Matiwu 11:14 - Nawuri

¹⁴ Nɩɩ fan kan fen biti fan kɔɔlɛ kyula mʋ, Gyɔn ɩ gyɛ Ɩbwaarɛ ɔtɔwɛpʋ Eligya mʋ nɩɩ ba tɔwɛ yɩla yɛ ee biti ɔ ba mʋ.

Matiwu 11:14 Iomraidhean Croise

Matiwu 11:13

Lɩɩ fɛɛ Ɩbwaarɛ atɔwɛpʋ mʋ yɛ nbara mʋ, ɩ wʋla tɔwɛ lɩɩ kuwura‐gyii mʋ sʋ naa fʋʋ saŋa mʋ nɩɩ Gyɔn ba.

Luka 1:17

Fu kebii Gyɔn nɩmʋ ii biti ɔ taa Kayaayu tɔ ɔlʋn gyankpaa Ɔnyɩrɩpɛ mʋ fɛɛ Ɩbwaarɛ ɔtɔwɛpʋ Eligya. Ee biti ɔ lɔŋɔ asɛ yɛ nbii bʋga tɔ, kɛ ɔ taa bamʋ nɩɩ bɛɛ waa kʋsʋ tɔ ɔlʋn mʋ, ba ba nyɛ kanyaasɩn kɛ bamʋ nfɛɛrɛ ɩ ba Ɩbwaarɛ ɩkpa kyiigisa mʋ sʋ. Ee biti ɔ waa ɩnɩmʋ lɔŋɔ asa mʋ gyoo Ɔnyɩrɩpɛ.”

Gyɔn 16:12

“N sʋ asɩn kʋkyɔ n tɔwɛ fanɛ, amaa fan mɛɛ taalɛ kɩtaa ɩmʋ kpini nbɩɩnbɩɩ nɩmʋ.

1 Ko 3:2

Kanɩn sʋ man gyɛ agyitɔ budusa nɩɩ n taa sa fanɛ, amaa kɩnyapʋ‐kyu nɩɩ n taa sa fanɛ. Lɩɩ fɛɛ kanɩn saŋa maŋa mʋ, fan man pɩɩta dan fʋʋ agyitɔ maŋa kigyii, nɩɩ halɩɩ ba lɩɩ ndaga gbaa mʋ fan man pɩɩta fʋʋ ɩmʋ kigyii.

Asɩnlɛɛ kaapʋsa 20:4

Nɩɩ n wu nwuragya, nɩɩ bamʋ nɩɩ ba tɛ ɩmʋ sʋ mʋ ɩ gyɛ bamʋ nɩɩ Ɩbwaarɛ taa kasɛ sʋ asɩn kigyii mʋ ɔlʋn waa bamʋ abaa tɔ. Nɩɩ n bɩla wu asa mʋ nɩɩ ba lɛɛ Yesu asɩn mʋ kaapʋ tɔ mʋ, yɛ bamʋ nɩɩ ba tɔwɛ Ɩbwaarɛ asɩn nɩɩ ba tɩŋɛ bamʋ amu mʋ, bamʋ kala ana. Asa maŋa ba man sun kadʋnbwɛ mʋ abɛɛ mʋ apɔyɩtɔ ɔdakpa mʋ, nɩɩ ba man kɔɔlɛ mʋ kakyʋlɛ mʋ bamʋ asɩkpɩɩ sʋ abɛɛ bamʋ abaa sʋ. Nɩɩ falɛ asa nɩmʋ ba bwii ba kyɩna nkpa tɔ nɩɩ ba maa Yesu ba gyii kuwura nsu kagbɩn.