrasa mʋ kɩtɔwɛ bwaala mɛ yɛ, n tɔwɛ Krisito kusee mʋ nɩɩ ɔkʋ mɛɛ taalɛ taa kala sɛhn mʋ, sa bamʋ nɩɩ ba man gyɛ Gyiwu abi mʋ.

Titusi 3:5

ɔ mɔlɩgɛ anɛ. Man gyɛ anɛ adanbɩrasa kɩwaa sʋ nɩɩ ɔ mɔlɩgɛ anɛ, amaa lɩɩ mʋ kʋwɛɛ kuwu sʋ nɩɩ ɔ bɔla mʋ Kayaayu mʋ nɩɩ kɩɩ fwɩɩ anɛ mʋ sʋ, sa anɛ kakʋʋgɛ pʋpwɛ yɛ nkpa pʋpwɛ mɔlɩgɛ anɛ.

1 Pi 5:5

Fɔɔ fanɛ ayaafɔlɛ yɛ abite, kanɩn maŋa sʋ nɩɩ ɩ dagaa fɛɛ fan bɩya fanɛ n‐yɩɩ kasɛ sa abɩlɩsa mʋ. Kɛ fanɛ kpini fan bɩya fan n‐yɩɩ kasɛ sa abaa, lɩɩ fɛɛ Asɩnkyan yɩlasa mʋ ɩ tɔwɛ yɛ, “Ɩbwaarɛ ii tii bamʋ nɩɩ bɛɛ kaapʋ bamʋ n‐yɩɩ mʋ ɔkpa, amaa ɛɛ taa bɛɛrɛɛ ɛɛ sa bamʋ nɩɩ bɛɛ bɩya bamʋ n‐yɩɩ kasɛ mʋ.”