Matiwu 18:24 - Nawuri

²⁴ Maa piili ɛɛ taasɛ mʋ akɔ mʋ, nɩɩ ba taa ɔnyɩn kʋ bɩya mʋ. Ɔnyɩn mʋ sʋ owura mʋ kʋkɔ afulee nderebi ngbɩn‐ngbɩn.

Matiwu 18:24 Iomraidhean Croise

Matiwu 18:23

“Lɩɩ fɛɛ sʋsʋ kuwura‐gyii mʋ du nɩn fɛɛ owura kʋ maa biti mʋ ayaafɔlɛ ba ba kaapʋ mʋ akɔ mʋ nɩɩ ba sʋ mʋ.

Matiwu 18:25

Maa man taalɛ ka mʋ, nɩɩ mʋ owura mʋ yɛ, ba taa maa mʋ‐ka yɛ mu‐bii ana yɛ kʋtɔ kʋmaa mʋ nɩɩ ɔ sʋ mʋ naa fɛ kɛ ba ba ka kʋkɔ mʋ.

Matiwu 25:15

Ɔ sa bamʋ kanan mʋ nɩɩ ɔkʋmaa nɩmʋ ɔlʋn du. Ɔ sa ɔkʋ afulee ngbɩn nnuu, nɩɩ ɔ sa ɔkʋ mɔɔ afulee ngbɩn nnyɔ, lan sa ɔkʋ mɔɔ afulee kagbɩn kʋlʋn, nɩɩ ɔ kyʋn mʋ ɔkpa.

Matiwu 25:16

Nɩɩ kɩyaafɔlɛ mʋ nɩɩ ɔ nyɛ afulee ngbɩn nnuu mʋ taa piili kusun opula tɔ, nɩɩ ɔ nyɛ agyaga ngbɩn nnuu tii sʋ.

Matiwu 25:20

Kɩyaafɔlɛ mʋ nɩɩ ɔ sa mu afulee ngbɩn nnuu mʋ loo ba, nɩɩ ɔ taa ngbɩn nnuu tii sʋ sa mʋ. Nɩɩ ɔ tɔwɛ yɛ, ‘Mɛ‐nyɩrɩpɛ, fʋ taa ngbɩn nnuu nɩn sa mɛ. Kɩɩ, n nyɛ agyaga ngbɩn nnuu tii sʋ.’

Matiwu 25:22

“Nɩɩ kɩyaafɔlɛ mʋ nɩɩ ɔ sa mʋ ngbɩn nnyɔ mʋ gbaa ba, nɩɩ ɔ tɔwɛ yɛ, ‘Mɛ‐nyɩrɩpɛ, fʋ taa ngbɩn nnyɔ nɩɩ waa mɛ abaa tɔ, kɩɩ, n nyɛ agyaga ngbɩn nnyɔ tii sʋ.’

Matiwu 25:24

“Tʋtɔ nɩɩ kɩyaafɔlɛ mʋ nɩɩ ɔ nyɛ kagbɩn kʋlʋn mʋ ba, nɩɩ ɔ yɛ, ‘Mɛ‐nyɩrɩpɛ, n nyi fʋ asɩn ɩ maa bʋlʋn, nɩɩ fɩɩ tɩŋɛ katɩn mʋ nɩɩ fʋ man duu, nɩɩ fɩɩ kʋʋla fɩɩ waa ɩbɔɔta tɔ, ɩmʋ nɩɩ fʋ man kyaalɛ.

Luka 13:4

Abɛɛ asa kudu aburuwa mʋ nɩɩ Silon kɩbansʋrʋ kyɩna tɩyɛ bamʋ sʋ nɩɩ ba wu mʋ, ɩɩ kaapʋ fɛɛ bamʋ ɩ kyɩna waa alibi ba kyɔ asa mʋ nɩɩ ba bʋ Gyerusalem kpini saŋa maŋa?

Luka 16:5

“Ɩmʋ sʋ ɔ tɩɩ mʋ‐nyɩrɩpɛ akɔ wuya ana nɩɩ ɔ taasɛ ɔgyankpaapʋ mʋ yɛ, ‘Mɛ‐nyɩrɩpɛ kʋkɔ afɩnɛ nɩɩ fʋ sʋ?’

Luka 16:7

“Nɩɩ ɔ taasɛ ɔnyɔsapʋ mʋ yɛ, ‘Afɩnɛ kʋkɔ nɩɩ fʋ sʋ?’ Nɩɩ ɔ lɛɛ kɔnɔ yɛ, ‘Akyembee ɩbɔɔta kagbɩn kʋlʋn.’ “Nɩɩ ɔ tɔwɛ mʋ yɛ, ‘Kɔɔlɛ fʋ ɔwʋlɛ kɛ fʋ kyʋrɔɔ aduburuwa.’