Matiwu 10:15 - Nawuri

¹⁵ N tɔwɛ fanɛ kesintin fɛɛ, kakɛ mʋ nɩɩ Ɩbwaarɛ ii biti o be gyii asa asɩn mʋ, Sodom maa Gomora abi kʋsʋ bɩɩtɛ gbaa ii biti ɩ baa ɩ bɔ bamʋ lɛɛ.

Matiwu 10:15 Iomraidhean Croise

Matiwu 12:36

Amaa n tɔwɛ fanɛ fɛɛ, katɔwɛ gyaga kʋmaa mʋ nɩɩ ɔsa kʋmaa nɩmʋ tɔwɛ mʋ, ee biti ɔ lɛɛ kɩmʋ kɔnɔ Ɩbwaarɛ ansi tɔ, kakɛ mʋ nɩɩ Ɩbwaarɛ ii biti ɔ talɛ asa mʋ.

Matiwu 5:18

N tɔwɛ fanɛ kesintin yɛ, naa fʋʋ saŋa mʋ nɩɩ sʋsʋ yɛ kasɛ ii biti i muuri mʋ, halɩɩ nbara mʋ tɔ kʋkyʋrɔɔ‐bi pii gbaa, abɛɛ ɩmʋ kitobi mɛɛ yɛ ɩ kɔɔgɛ sʋ, amɔɔ kʋtɔ kʋmaa ii biti ɩ ba tɔ.

Matiwu 7:22

Ɩbwaarɛ kakɛ talɛsa maŋa kan fʋʋ mʋ, asa gaalaagaa bee biti ba tɔwɛ mɛ yɛ ‘Ɔnyɩrɩpɛ, Ɔnyɩrɩpɛ, an bɔla fʋ kɩtɩɩ sʋ tɔwɛ abwaarɛsɩn sa asa, nɩɩ lɩɩ fʋ kɩtɩɩ tɔ sʋ mʋ an gya nbwɩɩ libi, nɩɩ an waa asɩn kyinkyinsa gaalaagaa.’

Maki 6:11

Nɩɩ fan kan kpee kadɛ kʋ tɔ, nɩɩ ɔkʋ man kɔɔlɛ fanɛ abɛɛ nu fanɛ asɛ mʋ, nɩɩ fan kan fɛn lɩɩ kanɩn kadɛ maŋa tɔ mʋ, fan kpɩkpaa fanɛ ayaa tɔ ɩsɛ wʋrɩgɛ tʋtɔ, kɛ ɩmʋ ii biti i gyii bamʋ.”

Gyɔn 12:48

Ɔsa kʋmaa mʋ nɩɩ o kina mɛ, nɩɩ ɔ man kɔɔlɛ mɛ asɩn mʋ, wʋla nyɛ ɔmʋ nɩɩ ee biti o bun mʋ kʋpwɛ. Nɩɩ asɩn mʋ nɩɩ n tɔwɛ mʋ ii biti i bun mʋ kʋpwɛ kakɛ laalaalʋwɛ mʋ.

Gyɔn 6:39

Ɔmʋ nɩɩ o sun mɛ mʋ kebiti ɩ gyɛ fɛɛ, bamʋ nɩɩ ɔ taa bamʋ sa mɛ mʋ kpini, bamʋ tɔ ɔkʋlʋn gbaa ɔ man fɔyɩ. Amaa n biti n kyiŋi bamʋ ba nkpa tɔ kakɛ laalaalʋwɛ mʋ.

Gyɔn 6:40

Lɩɩ fɛɛ Mɛ‐Sɛ kebiti ɩ gyɛ fɛɛ, ɔkʋmaa mʋ nɩɩ o wu mɛ, Mu‐Bii mʋ, nɩɩ ɔ kɔɔlɛ mɛ gyii mʋ ɩɩ nyɛ nkpa kakpaa. Nɩɩ n biti n kyiŋi mʋ lɩɩ lewu tɔ ba nkpa tɔ kakɛ laalaalʋwɛ mʋ.”

Krisito Asunpu mʋ kusun 17:31

Lɩɩ fɛɛ ɔ lɛɛ kakɛ yɩla mʋ nɩɩ ee biti ɔ bɔla ɔnyɩn mʋ nɩɩ ɔ wʋla lɛɛ mʋ kɛ ɔ talɛ ɔkʋmaa nɩmʋ kesintin ɔkpa sʋ. O kyiŋi kanɩn nyɩmɩsa maŋa lɩɩ lewu tɔ, waa kanɩn kaapʋ sa asa kpini yɛ ɩnɩmʋ ii biti ɩ waa.”

