Gyɔn 1:9 - Nawuri

⁹ Kesintin kaŋmaŋɛ mʋ nɩɩ kɩɩ ŋmaŋɛ sa asa kpini mʋ, kɩɩ ba dulinyaa tɔ.

Gyɔn 1:9 Iomraidhean Croise

Matiwu 6:23

Amaa nɩɩ fu ansi ɩ kan ɩ man bʋrɔn bɩrɛ, fʋ kayɩɩ‐wʋlɛ mʋ kpini bʋ kitentenbiri tɔ nɩn. Ɩmʋ sʋ nɩɩ fɩtɩla mʋ nɩɩ kɩ bʋ fʋ tɔ mʋ gyɛ kitentenbiri mʋ, ii biti ɩ waa kitentenbiri tumm.

Luka 11:36

Ɩmʋ sʋ fɛɛ nɩɩ fʋ n‐yɩɩ kpini gyɛ fɩtɩla, nɩɩ ɩmʋ kɩbaafʋn kʋ man gyɛ kitentenbiri mʋ, ii biti ɩ baa ɩ kɩɩ tɔ gaa, fɛɛ fɩtɩla maa kɩɩ tɔ kɩ ŋalɩgɛ fanɛ sʋ mʋ.”

Gyɔn 1:4

Ɩbwaarɛ Kɔnɔ tɔ Asɩn mʋ tɔ nɩɩ nkpa ɩ bʋ, nɩɩ nkpa maŋa ɩɩ ŋmaŋɛ tɔ ɩɩ sa asa kpini.

Gyɔn 1:7

Gyɔn ba nɩn ɔ ba tɔwɛ kesintin asɩn lɩɩ kaŋmaŋɛ mʋ sʋ sa asa, kɛ ɔkʋmaa nɩmʋ ɔ nyɛ nu kɛ ɔ kɔɔlɛ gyii.

Gyɔn 12:46

Mɛ ɩ gyɛ ɩŋmaŋɛsa mʋ nɩɩ ɩ ba dulinyaa nɩmʋ mʋ, nɩɩ ɔkʋmaa mʋ nɩɩ ɔ kɔɔlɛ mɛ gyii mʋ, ɔ man sii kitentenbiri tɔ.

Gyɔn 14:6

Nɩɩ Yesu lɛɛ kɔnɔ yɛ, “Mɛ ɩ gyɛ ɔkpa mʋ yɛ kesintin mʋ yɛ nkpa mʋ. Ɔkʋ mɛɛ taalɛ kpee Mɛ‐Sɛ asɛ, amɔɔ ɔ bɔla mɛ sʋ.

Gyɔn 15:1

Nɩɩ Yesu tɔwɛ mʋ abɩɩlapʋ mʋ yɛ, “Mɛ ɩ gyɛ wayɩn oyu gbaa‐gbaa mʋ nɩɩ kɩɩ sɔyɩ abi, nɩɩ Mɛ‐Sɛ ɩ gyɛ oyu mʋ ɔdɔɔpʋ.

Gyɔn 6:32

Nɩɩ Yesu tɔwɛ bamʋ yɛ, “N tɔwɛ fanɛ kesintin, man gyɛ Mosesi ɩ sa fanɛ naana ana agyitɔ mʋ nɩɩ ɩ lɩɩ sʋsʋ mʋ. Amaa Mɛ‐Sɛ ɩ sa fanɛ naana kesintin agyitɔ mʋ nɩɩ ɩ lɩɩ sʋsʋ mʋ. Nɩɩ nbɩɩnbɩɩ Mɛ‐Sɛ gbaa ɩɩ sa fanɛ kesintin agyitɔ gbaa‐gbaa mʋ nɩɩ ɩ lɩɩ sʋsʋ mʋ.

Gyɔn 7:12

Sakyɔ mʋ tɔ asa damantɛ bee muni abaa asɛ lɩɩ mʋ sʋ. Akʋ ba yɛ, “Ɔ gyɛ nyɩmɩsa danbɩrasa.” Nɩɩ akʋ mɔɔ ba yɛ, “Ɛɛ pɩna asa nɩn.”

1 Gy 1:8

Nɩɩ an kan tɔwɛ yɛ a man sʋ alibi bɩrɛ, an pɩna anɛ n‐yɩɩ nɩn, nɩɩ kesintin kɩ man bʋ anɛ tɔ.

1 Gy 2:8

Amaa ɔkpa kʋ sʋ mʋ, nbara mʋ nɩɩ n kyʋrɔɔ n sa fanɛ falɛ bɩrɛ gyɛ kɩpʋpwɛ nɩn, nɩɩ fanaa Krisito fan lɛɛ kaapʋ fɛɛ ɩ gyɛ nbara pʋpwɛ kesintin. Lɩɩ fɛɛ kitentenbiri mʋ kɩ tɛɛ kɩɩ kyʋn, nɩɩ kesintin fɩtɩla mʋ tɛɛ wʋla kɩɩ ŋalɩgɛ tɔ.

1 Gy 5:20

Nɩɩ an bɩla an nyi fɛɛ Ɩbwaarɛ Mu‐Bii mʋ ba kasɛ sʋ, nɩɩ ɔ yɛgɛ nