Matiwu 18:9 - Nawuri

⁹ Nɩɩ fu kinsi ɩɩ yɛgɛ nɩɩ fʋ waa alibi mʋ, kyɔlɛ kɩmʋ tʋʋ. Ɩ bʋrɔn sa fʋ fɛɛ fʋ maa taa kinsi kʋlʋn loo nkpa kakpaa tɔ, ɩ kyɔ fʋ maa sʋ ansi anyɔ kɛ ba taa fʋ tʋʋ awʋrʋfɔ fʋlɔn yen‐yen tɔ.”

Matiwu 18:9 Iomraidhean Croise

Matiwu 16:26

Nɩɩ nyɩmɩsa kan nyɛ dulinyaa tɔ kʋtɔ kʋmaa, nɩɩ ɔ pan mʋ nkpa mʋ, mɩnɛ tɔnɔ nɩɩ ɔ nyɛ? Abɛɛ mɩnɛ nɩɩ nyɩmɩsa ɩ taalɛ taa kyɛrɛ mʋ nkpa?

Matiwu 18:8

Nɩɩ fʋ kɩbaa abɛɛ fʋ kɩyaa ɩɩ yɛgɛ nɩɩ fɩɩ waa alibi mʋ, tɩn kɩmʋ tʋʋ. Ɩ bʋrɔn sa fʋ fɛɛ fʋ maa taa kɩbaa abɛɛ kɩyaa dɩyɛ loo nkpa kakpaa tɔ, ɩ kyɔ fʋ maa sʋ abaa anyɔ yɛ ayaa anyɔ kɛ ba taa fʋ tʋʋ fʋlɔn mʋ nɩɩ ki mee dun kakaakʋ mʋ tɔ.

Matiwu 19:17

Yesu lɛɛ kɔnɔ yɛ, “Mɩnɛ sʋ nɩɩ fɩɩ taasɛ mɛ kʋtɔ mʋ nɩɩ kɩ bʋrɔn sʋ? Ɔkʋ man gyɛ ɔdanbɩrasa, amɔɔ Ɩbwaarɛ nkʋn. Nɩɩ fii biti fʋ nyɛ nkpa kakpaa mʋ, buu Mosesi nbara mʋ.”

Matiwu 5:22

Amaa n tɔwɛ fanɛ yɛ, ɔkʋmaa mʋ nɩɩ ɔ nyɛ agbʋ waa mʋ tɔmaa mʋ, bee biti ba bun mʋ kʋpwɛ. Nɩɩ ɔkʋmaa mʋ nɩɩ ɔ saalɛ mʋ tɔɔmaa yɛ ɔ man bʋ sɛhn tɔ mʋ, ee biti ɔ nyɛ asɩn Gyiwu kʋbʋ‐kʋbʋ abɩlɩsa mʋ nɩɩ bɛɛ tɩɩ yɛ Sanhediri mu ansi. Nɩɩ ɔkʋmaa mʋ nɩɩ ɔ saalɛ mʋ tɔɔmaa yɛ, ‘Fʋ omelensipu nɩmʋ’ mʋ, ii biti o loo awʋrʋfɔ fʋlɔn yen‐yen tɔ.

Matiwu 5:29

Ɩmʋ sʋ nɩɩ fu gyisa kinsi kii biti kɩ yɛgɛ kɛ fʋ waa alibi mʋ, kyɔlɛ kɩmʋ fɔyɩ. Ɩ bʋrɔn sa fʋ fɛɛ fʋ maa pan fʋ katɩn kʋ, ɩ kyɔ fɛɛ ba maa taa fʋ n‐yɩɩ kpini naa tʋʋ awʋrʋfɔ fʋlɔn yen‐yen tɔ.

Maki 9:47

“Nɩɩ fu kinsi kɩ kan kɩɩ yɛgɛ nɩɩ fɩɩ waa alibi mʋ, kyɔlɛ kɩmʋ tʋʋ. Ɩ bɔ sa fʋ fɛɛ fʋ maa taa kinsi kʋlʋn kpee Ɩbwaarɛ ayɛ, ɩ kyɔ fɛɛ fʋ maa taa ansi anyɔ naa loo awʋrʋfɔ tɔ kakpaa.

Krisito Asunpu mʋ kusun 14:22

Ba tɔwɛ waa Yesu abɩɩlapʋ mʋ, waa bamʋ ɔlʋn tɔ fɛɛ ba yɩlɛ kɩkɔɔlɛ‐gyii tɔ, nɩɩ ɔ bɩla tɔwɛ yɛ, pɔyɩ kɛ ba nyɛ Ɩbwaarɛ kuwura‐gyii mʋ tɔ loo mʋ, ɩ dagaa ba maa gyii awʋrʋfɔ.

Hibriwu abi 4:11

Ɩmʋ sʋ fan yɛgɛ a kpan anɛ n‐yɩɩ ɔkpa kʋmaa sʋ, kɛ a loo kanɩn opula fʋʋtɛkpa mʋ tɔ, kɛ ɩ man nyɛ ba fɛɛ fanɛ tɔ ɔkʋ ɔ waa kʋsʋ tɔ ɔlʋn, kɛ ɔ fɔyɩ ɔkpa naa lɩɩ tɩyɛ fɛɛ bamʋ mʋ.

Asɩnlɛɛ kaapʋsa 21:27

Amaa ineesi atɔ akʋ abɛɛ ɔkʋmaa mʋ nɩɩ ɛɛ waa ipeeli‐sɩn abɛɛ ɛɛ tɩn atɩŋɛsa, mɛɛ yɛ ɔ nyɛ loo tʋtɔ. Amɔɔ bamʋ nɩɩ ba kyʋrɔɔ bamʋ atɩɩ waa Kabʋlʋpʋ mʋ nkpa ɔwʋlɛ mʋ tɔ nkʋn ii biti ba nyɛ loo tʋtɔ.