Luka 2:1 - Nawuri

¹ Kanɩn nkɛ maŋa tɔ mʋ, Owura Kasaro Agusitu sa kɔnɔ yii sʋ tɔwɛ yɛ, ɔkʋmaa mʋ nɩɩ ɔ bʋ Roma kuwura‐gyii kasɛ mʋ kpini ɔ naa kyʋrɔɔ mʋ kɩtɩɩ kɛ ba kalɛ mʋ.

Luka 2:1 Iomraidhean Croise

Matiwu 22:17

Ɩmʋ sʋ an biti a nu lɩɩ fʋ asɛ yɛ, ɩ dɛ ɔkpa fɛɛ a ka lenpoo sa Roma abi Owura Kasaro, abɛɛ a man ka?”

Matiwu 24:14

Nɩɩ asa bee biti ba tɔwɛ Ɩbwaarɛ asɩn danbɩrasa nɩmʋ lɩɩ mu kuwura‐gyii mʋ sʋ dulinyaa tɔ kpini, kɛ ndɛndɛmandɛ kpini ba nu ɩmʋ, pɔyɩ kɛ laalaalʋwɛ mʋ ɔ baa.

Maki 14:9

N tɔwɛ fanɛ nɩmʋ, dulinyaa tɔ katɩn kʋmaa mʋ nɩɩ bee biti ba tɔwɛ asɩn danbɩrasa mʋ, bee biti ba tɔwɛ kʋtɔ mʋ nɩɩ ɔ waa falɛ taa nyiŋi mʋ.”

Maki 16:15

Nɩɩ Yesu tɔwɛ bamʋ yɛ, “Fan kpee dulinyaa tɔ katɩn kʋmaa naa tɔwɛ asɩn danbɩrasa mʋ sa daadimaadi.

Luka 2:3

Kanɩn sʋ ɔkʋmaa nɩmʋ kpee mʋ kadɛ tɔ kɛ ɔ naa kyʋrɔɔ mʋ kɩtɩɩ.

Luka 2:5

Gyosefu taa Mɛɛrɩ mʋ nɩɩ ɔ da mʋ kɔkɔlɔ sʋ yɛ ee biti o kili mʋ mʋ, nɩɩ ba kpee Betilehem ba naa kyʋrɔɔ bamʋ atɩɩ. Kanɩn saŋa maŋa mʋ Mɛɛrɩ sʋ ɔtɔ.

Luka 3:1

Saŋa mʋ nɩɩ Tiberiyu kyɩna ɔ gyɛ Roma ɔsʋwʋlɛ sʋ owura lala nsu kudu anusapu mʋ, saŋa maŋa tɔ mʋ Pontiyu Paleti ɩ kyɩna ɔ gyɛ Gyudeya Kuwura‐bii, nɩɩ Herodi mɔɔ gyɛ Galile Kuwura‐bii, yɛgɛ mu‐supu Filipu mɔɔ ɛɛ kɩɩ Itureya yɛ Tirakoniti ɩsʋwʋlɛ sʋ, nɩɩ Lisaniya mɔɔ ɩ gyɛ Abilene ɔsʋwʋlɛ sʋ Kuwura‐bii.

Krisito Asunpu mʋ kusun 11:28

Bamʋ tɔ ɔkʋ mʋ nɩɩ bɛɛ tɩɩ yɛ Agabu mʋ, kʋsʋ yɩlɛ lɩɩ Kayaayu Kyɩrɛkyɩrɛ ɔlʋn tɔ sʋ tɔwɛ yɩla yɛ, akʋn lala a biti a tɛ Roma Ɩsʋwʋlɛ kpini sʋ. (Kanɩn saŋa maŋa mʋ nɩɩ Kuludi gyɛ Roma Owura lala mʋ.)

Krisito Asunpu mʋ kusun 25:11

Fɛɛ nɩɩ mɛ asɩn akʋ a bun mɛ kʋpwɛ, nɩɩ ɩ dagaa fɛɛ n wu bɩrɛ, man kina kɩmʋ. Amaa asɩn mʋ nɩɩ ba tɩn gyaga mɛ sʋ falɛ, nɩɩ ɩ man gyɛ kesintin mʋ, ɔkʋ mɛɛ taalɛ lɛɛ mɛ sa bamʋ. Ɩmʋ sʋ n biti n taa mɛ asɩn mʋ naa tʋʋ Kayisa ansi tɔ.”

Krisito Asunpu mʋ kusun 25:21

Amaa Pɔɔlɩ maa kʋlɛ fɛɛ ee biti ɔ baa o tii obu mʋ, naa fʋʋ saŋa mʋ nɩɩ Roma Owura lala Kayisa ii biti o gyii mʋ asɩn mʋ, kanɩn sʋ n kɩtaa mʋ n yɩla naa fʋʋ saŋa mʋ nɩɩ n biti n taa mʋ naa sa owura lala Kayisa.’ ”

Roma abi 1:8

Kʋtɔ mʋ nɩɩ kɩ gyankpaa mʋ ɩ gyɛ fɛɛ, fanɛ kpini sʋ mʋ, n bɔla Yesu Krisito sʋ n sʋ afwaala n sa mɛ Ɩbwaarɛ, lɩɩ fɛɛ asa bɛɛ tɔwɛ fanɛ Ɩbwaarɛ kɩkɔɔlɛ‐gyii nɩmʋ asɩn dulinyaa tɔ katɩn kʋmaa.

Filipi abi 4:22

Ɩbwaarɛ asa kpini mʋ nɩɩ ba bʋ nfɩɩ mʋ bɛɛ fwaala fanɛ, fɔnfɔn bamʋ nɩɩ ba bʋ Roma abi Owura lala kɩkpaara sʋ mʋ.