Matiwu 20:8 - Nawuri

⁸ “Kalaatɩpwɛ maa fʋʋ mʋ, nɩɩ ndɔɔ wuya mʋ tɔwɛ asunpu mʋ ɔkɩɩsʋpʋ yɛ, ‘Tɩɩ asunpu mʋ, kɛ fʋ ka bamʋ kʋkɔ. Piili lɩɩ bamʋ nɩɩ ba sii kamaa ba mʋ sʋ naa fʋʋ bamʋ nɩɩ ba gyankpaa ba mʋ.’

Matiwu 20:8 Iomraidhean Croise

Matiwu 20:7

“Nɩɩ ba lɛɛ mʋ kɔnɔ yɛ, ‘Ɔkʋ man taa anɛ yɛ a naa sun sa mʋ.’ “Nɩɩ ɔ tɔwɛ bamʋ yɛ, ‘Kanɩn bɩrɛ fanɛ gbaa fanɛ fan ba kyʋn kpee naa waa kusun mɛ ndɔɔ tɔ.’

Matiwu 20:9

“Tʋtɔ nɩɩ ɔ yɛgɛ nɩɩ asunpu mʋ nɩɩ ba kpee ndɔɔ mʋ tɔ saŋa mʋ nɩɩ kyɔwɛ mata afatɛɛ tɔ mʋ, ba ba kɔɔlɛ kederebi kʋlʋn‐kʋlʋn mʋ nɩɩ ɩ gyɛ kakɛ ibiri kʋkɔka.

Matiwu 25:19

“Ɩ maa kyɛɛrɛɛ kamaa tɔ mʋ, bamʋ‐nyɩrɩpɛ mʋ naa bwii ba, nɩɩ ɔ tɩɩ bamʋ yɛ ba ba kaapʋ tɔ kanan mʋ nɩɩ ba nyɛ agyaga tii afulee mʋ sʋ.

Matiwu 25:31

Nɩɩ Yesu bɩla tɔwɛ yɛ, “Saŋa mʋ nɩɩ mɛ, Daadimaadi Obii‐nyɩnsa n biti n ba yɛ mɛ bʋnyaa, maa sʋsʋ nbɔɔ kpini mʋ, n biti n kyɩna mɛ kuwura‐gya mʋ sʋ bʋnyaa tɔ.

Luka 10:7

Fan kyɩna kɩkpaara maŋa sʋ, kɛ fen gyii kɛ fen nuu kʋtɔ kʋmaa mʋ nɩɩ ba sa fanɛ. Lɩɩ fɛɛ osunpu kʋmaa kʋkɔka dagaa mʋ. Fan man ba fen loo fen loo akpaara‐akpaara sʋ.

Luka 12:42

Nɩɩ Ɔnyɩrɩpɛ lɛɛ kɔnɔ yɛ, “Anɩmʋ bɩrɛ ɩ gyɛ kɩyaafɔlɛ mʋ nɩɩ ɔ sʋ kesintin yɛ kanyaasɩn? Mʋ ɩ gyɛ ɔmʋnɩ mʋ‐nyɩrɩpɛ taa mʋ ayaafɔlɛ waa mʋ abaa tɔ, yɛ ɔ sa bamʋ agyitɔ saŋa mʋ nɩɩ ɩ dagaa.

Luka 8:3

yɛ Gyowana mʋ nɩɩ mu‐kuli ɩ gyɛ Kyusa. Mʋ ɩ gyɛ owura Herodi kɩkpaara sʋ ɔkɩɩsʋpʋ ɔbɩlɩsa mʋ, yɛ Susana yɛ akʋ. Akyɩɩ anɩmʋ ɩ sʋ bamʋ gbaa‐gbaa atɔ bɛɛ kyɛ Yesu maa mʋ abɩɩlapʋ tɔ.

2 Ko 5:10

Lɩɩ fɛɛ ɩ dan ɩ dɛ nɩn yɛ, anɛ kpini an biti an naa yɩlɛ Krisito kuwura‐gyii asɩn ogyikpa, kɛ ɔkʋmaa nɩmʋ ɔ nyɛ katalɛ lɩɩ kʋtɔ kʋmaa mʋ nɩɩ ɔ waa saŋa mʋ nɩɩ ɔ bʋ kayɩɩ‐wʋlɛ tɔ mʋ. Alibi nɩn‐oo, adanbɩrasa nɩn‐oo, ee biti ɔ nyɛ kʋkɔka mʋ nɩɩ ɩ dagaa mʋ.

Titusi 1:7

Fɛɛ ɔbɩlɩsa maa gyɛ Krisito kʋbʋ ɔkɩɩsʋpʋ mʋ, ɩ dagaa maa gyɛ ɔsa mʋ nɩɩ mʋ n‐yɩɩ sʋ man sʋ asɩn pwɩɩsa, nɩɩ ɔ mɛɛ kʋsaa mʋ n‐yɩɩ, nɩɩ ɔ mɛɛ nyɛ agbʋ benbilen, nɩɩ ɔ mɛɛ bʋʋ nta, nɩɩ ɔ man gyɛ oluu bitipu, nɩɩ ɔ man sʋ onsi‐payɩ libi afulee sʋ.

Hibriwu abi 9:28

Ɔkpa kʋlʋn maŋa sʋ nɩɩ Krisito ba wu kɩlɩɩ kʋlʋn kakpaa, kɛ ɔ lɛɛ asa gaalaagaa alibi. Nɩɩ ee biti o bwii ba kɩnyɔsapʋ, yɛgɛ ɩ man gyɛ alibi kɩlɛɛ sʋ nɩɩ ɛɛ ba. Amaa ee biti ɔ ba mɔlɩgɛ bamʋ nɩɩ ba kʋʋla bee gyoo mʋ mʋ.

1 Pi 4:10

Ɩbwaarɛ sa ɔkʋmaa nɩmʋ kabwaarɛ‐sun tɔ kakɛɛ kʋkwɩɩ‐kʋkwɩɩ. Nɩɩ ɩ dagaa fɛɛ ɔkʋmaa nɩmʋ maa kɩɩ kakɛɛ mʋ nɩɩ Ɩbwaarɛ taa sa mʋ mʋ sʋ, kɛ ɔ taa kyɛ mʋ bɩrɩsa ana tɔ.