Gyɔn 17:3 - Nawuri

³ Nkpa kakpaa mʋ ɩ gyɛ yɛ asa ba bɩɩ fʋ, kesintin Ɩbwaarɛ kʋlʋn mʋ, kɛ ba bɩɩ mɛ, Yesu Krisito mʋ nɩɩ fu sun mʋ.

Gyɔn 17:3 Iomraidhean Croise

Maki 9:37

“Ɔkʋmaa mʋ nɩɩ ɔ kan kɔɔlɛ kebii kɩnɩmʋ dubi mɛ kɩtɩɩ tɔ sʋ mʋ, mɛ nɩɩ ɔ kɔɔlɛ, nɩɩ ɔkʋmaa mʋ nɩɩ ɔ kan kɔɔlɛ mɛ mɔɔ mʋ, man gyɛ mɛ nkʋn nɩɩ ɔ kɔɔlɛ, amaa ɔ kɔɔlɛ ɔmʋnɩ o sun mɛ mʋ gbaa.”

Luka 9:48

Nɩɩ ɔ tɔwɛ bamʋ yɛ, “Fʋ kʋmaa mʋ nɩɩ fʋ kɔɔlɛ kebii nɩmʋ dubi mɛ kɩtɩɩ tɔ sʋ mʋ, fʋ kɔɔlɛ mɛ nɩmʋ. Nɩɩ fʋ kʋmaa mʋ nɩɩ fʋ kɔɔlɛ mɛ mʋ, fʋ kɔɔlɛ ɔmʋnɩ o sun mɛ mʋ. Nɩɩ ɔmʋnɩ ɔ gyɛ pii fanɛ kpini tɔ mʋ, mʋ ɩ gyɛ fanɛ tɔ ɔlala.”

Gyɔn 10:36

Mɩnɛ sʋ nɩɩ fɛn yɛ n tɔwɛ nbusaa asɩn yii Ɩbwaarɛ, fɛɛ maa tɔwɛ yɛ, ‘N gyɛ Ɩbwaarɛ Mu‐Bii mʋ’?

Gyɔn 11:42

N nyi saŋa kʋmaa fii nu mɛ kɩkʋlɛ, amaa asa mʋ nɩɩ ba yɩlɛ nfɩɩ mʋ sʋ nɩɩ n tɔwɛ kanɩn, kɛ ba nyɛ kɔɔlɛ gyii fɛɛ fu i sun mɛ.”

Gyɔn 14:26

Amaa Ɔkyɛtɔpʋ mʋ nɩɩ ɔ gyɛ Kayaayu Kyɩrɛkyɩrɛ, mʋ nɩɩ Mɛ‐Sɛ mʋ ii biti o sun mɛ kɩtɩɩ tɔ mʋ, ii biti ɔ kaapʋ fanɛ kʋtɔ kʋmaa kɛ o nyiŋi fanɛ kʋtɔ kʋmaa mʋ nɩɩ n tɔwɛ fanɛ falɛ.

Gyɔn 17:18

Fɛɛ kanan mʋ nɩɩ fu sun mɛ dulinyaa tɔ mʋ, kanɩn nɩɩ ngbaa mɛ n sun bamʋ dulinyaa tɔ.

Gyɔn 17:21

Nsɛ, mɛ kabwaarɛ‐kʋlɛ ɩ gyɛ yɛ bamʋ kpini ba waa kʋkʋlʋn, fɛɛ kanan mʋ nɩɩ fʋ bʋ mɛ tɔ nɩɩ ngbaa n bʋ fʋ tɔ mʋ. N kʋlɛ fʋ yɛ, ba baa ba bʋ anɛ tɔ, kɛ dulinyaa abi ba kɔɔlɛ gyii yɛ fu i sun mɛ.

Gyɔn 17:23

N ba n bʋ bamʋ tɔ yɛgɛ fʋ bʋ mɛ tɔ, kɛ ba bʋga waa kɔnɔ kʋlʋn naa lʋwɛ. Ɩnɩmʋ ii biti ɩ yɛgɛ dulinyaa abi ba bɩɩ fɛɛ fu i sun mɛ, nɩɩ fʋ sʋ kebiti sa bamʋ fɛɛ kanan mʋ nɩɩ fʋ sʋ kebiti sa mɛ mʋ.

