Luka 1:6 - Nawuri

⁶ Sakariya maa Elisabeti kakyɩna tɔ ɩkpa i kyiigi Ɩbwaarɛ asɛ, nɩɩ ba buu Ɩbwaarɛ nbara yɛ kanan mʋ nɩɩ mʋ nnɔsa mʋ ɩ kaapʋ mʋ.

Luka 1:6 Iomraidhean Croise

Luka 1:7

Ba bɩlɛ, amaa ba man kʋʋgɛ kebii, lɩɩ fɛɛ Elisabeti maa gyɛ ogbentipu sʋ.

Luka 16:15

Nɩɩ ɔ tɔwɛ bamʋ yɛ, “Fanɛ banɩmʋ ɩ gyɛ asa mʋ nɩɩ fɛn waa fɛɛ fanɛ ɩkpa i kyiigi asa ansi tɔ, amaa Ɩbwaarɛ nyi kanan mʋ nɩɩ fanɛ nkɔlɔ tɔ i du. Lɩɩ fɛɛ kʋtɔ mʋ nɩɩ kɩ gyɛ kʋtɔ kparɛ asa ansi tɔ mʋ, kɩ gyɛ kʋtɔ kisisa sa Ɩbwaarɛ.

Luka 2:25

Kanan saŋa mʋ ɔnyɩn kʋ bʋ Gyerusalem nɩɩ bɛɛ tɩɩ mʋ yɛ Simeyon. Ɔ gyɛ ɔsa mʋ nɩɩ mʋ ɩkpa i kyiigi nɩɩ ee sun Ɩbwaarɛ yɛ kɔkɔlɔ kʋlʋn, nɩɩ Kayaayu Kyɩrɛkyɩrɛ mʋ kɩ bɔla mʋ tɔ. Nɩɩ o gyoo saŋa mʋ nɩɩ Ɩbwaarɛ ii biti ɔ bɩya Ɩsɩrayɩ abi kamɔlɩgɛ.

Krisito Asunpu mʋ kusun 2:25

Dawidi wʋla tɔwɛ Yesu n‐yɩɩ sʋ asɩn yɛ, ‘Saŋa kʋmaa nɩmʋ, n wu Ɔnyɩrɩpɛ Ɩbwaarɛ mi ansi sʋ. Lɩɩ fɛɛ o tii mɛ sʋ, ɩmʋ sʋ sɛhn mɛɛ tɔɔrɔɔ mɛ.

Krisito Asunpu mʋ kusun 23:1

Nɩɩ Pɔɔlɩ kɩɩ kʋbʋ‐kʋbʋ abɩlɩsa mʋ kyimm, nɩɩ ɔ tɔwɛ yɛ, “Mɛ tɔɔmaa ana, n nyi mɛ kɔkɔlɔ tɔ fɛɛ lɩɩ mi kusun mʋ nɩɩ n sun sa Ɩbwaarɛ ba fʋʋ ndaga, ɩ bʋrɔn Ɩbwaarɛ asɛ.”

Krisito Asunpu mʋ kusun 24:16

Ɩmʋ sʋ n kpan mɛ n‐yɩɩ, n waa kʋtɔ mʋ nɩɩ kɩ bʋrɔn Ɩbwaarɛ yɛ nyɩmɩsa asɛ.

Krisito Asunpu mʋ kusun 8:21

Fʋ man tii sʋ abɛɛ fʋ man sʋ ɔ lɛɛ lɩɩ Ɩbwaarɛ kakɛɛ kusun nɩmʋ tɔ. Lɩɩ fɛɛ fʋ kɔkɔlɔ kɩ man dɛ Ɩbwaarɛ sʋ.

Roma abi 8:4

Ɩbwaarɛ waa falɛ nɩn kɛ a taalɛ waa kesintin ɩkpa danbɩrasa mʋ nɩɩ nbara ii biti mʋ, lɩɩ fɛɛ an man bɩla an buu anɛ kayɩɩ‐wʋlɛ dɩdaa mʋ, amaa an buu Ɩbwaarɛ Kayaayu kebiti mʋ.

1 Ko 11:2

N yɩn fanɛ, lɩɩ fɛɛ fen nyiŋi mɛ sʋ lɩɩ kʋtɔ kʋmaa kɩnɩmʋ tɔ, nɩɩ fen buu kɩkaapʋ mʋ nɩɩ n taa waa fanɛ abaa tɔ mʋ.

