Biblia Todo Logo
Bìoball air-loidhne

- Sanasan -




Luka 10:2 - Nawuri

2 Nɩɩ ɔ bɔ bamʋ kɩŋasan yɛ, “Ndɔɔ tɔ atɔ sɔyɩsa mʋ nɩɩ ɩ dagaa a tɩŋɛ mʋ ɩ kyɔ gaa, amaa atɩŋɛpʋ mʋ ba man kyɔ. Fan kʋlɛ Ɔnyɩrɩpɛ kusun mʋ wuya, kɛ ɔ bɩya atɩŋɛpʋ ba tii su kɛ ba ba waa mu kusun mʋ.

Faic an caibideil Dèan lethbhreac




Luka 10:2
48 Iomraidhean Croise  

Nɩɩ Yesu bɩla tɔwɛ bamʋ yɛ, “Sʋsʋ kuwura‐gyii mʋ ki du nɩn fɛɛ ɔnyɩn kʋ maa kʋsʋ kakaakʋ nyenyenfuu, ɔ naa biti asa kɛ ba sun kusun mʋ ndɔɔ tɔ.


Ii biti ɩ waa nɩn fɛɛ nyɩmɩsa maa kpee ɔkpa kata, kɛ ɔ taa kʋtɔ kʋmaa waa mʋ ayaafɔlɛ abaa tɔ, nɩɩ ɔ sa ɔkʋmaa nɩmʋ mu kusun sunsa. Nɩɩ ɔ tɔwɛ kebunɔ ɔkɩɩsʋpʋ yɛ ɔ baa ɔ da sʋ.


Nɩɩ Yesu tɔwɛ bamʋ yɛ, “Fan kpee dulinyaa tɔ katɩn kʋmaa naa tɔwɛ asɩn danbɩrasa mʋ sa daadimaadi.


Nɩɩ Yesu abɩɩlapʋ ba kpee katɩn kʋmaa naa tɔwɛ asɩn danbɩrasa mʋ, yɛgɛ Ɔnyɩrɩpɛ Yesu ɔlʋn tii bamʋ sʋ, nɩɩ ba waa adangana, nɩɩ ɩ kaapʋ fɛɛ bamʋ asɩn danbɩrasa katɔwɛ mʋ ɩ gyɛ kesintin.


Yesu maa tɩɩ abɩɩlapʋ kudu‐anyɔ mʋ ba gyaŋɛ mʋ, ɔ sa bamʋ ɔlʋn nɩɩ ɔ waa bamʋ kɩnyɩn tɔ yɛ ba gya nbwɩɩ libi lɩɩ asa tɔ kɛ ba kyɛ alɔ.


Saŋa mʋ nɩɩ ba twɩɩ abuu mɔɔ Sitefen mʋ, kanyanla kɩ ba Yesu akɔɔlɛ‐gyipu mʋ sʋ, nɩɩ akʋ ba yaasɛ tɔ loo Fonesiya yɛ Sipuru yɛ Antiyoki kasɛ sʋ yɛgɛ bɛɛ tɔwɛ Yesu asɩn mʋ bɛɛ sa Gyiwu abi nkʋn.


Ba maa kyaga sʋ bee sun Ɩbwaarɛ nɩɩ bee ŋmina kɔnɔ mʋ, Kayaayu Kyɩrɛkyɩrɛ mʋ ba tɔwɛ bamʋ yɛ, “Fan lɛɛ Banabasi maa Sɔɔlɩ kɛ ba naa waa kusun mʋ nɩɩ n tɩɩ bamʋ yɛ ba ba waa mʋ.”


Nɩɩ Kayaayu Kyɩrɛkyɩrɛ maŋa ɩ kaapʋ bamʋ, nɩɩ ɔ gyankpaa bamʋ, nɩɩ ba lɩɩ tʋtɔ kpee Selusiya, nɩɩ ba bɔla nkyu sʋ kpee Sipuru kifintin sʋ.


Ɩmʋ sʋ fɛɛ kanan mʋ nɩɩ ɔkɩɩsʋpʋ ɩɩ kɩɩ mʋ nbʋlʋpʋ sʋ mʋ, fan kɩɩ fanɛ n‐yɩɩ sʋ yɛ asa mʋ nɩɩ Kayaayu Kyɩrɛkyɩrɛ mʋ taa waa fanɛ abaa tɔ, yɛ fan kɩɩ sʋ mʋ danbɩrasa. Fan bɩla Krisito abi kʋbʋ mʋ nɩɩ ɔ taa mʋ gbaa‐gbaa nkalan sɔɔ mʋ.


