Matiwu 26:52 - Nawuri

⁵² Nɩɩ Yesu tɔwɛ mʋ yɛ, “Bwiiyaa fʋ sakunde mʋ waa kɩmʋ kikufe tɔ. Lɩɩ fɛɛ ɔkʋmaa mʋ nɩɩ ɛɛ kɩtaa sakunde ɛɛ kɔ mʋ, sakunde lewu nɩɩ ee biti o wu.

Matiwu 26:52 Iomraidhean Croise

Matiwu 5:39

Amaa mɛ ɩ tɔwɛ fanɛ yɛ, nɩɩ ɔkʋ kan waa fʋ alibi mʋ, man taa alibi ka mʋ kʋkɔ. Nɩɩ ɔkʋ kan kpa fʋ ɔtan gyisa sʋ mʋ, biliŋaa bɩna sʋ sa mʋ kɛ ɔ kpa tii sʋ.

Roma abi 12:19

Mɛ kyɛmɩnɛ ana, fan man taa alibi ka ɔkʋmaa mʋ nɩɩ ɔ waa fanɛ alibi mʋ kʋkɔ. Fan yɛgɛ kʋtɔ kʋmaa sa Ɩbwaarɛ. Lɩɩ fɛɛ Asɩnkyan yɩlasa mʋ ɩ tɔwɛ yɛ Ɔnyɩrɩpɛ Ɩbwaarɛ tɔwɛ yɛ, “Mɛ ɩ gyɛ ɔmʋ nɩɩ n tɛɛla asa, nɩɩ n ka alibi kʋkɔ.”

1 Te 5:15

Fan kɩɩ sʋ yɛ ɔdan kɛ fanɛ tɔ ɔkʋ ɔ man taa alibi ka alibi kʋkɔ. Amaa saŋa kʋmaa fan kpan fanɛ n‐yɩɩ fan waa kɩdanbɩrasa fɛn sa abaa yɛ ɔkʋmaa nɩmʋ.

1 Pi 3:9

Fan man taa alibi ka alibi kʋkɔ, kɛ fan man taa asebi ka tɛɛla asebi kʋkɔ. Amaa fan kʋlɛ Ɩbwaarɛ fɛɛ ɔ taa kusee ka bamʋ kʋkɔ, lɩɩ fɛɛ ɩnɩmʋ sʋ nɩɩ Ɩbwaarɛ tɩɩ fanɛ yɛ fan ba waa, kɛ fan ba nyɛ mʋ kusee mʋ.

Asɩnlɛɛ kaapʋsa 13:10

Nɩɩ ɩ kan ɩ dɛ sa fɛɛ bee biti ba tii ɔkʋ obu mʋ, bee biti ba kɩtaa mʋ naa tii. Nɩɩ ɩ kan ɩ dɛ fɛɛ sakunde nɩɩ bee biti ba taa mɔɔ ɔkʋ mʋ, sakunde lewu nɩɩ ee biti o wu. Asɩn nɩmʋ falɛ sʋ nɩɩ ɩ dagaa fɛɛ Ɩbwaarɛ asa ba maa nyɛ kenyiita, kɛ ba nyɛ nkɔlɔ yɩlɛ bamʋ kɩkɔɔlɛ‐gyii tɔ.

Asɩnlɛɛ kaapʋsa 16:6

Lɩɩ fɛɛ bamʋ ɩ mɔɔ fʋ asa yɛ fʋ atɔwɛpʋ, nɩɩ bamʋ nkalan ɩ kyɛɛgɛ wʋrɩgɛ, ɩmʋ sʋ fʋ sa bamʋ nkalan yɛ ba nuu kanan mʋ nɩɩ ɩ dagaa bamʋ.”