1 Ko 3:13

Ɔkʋmaa nɩmʋ kusun mʋ nɩɩ o sun sa Ɩbwaarɛ mʋ, ii biti ɩ lɩɩ ifuli. Lɩɩ fɛɛ Krisito kakɛ lala mʋ nɩɩ ee biti o bwii ba mʋ, ii biti ɩ lɛɛ ɔkʋmaa nɩmʋ kusun kudubi kaapʋ. Fʋlɔn ii biti ɔ ba lɛɛ ɔkʋmaa nɩmʋ kusun kaapʋ, kɛ ɩ kaala kusun mʋ nɩɩ ɔkʋmaa nɩmʋ waa sa Ɩbwaarɛ mʋ, ɔ dan kɩɩ.

1 Te 5:4

Amaa fanɛ akɔɔlɛ‐gyipu bɩrɛ, fan man bʋ kitentenbiri tɔ, kɛ kanɩn kakɛ maŋa kɩ ba purigi fanɛ fɛɛ oyu mʋ.

Hibriwu abi 10:25

Fan man yɛgɛ kɛ a yɛgɛ kɩgyaŋɛ bʋga, fɛɛ kanan mʋ nɩɩ akʋ ba mɛɛ gyaŋɛ bɛɛ bʋga mʋ, amaa fan yɛgɛ a waa abaa aniya tɔ, fɛɛ fan maa kɩɩ wu fɛɛ Ɔnyɩrɩpɛ Yesu Kakɛ lala mʋ kii biti kɩ ba mʋ ki tiri tɔ.

2 Pi 2:6

Fɛɛ nɩɩ Ɩbwaarɛ maa man yɛgɛ alibi awaapʋ mʋ nɩɩ ba bʋ Sodom yɛ Gomora ndɛ lala mʋ tɔ kʋsʋ bɩɩtɛ, amaa ɔ yɛgɛ fʋlɔn dɛɛ bamʋ biliŋi ndaara, kɛ ɩ waa sɩnkaala sa kamaa tɔ alibi awaapʋ.

2 Pi 2:9

Ɩnɩmʋ kpini ɩɩ kaapʋ fɛɛ Ɩbwaarɛ nyi kanan mʋ nɩɩ ee biti ɔ mɔlɩgɛ asa mʋ nɩɩ bee nu mʋ asɛ lɩɩ bamʋ kʋtʋʋ tɔ kɩɩ tɔ, kɛ ɔ yɛgɛ alibi awaapʋ mʋ kʋsʋ bɩɩtɛ yɩla naa fʋʋ Kakɛ talɛsa mʋ akɛ.

2 Pi 3:7

Amaa kanɩn Ɩbwaarɛ kɔnɔ tɔ asɩn kʋlʋn maŋa nɩɩ ɔ taa kʋʋla nbɩɩnbɩɩ sʋsʋ yɛ kasɛ yɩla, nɩɩ ɩ dɛ i gyoo fʋlɔn mʋ nɩɩ Ɩbwaarɛ dɛɛla sa Kakɛ talɛsa ɔ taa nyita asa mʋ nɩɩ be mee nu mʋ asɛ mʋ.

1 Gy 4:17

Nɩɩ ɔkpa nɩmʋ sʋ nɩɩ kebiti kɩ lɛɛ kaapʋ anɛ tɔ kyɛɛkyɛɛ, nɩɩ ɩmʋ sʋ nɩɩ an sʋ tamaa fɛɛ kakɛ mʋ nɩɩ Ɩbwaarɛ ii biti ɔ ba talɛ asa mʋ, an taalɛ yɩlɛ tɔ, lɩɩ fɛɛ dulinyaa nɩmʋ tɔ mʋ an du fɛɛ mʋ.

Gyudi 1:6

Fan nyiŋi fɛɛ Ɩbwaarɛ nbɔɔ mʋ nɩɩ ba man kɩtaa bamʋ kɩbɩlɩsa kigyii yɛ bamʋ ɩyɩlɛkpa, amaa ba kina bamʋ ɩkyɩnakpa mʋ nɩɩ Ɩbwaarɛ sa bamʋ mʋ, Ɩbwaarɛ ŋmina bamʋ agbeeleebi kakpaa yɩla kitentenbiri naa fʋʋ katalɛ Kakɛ lala mʋ.

Gyudi 1:7

Kanɩn maŋa nɩɩ fan nyiŋi Sodom yɛ Gomora ndɛ, yɛ ndɛ mʋ nɩɩ ɩ kyaabɔɔ ɩmʋ mʋ. Ba daa kyɩna waa kakyɩɩ yɛ kanyɩn biti kɩgyagaa yɛ agyaga‐sɩn kɩbansa, nɩɩ Ɩbwaarɛ taa fʋlɔn muuri bamʋ. Ndɛ maŋa tɔ asa gbaa be du nɩn fɛɛ Ɩbwaarɛ nbɔɔ mʋ nɩɩ ba taa bamʋ n‐yɩɩ waa agyaga‐sɩn kayalaga. Ɩnɩmʋ ɩ gyɛ sɩnkaala sa alibi awaapʋ kpini fɛɛ bee biti ba loo awʋrʋfɔ fʋlɔn yen‐yen mʋ nɩɩ i mee dun kakpaa mʋ tɔ.