Matiwu 11:27 - Nawuri

²⁷ “Mɛ‐Sɛ taa kʋtɔ kʋmaa nɩmʋ waa mɛ abaa tɔ. Ɔkʋ man nyi obii mʋ amɔɔ Ɔsɛ mʋ, nɩɩ ɔkʋ man nyi Ɔsɛ mʋ amɔɔ Obii mʋ, yɛ bamʋ nɩɩ Obii mʋ ii biti ɔ lɛɛ mʋ kaapʋ bamʋ mʋ.

Matiwu 11:27 Iomraidhean Croise

Matiwu 28:18

Nɩɩ Yesu nin tiri bamʋ, tɔwɛ yɛ, “Ɩbwaarɛ taa sʋsʋ yɛ kasɛ sʋ ɔlʋn kpini sa mɛ.

Luka 10:22

“Mɛ‐Sɛ taa atɔ nɩmʋ kpini waa mɛ kɩbaa tɔ. Ɔkʋ mee nyi ɔmʋ nɩɩ mɛ, Obii mʋ n gyɛ, amɔɔ Ɔsɛ mʋ nkʋn, nɩɩ ɔkʋ mee nyi Ɔsɛ mʋ, amɔɔ bamʋ nɩɩ n biti n lɛɛ kaapʋ bamʋ mʋ nkʋn i nyi Ɔsɛ mʋ.”

Gyɔn 1:18

Nɩɩ ɔkʋ man pɩɩta wu Ɩbwaarɛ kakaakʋ, amɔɔ mu‐bii kʋlʋn mʋ nɩɩ ngbaa mʋ ɔ gyɛ Ɩbwaarɛ, nɩɩ ɔ bʋ Ɩbwaarɛ asɛ mʋ, ɩ lɛɛ Ɩbwaarɛ kedubi kaapʋ.

Gyɔn 10:15

Fɛɛ kanan mʋ nɩɩ Mɛ‐Sɛ mu nyi mɛ, nɩɩ ngbaa mɛ n nyi Mɛ‐Sɛ mʋ, ɩmʋ sʋ nɩɩ n biti n taa mɛ nkpa sa mɛ nbʋlʋpʋ mʋ halɩɩ lewu tɔ.

Gyɔn 13:3

Yesu nyi Mʋ‐sɛ maa taa kʋtɔ kʋmaa waa mʋ kɩbaa tɔ, nɩɩ o nyi maa lɩɩ Ɩbwaarɛ asɛ nɩn, nɩɩ mʋ asɛ nɩɩ ee biti o bwii kpee.

Gyɔn 17:6

Nɩɩ Yesu kyaga sʋ yɛ, “N lɛɛ fu kedubi kaapʋ bamʋ nɩɩ fʋ lɛɛ bamʋ lɩɩ dulinyaa nɩmʋ tɔ sa mɛ mʋ. Ba daa ba gyɛ fʋ lɛɛ nɩn, nɩɩ fʋ taa bamʋ sa mɛ. Nɩɩ ba kɔɔlɛ fʋ asɩn mʋ nɩɩ ba buu ɩmʋ.

Gyɔn 3:35

Mɛ‐Sɛ Ɩbwaarɛ mʋ ii biti Mu‐Bii kʋlʋn mʋ, nɩɩ ɔ taa kʋtɔ kʋmaa waa mʋ kɩbaa tɔ.

Gyɔn 6:46

Ɩnɩmʋ ɩ mɛɛ kaapʋ fɛɛ ɔkʋ tee wu Mɛ‐Sɛ mʋ, amɔɔ ɔmʋ nɩɩ ɔ lɩɩ Mɛ‐Sɛ, Ɩbwaarɛ asɛ mʋ nkʋn i wu mʋ.

Gyɔn 7:29

Amaa mɛɛ mɛ n nyi mʋ, lɩɩ fɛɛ n lɩɩ mʋ asɛ, nɩɩ mʋ i sun mɛ.”

1 Pi 3:22

Yesu bwii kyʋn sʋsʋ naa kyɩna Ɩbwaarɛ gyisa sʋ, nɩɩ Ɩbwaarɛ nbɔɔ yɛ sʋsʋ awuragyi yɛ alʋlʋnpʋ kpini ba bʋ mʋ kasɛ.

1 Gy 2:23

Ɔkʋmaa mʋ nɩɩ ee kina Ɩbwaarɛ mu‐bii mʋ, ee kina Ɔsɛ Ɩbwaarɛ mʋ gbaa, amaa ɔkʋmaa mʋ nɩɩ ɛɛ kɔɔlɛ Ɩbwaarɛ mu‐bii mʋ gyii mʋ, ɛɛ kɔɔlɛ Ɔsɛ Ɩbwaarɛ mʋ gbaa ee gyii.

2 Gy 1:9

Ɔkʋmaa mʋ nɩɩ ɔ kan taa ɔ mʋ gbaa‐gbaa mʋ nfɛɛrɛ tii kʋtɔ mʋ nɩɩ Yesu kaapʋ mʋ sʋ mʋ, nɩɩ ɔ man kɔɔlɛ kʋtɔ mʋ nɩɩ Krisito kaapʋ mʋ gyii mʋ, ɔ man nyi Ɩbwaarɛ. Amaa ɔkʋmaa mʋ nɩɩ ɔ kan kɔɔlɛ kʋtɔ mʋ nɩɩ Krisito kaapʋ mʋ gyii mʋ, o nyi Ɔsɛ Ɩbwaarɛ yɛ Mu‐Bii Yesu Krisito mʋ.