Gyɔn 17:25

“Nsɛ, ɩkpa kyiigisa wuya, dulinyaa abi ba maa man nyi fʋ, amaa mɛɛ mɛ n nyi fʋ, nɩɩ mi abuupu mʋ be nyi fɛɛ fu i sun mɛ.

Gyɔn 17:8

Lɩɩ fɛɛ n tɔwɛ bamʋ asɩn mʋ nɩɩ fʋ sa mɛ mʋ, nɩɩ ba kɔɔlɛ. Ba bɩɩ kesintin tɔ fɛɛ n lɩɩ fʋ asɛ, nɩɩ ba kɔɔlɛ gyii fɛɛ fu i sun mɛ.

Gyɔn 3:17

Lɩɩ fɛɛ Ɩbwaarɛ man sun mɛ, Mu‐Bii mʋ ba dulinyaa nɩmʋ tɔ, yɛ n ba bun kɩmʋ tɔ asa kʋpwɛ, amaa o sun mɛ nɩn yɛ n ba waa bamʋ ɔmɔlɩgɛpʋ.

Gyɔn 3:34

Ɔmʋ nɩɩ Ɩbwaarɛ sun mʋ mʋ, Ɩbwaarɛ asɩn nɩɩ ɛɛ tɔwɛ, lɩɩ fɛɛ Ɩbwaarɛ sa mʋ Kayaayu mʋ nɩɩ kɩ man sʋ ɔkaa.

Gyɔn 5:44

Fan maa biti ayɩn‐bi lɩɩ abaa asɛ falɛ, yɛgɛ fɛn mɛɛ kpan fanɛ n‐yɩɩ fan nyɛ ayɩn‐bi lɩɩ Ɩbwaarɛ nkʋn asɛ mʋ, nɛnɛ nɩɩ fen biti fan waa kɔɔlɛ gyii?

Gyɔn 6:57

Fɛɛ kanan mʋ nɩɩ Mɛ‐Sɛ mʋ nɩɩ ɔ gyɛ nkpa kumu sun mɛ, nɩɩ lɩɩ mʋ sʋ nɩɩ n sʋ nkpa mʋ, ɔkpa kʋlʋn maŋa sʋ, ɔkʋmaa mʋ nɩɩ ɔ wɛ mɛ kayɩɩ‐wʋlɛ mʋ, ii biti ɔ nyɛ nkpa lɩɩ mɛ sʋ.

Gyɔn 7:29

Amaa mɛɛ mɛ n nyi mʋ, lɩɩ fɛɛ n lɩɩ mʋ asɛ, nɩɩ mʋ i sun mɛ.”

Gyɔn 8:19

Nɩɩ ba taasɛ mʋ yɛ, “Fʋ‐sɛ bʋ fɩnɛ?” Nɩɩ Yesu lɛɛ kɔnɔ yɛ, “Fan man nyi mɛ, nɩɩ fan man nyi Mɛ‐Sɛ mʋ gbaa. Nɩɩ fan daa fan nyi mɛ nɩn, naafɔɔ fan bɩɩ Mɛ‐Sɛ mʋ gbaa.”

1 Ko 15:34

Fan bwii fɛ nfɛɛrɛ danbɩrasa, kɛ fan yɛgɛ alibi kɩwaa. N tɔwɛ fanɛ ɩnɩmʋ nɩn n gyila fanɛ ipeeli fɛɛ, akʋ ba bʋ fanɛ tɔ yɛgɛ ba man nyi Ɩbwaarɛ.

1 Ko 8:4

Ɩmʋ sʋ lɩɩ agyitɔ mʋ nɩɩ ba taa lɔŋɔ sa ɩdakpa mʋ kigyii mʋ, an nyi fɛɛ ɔdakpa kʋ man bʋ tɔ nɩɩ kɩ sʋ nkpa, nɩɩ an nyi fɛɛ Ɩbwaarɛ kʋlʋn nkʋn ɩ bʋ tɔ.