Nɩɩ Ɔnyɩrɩpɛ mʋ tɔwɛ mɛ yɛ, “natɛ, n biti n sun fʋ lɩɩ nfɩɩ kpee kata‐kata bamʋ nɩɩ ba man gyɛ Gyiwu abi mʋ asɛ”.’ ”


Nɩɩ bamʋ nɩɩ ba yaasɛ tɔ mʋ ba naa bɛɛ tɔwɛ Yesu asɩn danbɩrasa katɩn kʋmaa mʋ nɩɩ ba kpee mʋ.


Nɩɩ lɩɩ Krisito kʋbʋ mʋ tɔ mʋ, Ɩbwaarɛ lɛɛ akʋ, nɩɩ ɔ sa bamʋ asunsunsa. Kɩgyankpaasa mʋ ɩ gyɛ Krisito asunpu, nɩɩ kɩnyɔsapʋ mʋ ɩ gyɛ Ɩbwaarɛ atɔwɛpʋ, nɩɩ kɩsasapʋ mʋ ɩ gyɛ abwaarɛsɩn akaapʋpʋ. Nɩɩ ɔ bɩla lɛɛ adangana awaapʋ, yɛ bamʋ nɩɩ bɛɛ kyɛ alɔ, yɛ asa akyɛtɔpʋ, yɛ bamʋ nɩɩ bɛɛ kɩɩ Krisito kʋbʋ mʋ asɩn tɔ, yɛ bamʋ nɩɩ bɛɛ tɔwɛ ntɔwɛ mʋ nɩɩ be mee nu ɩmʋ kasɛ.


Amaa lɩɩ Ɩbwaarɛ kabwaala mʋ sʋ, nɩɩ n du fɛɛ kanan mʋ nɩɩ n du falɛ, nɩɩ mʋ kabwaala mʋ nɩɩ ɔ sʋ sa mɛ mʋ, man gyɛ kɩyan. Nɩɩ n ba payɩ ansi waa kusun gaa n kyɔ asunpu mʋ kpini, nɩɩ ɩ man gyɛ mɛ ɔlʋn sʋ nɩɩ n taalɛ waa kusun mʋ, amaa Ɩbwaarɛ ɔlʋn mʋ nɩɩ kɩ bʋ mɛ tɔ mʋ ɩ waa.


Fɛɛ kanan mʋ nɩɩ Ɩbwaarɛ maa anɛ an sun mu kusun mʋ, an kʋlɛ fanɛ fɛɛ Ɩbwaarɛ kabwaala mʋ nɩɩ fan nyɛ mʋ, fan man yɛgɛ ɩ waa kɩyan.


Lɩɩ fɛɛ asansa mʋ kpini bamʋ lɛɛ nkʋn nɩɩ bee biti, man gyɛ ɩmʋ nɩɩ ɩ gyɛ Yesu Krisito lɛɛ.


Amaa n fɛ nfɛɛrɛ fɛɛ ii tiri fɛɛ, n bwii sun anɛ bɩrɩsa Epafuroditu fanɛ asɛ. N maa mʋ an bʋga an waa kusun, nɩɩ an kɔ an kun asɩn danbɩrasa fanɛ asɛ. Nɩɩ mʋ ɩ bɩla ɔ gyɛ fanɛ kabɔɔ mʋ nɩɩ fan sun, nɩɩ ɔ ba kyɛ mɛ tɔ ɩmʋ nɩɩ i tiri mɛ mʋ.


lɩɩ fɛɛ ɩ san gbɛrɛɛ o wu kpalɩ Krisito kusun mʋ sʋ, nɩɩ ɔ taa mʋ nkpa taga apʋ, kyɛ mɛ tɔ lɩɩ nkyɛtɔ mʋ nɩɩ fan man taalɛ kyɛ mɛ tɔ mʋ.


Ɩnɩmʋ sʋ nɩɩ n taa ɔlʋn mʋ nɩɩ Krisito sa mɛ nɩɩ ii sun kusun mɛ tɔ mʋ, n kpan mɛ n‐yɩɩ n sun mʋ.


Epafarasi mʋ nɩɩ ɔ gyɛ fanɛ ayɛ abi nɩɩ ɔ gyɛ Yesu Krisito kɩyaafɔlɛ mʋ ɩɩ fwaala fanɛ. Saŋa kʋmaa nɩmʋ ɛɛ kʋlɛ Ɩbwaarɛ gaa ɛɛ sa fanɛ fɛɛ, ɔ waa fanɛ kɛ fan yɩlɛ tɔ kenken, kɛ fan dan kɛ fanɛ Krisito kɩkɔɔlɛ‐gyii ɩ nyɛ ilin gaa, kɛ fan waa Ɩbwaarɛ kebiti sʋ.


