Matiwu 24:37 - Nawuri

³⁷ Kanan mʋ nɩɩ ɩ kyɩna i du Nowa saŋa mʋ, kanɩn maŋa nɩɩ ii biti ɩ baa i du mɛ, Daadimaadi Obii‐nyɩnsa mʋ kɩba saŋa.

Matiwu 24:37 Iomraidhean Croise

Matiwu 16:27

Lɩɩ fɛɛ mɛ, Daadimaadi Obii‐nyɩnsa mʋ n biti n baa yɛ Ɔsɛ mʋ bʋnyaa, yɛ mɛ nbɔɔ, kɛ n ba ka ɔkʋmaa nɩmʋ kʋkɔ lɩɩ mu kusun mʋ nɩɩ ɔ waa mʋ sʋ.

Matiwu 24:27

Lɩɩ fɛɛ, kanan mʋ nɩɩ bʋlayɩ ɩ wɛɛ ɩsɛɛ lɩɩ kyɔwɛ kɩlɩɩ, nɩɩ bee wu kɩmʋ halɩɩ kyɔwɛ kɩtɩyɛ mʋ, kanɩn maŋa nɩɩ mɛ, Daadimaadi Obii‐nyɩnsa mʋ kɩba ii biti ɩ baa i du.

Matiwu 24:3

Yesu maa tɛ olifu kɩbɩɩ mʋ sʋ mʋ, mʋ abɩɩlapʋ mʋ nkʋn ɩ ba mʋ asɛ ba taasɛ mʋ yɛ, “Tɔwɛ anɛ saŋa mʋ nɩɩ ɩnɩmʋ ii biti ɩ ba? Nɩɩ mɩnɛ ii biti ɩ baa ɩ gyɛ fʋ kɩba mʋ yɛ laalaalʋwɛ mʋ sɩnkaala?”

Matiwu 24:30

“Kanɩn saŋa maŋa mɛ, Daadimaadi Obii‐nyɩnsa mʋ sɩnkaala ii biti ɩ lɩɩ sʋsʋ, nɩɩ ndɛndɛmandɛ asa mʋ nɩɩ ba bʋ kasɛ sʋ mʋ bee biti ba bɔɔta tɔ, fɛɛ ba maa wu mɛ, Daadimaadi Obii‐nyɩnsa mʋ n maa lɩɩ abwaarɛ‐wʋlɛ tɔ sʋsʋ n ba yɛ ɔlʋn yɛ bʋnyaa lala mʋ.

Matiwu 24:39

yɛgɛ ba man nyi kʋtɔ mʋ nɩɩ kii biti kɩ ba, halɩɩ nkyu ɩ ba taa bamʋ kpini kyʋn. Kanɩn maŋa nɩɩ ii biti ɩ waa mɛ, Daadimaadi Obii‐nyɩnsa kɩba mʋ saŋa.

Hibriwu abi 11:7

Nowa kɩkɔɔlɛ Ɩbwaarɛ gyii sʋ mʋ, saŋa mʋ nɩɩ Ɩbwaarɛ da mu kumu tɔ lɩɩ atɔ mʋ nɩɩ ɩ man pɩɩta waa mʋ sʋ mʋ, o nu sa Ɩbwaarɛ. Nɩɩ ɔ salɛ ɔkʋlɩ lala mʋ nɩɩ kɩ mɔlɩgɛ maa mʋ kɩkpaara sʋ abi kpini. Lɩɩ mʋ kɩkɔɔlɛ‐gyii nɩmʋ sʋ mʋ, o bun dulinyaa kpini kʋpwɛ, nɩɩ lɩɩ mʋ kɩkɔɔlɛ‐gyii sʋ mʋ, Ɩbwaarɛ tɩɩ mʋ yɛ ɩkpa kyiigisa wuya ana mʋ tɔ ɔkʋ.

2 Pi 2:5

Fɛɛ nɩɩ Ɩbwaarɛ maa man yɛgɛ dɩdaa abi mʋ nɩɩ ba waa alibi mʋ kʋsʋ kɩbɩɩtɛ, amaa nɩɩ ɔ yɛgɛ nɩɩ nkyu n bɔla gyii kasɛ yɛ bamʋ nɩɩ ba man nu Ɩbwaarɛ asɛ mʋ. Asa mʋ nɩɩ ɔ mɔlɩgɛ mʋ ɩ gyɛ Nowa mʋ nɩɩ ɔ tɔwɛ ɩkpa kyiigisa mʋ asɩn, yɛ asa asunɔ akʋ.

2 Pi 3:6

Nɩɩ kanɩn nkyu kʋlʋn maŋa nɩɩ Ɩbwaarɛ taa muuri nyita dɩdaa dulinyaa mʋ.