2 Ko 4:6

Ɩbwaarɛ mʋ nɩɩ ɔ tɔwɛ Asɩnkyan yɩlasa mʋ tɔ yɛ, “Ɩ ŋmaŋɛ kitentenbiri tɔ” mʋ, mʋ Ɩbwaarɛ kʋlʋn maŋa ɩ yɛgɛ nɩɩ ɩ ŋmaŋɛ anɛ nkɔlɔ tɔ, kɛ a nyɛ bɩɩ Ɩbwaarɛ bʋnyaa mʋ nɩɩ kɩɩ ŋalɩgɛ Krisito ansi tɔ mʋ.

Filipi abi 3:10

Nɩɩ kʋtɔ mʋ nɩɩ n biti ɩ gyɛ fɛɛ, n baa n nyi Krisito yɛ mʋ kelewu kyiŋi ɔlʋn mʋ, kɛ n gyii mʋ awʋrʋfɔ mʋ ɩkʋ, kɛ n ba waa fɛɛ n wu bʋga yɛ mʋ,

Filipi abi 3:8

Man gyɛ ɩmʋ nkʋn, kʋtɔ kʋmaa nɩmʋ gyɛ mɛ asɛ fɛɛ atɔ fɔyɩsa, lɩɩ fɛɛ ɩmʋ nɩɩ ɩ gyɛ atɔ kparɛ sa mɛ mʋ, ɩ gyɛ n ba bɩɩ Mɛ‐Nyɩrɩpɛ Yesu Krisito. Lɩɩ Krisito sʋ mʋ n pan kʋtɔ kʋmaa, nɩɩ n kɩɩ ɩmʋ fɛɛ kɩgyaakpa sʋ atɔ, kɛ n nyɛ‐nyɛ Krisito.

1 Te 1:9

Lɩɩ fɛɛ bamʋ gbaa‐gbaa bamʋ bɛɛ tɔwɛ kɩfɔ kɩtaa mʋ nɩɩ fan kɩtaa anɛ. Bɛɛ tɔwɛ asa kanan mʋ nɩɩ fan kyɛɛgɛ lɩɩ ɩdakpa kusun tɔ, ba sun Ɩbwaarɛ mʋ nɩɩ ɔ sʋ nkpa yɛ kesintin mʋ.

2 Te 1:8

Nɩɩ fʋlɔn nɩɩ Ɩbwaarɛ ii biti ɔ taa bɩɩtɛ bamʋ nɩɩ bee kina mʋ mʋ, yɛ bamʋ nɩɩ ba waa kʋsʋ tɔ ɔlʋn sa Ɔnyɩrɩpɛ Yesu Krisito Asɩn danbɩrasa mʋ.

Hibriwu abi 3:1

Ɩmʋ sʋ mɛ‐daa ana yɛ mi‐supu ana, Ɩbwaarɛ asa mʋ nɩɩ ɔ tɩɩ fanɛ mʋ, fan yɛgɛ fanɛ nfɛɛrɛ ɩ baa ɩ gyan Yesu sʋ. Mʋ ɩ gyɛ Ɩbwaarɛ osunpu yɛ oseepu bɩlɩsa asɛ mʋ nɩɩ an kɔɔlɛ mʋ gyii nɩɩ an lɛɛ an tɔwɛ mʋ.

2 Pi 1:2

Lɩɩ fɛɛ fan maa nyi Ɩbwaarɛ yɛ anɛ‐Nyɩrɩpɛ Yesu sʋ mʋ, n kʋlɛ fɛɛ fan nyɛ kakyɩna danbɩrasa yɛ kɔkɔlɔ yuuli kʋkyɔ tii sʋ.

