Matiwu 21:44 - Nawuri

⁴⁴ Ɔkʋmaa mʋ nɩɩ ɔ tɩyɛ kubuu nɩmʋ sʋ mʋ, ii biti o boyi tɔ buriburi, amaa ɔmʋ nɩɩ kɩ lɩɩ tɩyɛ mʋ sʋ mʋ, ii biti ɔ patɩyɛ tɔ.”

Matiwu 21:44 Iomraidhean Croise

Matiwu 21:43

“Ɩmʋ sʋ n tɔwɛ fanɛ yɛ, Ɩbwaarɛ ii biti ɔ taa mu kuwura‐gyii mʋ lɩɩ fanɛ asɛ, kɛ ɔ taa sa asa mʋ nɩɩ bee biti ba waa mu kebiti mʋ.

Matiwu 21:45

Ɩbwaarɛ aseepu abɩlɩsa yɛ Farasii abi ba maa nu Yesu aŋasan mʋ, ba bɩɩ fɛɛ bamʋ asɩn nɩɩ ɛɛ tɔwɛ.

Matiwu 26:24

Fɛɛ kanan mʋ nɩɩ Asɩnkyan yɩlasa mʋ ɩ tɔwɛ yɛ mɛ, Daadimaadi Obii‐nyɩnsa n biti n wu mʋ, kanɩn nɩɩ ii biti ɩ waa. Amaa kanɩn nyɩmɩsa mʋ nɩɩ ee biti ɔ lɛɛ mɛ sa mʋ, laakʋ. Nɩɩ ba man da kʋʋgɛ mʋ gbaa nɩn, naafɔɔ ɩ bɔ.”

Matiwu 27:25

Asa mʋ kpini ba lɛɛ kɔnɔ yɛ, “Yɛgɛ mu lewu kʋsʋ bɩɩtɛ ɩ baa ɩ gyan anɛ yɛ anɛ‐bii ana sʋ!”

Luka 2:34

Nɩɩ Simeyon waa Mɛɛrɩ maa Gyosefu kusee, nɩɩ ɔ tɔwɛ Mɛɛrɩ yɛ, “Ɩbwaarɛ lɛɛ kebii nɩmʋ nɩn, yɛ kpalɩ mʋ sʋ mʋ, Ɩsɩrayɩ abi gaalaagaa bee biti ba tɩyɛ, kɛ akʋ mɔɔ ba nyɛ kamɔlɩgɛ. Mʋ ii biti ɔ lɛɛ Ɩbwaarɛ asɩn mʋ kaapʋ, kɛ asa ba gyii ɩmʋ ɩmɔɔrɛ.

Luka 20:18

Nɩɩ ɔkʋmaa mʋ nɩɩ ɔ tɩyɛ kubuu maŋa sʋ mʋ, ee biti ɔ gyayɩ tɔ buriburi. Nɩɩ ɔkʋmaa mʋ nɩɩ kubuu mʋ kɩ tɩyɛ mʋ sʋ mʋ, ee biti ɔ patɩyɛ tɔ.”

Gyɔn 19:11

Nɩɩ Yesu lɛɛ mʋ kɔnɔ yɛ, “Nɩɩ Ɩbwaarɛ daa ɔ man sa fʋ ɔlʋn mɛ sʋ nɩn, naafɔɔ fʋ mɛɛ taalɛ waa mɛ sɛhn. Amaa ɔnyɩn mʋ nɩɩ ɔ lɛɛ mɛ sa fʋ mʋ, mu alibi ɩ kyɔ fʋ lɛɛ gaa.”

Roma abi 9:33

fɛɛ kanan mʋ nɩɩ Ɩbwaarɛ tɔwɛ lɩɩ Yesu mʋ nɩɩ ɔ yɩlɛ sa kubuu nɩmʋ asɩn Asɩnkyan yɩlasa mʋ tɔ yɛ, “Fan kɩɩ! N taa kubuu mʋ nɩɩ kɩ yɛgɛ asa ba siti mʋ yɩla Siyon kadɛ tɔ. Kɛ kanɩn kɩfʋlɛ‐buu maŋa kɩ yɛgɛ asa ba lɩɩ bɛɛ tɩyɛ. Amaa ɔkʋmaa mʋ nɩɩ ɔ kɔɔlɛ mʋ gyii mʋ, mɛɛ yɛ o gyii ipeeli.”

1 Te 2:16

Nɩɩ ba kpan bamʋ n‐yɩɩ fɛɛ naafɔɔ bee tii anɛ ɔkpa, kɛ a man nyɛ tɔwɛ Asɩn danbɩrasa mʋ sa bamʋ nɩɩ ba man gyɛ Gyiwu abi mʋ, kɛ Ɩbwaarɛ ɔ mɔlɩgɛ bamʋ. Lɩɩ falɛ ɔkpa sʋ mʋ, ba kʋʋla bamʋ alibi gyaga abaa sʋ naa fʋʋ ɩmʋ laalaalʋwɛ. Nbɩɩnbɩɩ mʋ Ɩbwaarɛ nyɛ agbʋ waa bamʋ, nɩɩ ee biti ɔ bɩɩtɛ bamʋ asʋ.

1 Pi 2:8

Nɩɩ ɔ bɩla tɔwɛ yɛ “Kubuu maŋa kɩɩ yɛgɛ bamʋ nɩɩ ba man kɔɔlɛ gyii mʋ bee siti, nɩɩ kɩ bɩla kɩ gyɛ kɩfʋlɛ‐buu mʋ nɩɩ kɩ yɛgɛ nɩɩ bɛɛ lɩɩ tɩyɛ.” Bee siti lɩɩ fɛɛ ba maa man nu abwaarɛsɩn mʋ, nɩɩ kanɩn nɩɩ Ɩbwaarɛ wʋla ŋmina yɩla sa bamʋ.