2 Ko 1:12

Kʋtɔ kʋlʋn mʋ sʋ nɩɩ an kaapʋ anɛ n‐yɩɩ ɩ gyɛ yɛ, anɛ nfɛɛrɛ ɩɩ kaapʋ anɛ yɛ, kesintin yɛ kɔkɔlɔ fufuli mʋ nɩɩ ɩ lɩɩ Ɩbwaarɛ asɛ, nɩɩ an taa kyɩna dulinyaa nɩmʋ tɔ, fɔnfɔn lɩɩ anaa fanɛ kakyɩna tɔ. Man gyɛ dulinyaa nɩmʋ tɔ kanyaasɩn nɩɩ an taa waa ɩnɩmʋ, amaa Ɩbwaarɛ ɩ taa bwaala anɛ.

Filipi abi 2:15

Saamʋ fanɛ n‐yɩɩ ɩ mɛɛ nyɛ asɩn pwɩɩsa yɛ ineesi ɩkʋ, yɛgɛ fan gyɛ Ɩbwaarɛ mu‐bii ana mʋ nɩɩ fan man sʋ alibi kʋ, nɩɩ fan sʋ fan tɛ yɛ nfɛɛrɛ libi wuya ana yɛ asun libi awaapʋ. Nɩɩ ɩ dagaa fan maa ŋalɩgɛ sʋ bamʋ tɔ fɛɛ akyikpebi mʋ nɩɩ ɩ bʋ sʋsʋ ɩɩ ŋalɩgɛ mʋ,

Kolose abi 1:22

Amaa nbɩɩnbɩɩ bɩrɛ, Ɩbwaarɛ bɔla Krisito mʋ nɩɩ o be biliŋi nyɩmɩsa nɩɩ o wu mʋ sʋ, lɔŋɔ fanaa mʋ nsana. Ɔ waa ɩnɩmʋ kɛ fan ba waa asa kyɩrɛkyɩrɛ, yɛgɛ fan man sʋ ineesi yɛ asɩn pwɩɩsa kʋ Ɩbwaarɛ asɛ,

1 Te 3:13

An kʋlɛ fɛɛ ɔ sa fanɛ kɔkɔlɔ ɔsɩɩ, kɛ alibi yɛ ineesi ɩkʋ ɩ man bʋ fanɛ n‐yɩɩ sʋ anɛ‐Sɛ Ɩbwaarɛ ansi tɔ, saŋa mʋ nɩɩ anɛ‐Nyɩrɩpɛ Yesu ii biti ɔ ba maa Ɩbwaarɛ asa mʋ.

2 Pi 3:14

Ɩmʋ sʋ mi‐nyi mu‐bii ana Krisito tɔ, fɛɛ kanan mʋ nɩɩ fan kɩɩ ɩnɩmʋ ɔkpa mʋ, fan kpan fanɛ n‐yɩɩ kɛ Ɩbwaarɛ ɔ man pwɩɩ abɛɛ o wu alibi akʋ fanɛ tɔ, kɛ keyuula kɩ baa kɩ bʋ faa naa mʋ asɛ.

1 Gy 2:29

Kanan mʋ nɩɩ fan nyi fɛɛ mʋ ɩkpa i kyiigi mʋ, fan bɩɩ fɛɛ ɔkʋmaa mʋ nɩɩ ɛɛ waa atɔ kyiigisa mʋ, mʋ ɩ gyɛ Ɩbwaarɛ mu‐bii.

1 Gy 2:3

Nɩɩ an kan buu Ɩbwaarɛ nbara mʋ nɩɩ ɔ sa anɛ mʋ, ɩmʋ ɩ yɛgɛ a taalɛ da anɛ nkɔlɔ sʋ fɛɛ an nyi mʋ.

1 Gy 3:7

Mi‐bii ana danbɩrasa, fan man yɛgɛ ɔkʋ ɔ pɩna fanɛ. Ɔkʋmaa mʋ nɩɩ ɛɛ waa kʋtɔ mʋ nɩɩ kɩ dɛ ɔkpa mʋ, ɔ gyɛ ɔkpa kyiigisa wuya, fɛɛ kanan mʋ nɩɩ Krisito ɩkpa i kyiigi mʋ.