Mɛ‐daa ana yɛ mi‐supu ana, n kɔɔlɛ gyii fɛɛ fen nyiŋi kanan mʋ nɩɩ an waa kusun gaa saŋa mʋ nɩɩ an bʋ fanɛ asɛ mʋ. An waa kusun kakyʋwapɛ yɛ kagyanbwɛ an kɩɩ anɛ n‐yɩɩ sʋ, saŋa mʋ nɩɩ an tɔwɛ fanɛ asɩn danbɩrasa mʋ, kanan mʋ nɩɩ a man biliŋi kasʋla fanɛ ɔkʋ sʋ.


Anɛ‐daa ana yɛ anɛ‐supu ana, an kʋlɛ fanɛ fɛɛ fan taa bɛɛrɛɛ sa fanɛ agyankpaapʋ mʋ nɩɩ fanaa bamʋ fen sun Ɔnyɩrɩpɛ Yesu Krisito mʋ. Bɛɛ kpan bamʋ n‐yɩɩ bɛɛ waa kusun nɩɩ bɛɛ kaapʋ fanɛ kanan mʋ nɩɩ fan kyɩna kakyɩna danbɩrasa tɔ.


Anɛ‐daa ana yɛ anɛ‐supu ana, anɛ laalaalʋwɛ asɩn mʋ ɩ gyɛ yɛ, fan kʋlɛ kabwaarɛ kʋlɛ sa anɛ kɛ Ɔnyɩrɩpɛ asɩn mʋ ɩ nyɛ yalagɛ bilen‐bilen, kɛ ɩ nyɛ bɛɛrɛɛ lala fɛɛ kanan mʋ nɩɩ ɩ nyɛ fanɛ asɛ mʋ.


Ɩnɩmʋ sʋ an payɩ ansi an sun kusun gaa, lɩɩ fɛɛ an taa anɛ tamaa gyaga Ɩbwaarɛ mʋ nɩɩ ɔ tɛ kakpaa, nɩɩ ɔ gyɛ Ɔmɔlɩgɛpʋ sa asa kpini mʋ, fɔnfɔn bamʋ nɩɩ ba kɔɔlɛ mʋ gyii mʋ.


Amaa fɛɛ fʋ bɩrɛ, baa fʋ da fu kumu sʋ asɩn kʋmaa nɩmʋ tɔ, nyɛ kɔkɔlɔ yɩlɛ awʋrʋfɔ tɔ, waa asɩn danbɩrasa kusun mʋ ɔtɔwɛpʋ, sun fʋ kusun kanan mʋ nɩɩ ɩ dagaa naa lʋwɛ.


Ɔwʋlɛ nɩmʋ lɩɩ mɛ Pɔɔlɩ mʋ nɩɩ lɩɩ Krisito Yesu kusun sʋ nɩɩ ba tii mɛ obu mʋ, yɛ anɛ bɩrɩsa Timoti asɛ. An kyʋrɔɔ an sa fʋ Filemon, anɛ kyɛmɩnɛ danbɩrasa yɛ anɛ bɩrɩsa osunpu,


Amaa Krisito ɩ gyɛ Ɩbwaarɛ Mu‐Bii nɩɩ ɛɛ kɩɩ Ɩbwaarɛ kɩkpaara asa sʋ yɛ kesintin. Nɩɩ an kan taa kɔkɔlɔ ɔsɩɩ, yɩlɛ tamaa mʋ tɔ kɩnyɩn tɔ mʋ, ɩmʋ ɩɩ kaapʋ fɛɛ anɛ ɩ gyɛ Ɩbwaarɛ kɩkpaara mʋ sʋ asa.


Nɩɩ ɔ bɩla tɔwɛ mɛ yɛ, “Kyʋrɔɔ asɩn nɩmʋ naa sa Ɩbwaarɛ kabɔɔ mʋ nɩɩ ɛɛ kɩɩ Krisito kʋbʋ mʋ nɩɩ kɩ bʋ Efeso kadɛ tɔ mʋ sʋ. Asɩn nɩmʋ ɩ lɩɩ mɛ, mʋ nɩɩ n sʋ akyikpebi asunɔ mɛ gyisa kɩbaa tɔ, nɩɩ n naa ɩfɩtɩla ɩgyagakpa asunɔ mʋ nɩɩ ba taa suwa waa mʋ nsana.


Lean sinn:

Sanasan


Sanasan