2 Pi 1:3

Ɩbwaarɛ ɔlʋn kparɛ sʋ mʋ, ɔ sa anɛ kʋtɔ kʋmaa mʋ nɩɩ ki tiri anɛ kɛ a taalɛ kyɩna kakyɩna danbɩrasa mʋ nɩɩ i gyii Ɩbwaarɛ ansi lɩɩ anɛ kinyi mʋ nɩɩ an nyi Ɩbwaarɛ mʋ sʋ. Mʋ ɩ gyɛ ɔmʋ nɩɩ ɔ bɔla mʋ bʋnyaa yɛ mu keduli danbɩrasa sʋ tɩɩ anɛ.

2 Pi 1:8

Fɛɛ nɩɩ atɔ nɩmʋ kpini ɩ bʋ fanɛ kakyɩna tɔ kʋkyɔ mʋ, ɩɩ kyɛ fanɛ tɔ. Nɩɩ lɩɩ fanɛ kinyi anɛ‐Nyɩrɩpɛ Yesu Krisito sʋ mʋ, ɩɩ yɛgɛ fan baa fan gyɛ asa mʋ nɩɩ fan sʋ kyaarɛ yɛgɛ fɛn waa atɔ mʋ nɩɩ ɩ dagaa.

1 Gy 1:2

Yesu mʋ nɩɩ ɔ gyɛ nkpa mʋ, lɛɛ mʋ n‐yɩɩ ifuli nɩɩ an wu mʋ. Ɩmʋ sʋ nɩɩ an gyii ɩmʋ kesintin, nɩɩ an tɔwɛ fanɛ lɩɩ nkpa kakpaa mʋ nɩɩ ɔ wʋla ɔ bʋ Ɔsɛ Ɩbwaarɛ mʋ asɛ, nɩɩ ɔ ba lɛɛ mʋ n‐yɩɩ ifuli kaapʋ anɛ.

1 Gy 1:3

Asɩn mʋ nɩɩ anɛ ansi i wu nɩɩ an taa anɛ asʋ nu mʋ, ɩmʋ kibonbon nɩɩ an da an sa fanɛ, kɛ fan ba tii anɛ sʋ lɩɩ kɩkyɛmɩnɛ ɔkɔn mʋ nɩɩ an sʋ anaa Ɔsɛ Ɩbwaarɛ yɛ Mu‐Bii Yesu Krisito mʋ sʋ.

1 Gy 2:23

Ɔkʋmaa mʋ nɩɩ ee kina Ɩbwaarɛ mu‐bii mʋ, ee kina Ɔsɛ Ɩbwaarɛ mʋ gbaa, amaa ɔkʋmaa mʋ nɩɩ ɛɛ kɔɔlɛ Ɩbwaarɛ mu‐bii mʋ gyii mʋ, ɛɛ kɔɔlɛ Ɔsɛ Ɩbwaarɛ mʋ gbaa ee gyii.

1 Gy 4:6

Anɛɛnɛ bɩrɛ, an gyɛ Ɩbwaarɛ asa nɩn, nɩɩ ɔkʋmaa mʋ nɩɩ o nyi Ɩbwaarɛ mʋ, ee nu anɛ asɛ. Amaa ɔkʋmaa mʋ nɩɩ ɔ man gyɛ Ɩbwaarɛ nyɩmɩsa mʋ, o mee nu anɛ asɛ. Ɩmʋ sʋ falɛ asɩn nɩmʋ nɩɩ an sʋ an bɩɩ kesintin Kayaayu yɛ antɩŋɛsa kayaayu.

1 Gy 5:20

Nɩɩ an bɩla an nyi fɛɛ Ɩbwaarɛ Mu‐Bii mʋ ba kasɛ sʋ, nɩɩ ɔ yɛgɛ nɩɩ an nu kʋtɔ kʋmaa nɩmʋ kasɛ, kɛ ɩ yɛgɛ a bɩɩ ɔmʋ nɩɩ ɔ gyɛ Ɩbwaarɛ kesintin mʋ. Anaa Ɩbwaarɛ kesintin wuya mʋ an waa kʋkʋlʋn, lɩɩ fɛɛ an waa kʋkʋlʋn maa Mu‐Bii Yesu Krisito mʋ. Mʋ ɩ gyɛ Kesintin Ɩbwaarɛ mʋ nɩɩ ɔ gyɛ nkpa kakpaa mʋ.