Matiwu 11:6 - Nawuri

⁶ Kusee ɩ gyɛ sa ɔsa mʋ nɩɩ ɔ man yɛgɛ mɛ kɩkɔɔlɛ‐gyii.”

Matiwu 11:6 Iomraidhean Croise

Matiwu 13:21

Amaa ɩ maa man loo bamʋ nkɔlɔ tɔ kyɛɛkyɛɛ sʋ mʋ, asɩn mʋ mɛɛ kyɛɛrɛɛ bamʋ tɔ. Ɩmʋ sʋ nɩɩ awʋrʋfɔ abɛɛ kanyanla dan ɩ ba bamʋ sʋ lɩɩ asɩn mʋ sʋ mʋ, opula tɔ nɩɩ bɛɛ tɩyɛ lɩɩ bamʋ kɩkɔɔlɛ‐gyii tɔ.

Matiwu 18:7

“Dulinya nɩmʋ tɔ asa, bamʋ laakʋ! Lɩɩ fɛɛ atɔ mʋ nɩɩ ɩ yɛgɛ nɩɩ bɛɛ tɩyɛ bamʋ kɩkɔɔlɛ gyii tɔ mʋ, ɩ nyɛ akyɔ. Falɛ atɔ ii biti ɩ ba, amaa ɔkʋmaa mʋ nɩɩ ɩɩ bɔla mʋ sʋ ba mʋ, mʋ laakʋ.

Matiwu 24:10

Kanɩn saŋa maŋa asa gaalaagaa bee biti ba biliŋi lɩɩ kɩkɔɔlɛ mɛ gyii tɔ, kɛ ba lɛɛ abaa sa kɛ ba kisi abaa,

Matiwu 26:31

Nɩɩ Yesu tɔwɛ bamʋ yɛ, “Kagyanbwɛ nɩmʋ fanɛ kpini fen biti fan sɩlɛ yɛgɛ mɛ, fɛɛ kanan mʋ nɩɩ ba kyʋrɔɔ waa Asɩnkyan yɩlasa mʋ tɔ yɛ, ‘N biti n mɔɔ nbʋlʋpʋ ɔkpapʋ mʋ, kɛ nbʋlʋpʋ mʋ ba yaasɛ tɔ.’

Matiwu 5:29

Ɩmʋ sʋ nɩɩ fu gyisa kinsi kii biti kɩ yɛgɛ kɛ fʋ waa alibi mʋ, kyɔlɛ kɩmʋ fɔyɩ. Ɩ bʋrɔn sa fʋ fɛɛ fʋ maa pan fʋ katɩn kʋ, ɩ kyɔ fɛɛ ba maa taa fʋ n‐yɩɩ kpini naa tʋʋ awʋrʋfɔ fʋlɔn yen‐yen tɔ.

Maki 6:3

Man gyɛ kapinta mʋ ndee? Man gyɛ Mɛɛrɩ mu‐bii mʋ nɩn? Man gyɛ mu‐supu ana ɩ gyɛ Gyemisi yɛ Gyosefu yɛ Gyuda yɛ Simon? Man gyɛ anaa mʋ‐pɩɩkyɩɩ ana ɩ bʋ nfɩɩ?” Nɩɩ ba kina kɩkɔɔlɛ mʋ.

Luka 2:34

Nɩɩ Simeyon waa Mɛɛrɩ maa Gyosefu kusee, nɩɩ ɔ tɔwɛ Mɛɛrɩ yɛ, “Ɩbwaarɛ lɛɛ kebii nɩmʋ nɩn, yɛ kpalɩ mʋ sʋ mʋ, Ɩsɩrayɩ abi gaalaagaa bee biti ba tɩyɛ, kɛ akʋ mɔɔ ba nyɛ kamɔlɩgɛ. Mʋ ii biti ɔ lɛɛ Ɩbwaarɛ asɩn mʋ kaapʋ, kɛ asa ba gyii ɩmʋ ɩmɔɔrɛ.

Luka 7:23

Fan bɩla tɔwɛ mʋ yɛ, kusee ɩ gyɛ sa ɔsa kʋmaa mʋ nɩɩ ɔ san ɔ sʋ kɩkɔɔlɛ‐gyii mɛ tɔ.”

Gyɔn 16:1

“N tɔwɛ fanɛ ɩnɩmʋ kpini nɩn, kɛ fan man nyɛ yɛgɛ fanɛ kɩkɔɔlɛ‐gyii mʋ tɔ.

Gyɔn 6:66

Lɩɩ kanɩn saŋa maŋa mʋ, nɩɩ mʋ abɩɩlapʋ gaalaagaa ba bwii kamaa, nɩɩ ba man bɩla buu mʋ.

1 Ko 2:14

Amaa ɔsa kʋmaa mʋ nɩɩ ɔ man sʋ Ɩbwaarɛ Kayaayu mʋ, mɛɛ yɛ ɔ taalɛ kɔɔlɛ atɔ mʋ nɩɩ ɩɩ lɩɩ Ɩbwaarɛ Kayaayu mʋ asɛ mʋ kyula. Asɩn mʋ ɩ gyɛ amelensi‐sɩn sa ɔsa mʋ, ɔ mɛɛ yɛ ɔ taalɛ nu ɩmʋ kasɛ, lɩɩ fɛɛ Ɩbwaarɛ Kayaayu mʋ nkʋn ɩɩ yɛgɛ nɩɩ asa bee nu ɩmʋ kasɛ.

Galati abi 5:11

Mɛ‐daa ana yɛ mi‐supu ana, nɩɩ n kan n kaapʋ yɛ iduu kɩtɩn ɩ gyɛ asɩn tirisa nɩn, naafɔɔ mɩnɛ ɩ waa sʋ nɩɩ Gyiwu abi ba san bɛɛ nyanla mɛ? Nɩɩ ɩ daa ɩ gyɛ kanɩn nɩn, naafɔɔ Krisito kiwu oyu laasa sʋ asɩn mʋ, man dɩn bɩya asɩn kʋ.

1 Pi 2:8

Nɩɩ ɔ bɩla tɔwɛ yɛ “Kubuu maŋa kɩɩ yɛgɛ bamʋ nɩɩ ba man kɔɔlɛ gyii mʋ bee siti, nɩɩ kɩ bɩla kɩ gyɛ kɩfʋlɛ‐buu mʋ nɩɩ kɩ yɛgɛ nɩɩ bɛɛ lɩɩ tɩyɛ.” Bee siti lɩɩ fɛɛ ba maa man nu abwaarɛsɩn mʋ, nɩɩ kanɩn nɩɩ Ɩbwaarɛ wʋla ŋmina yɩla sa bamʋ.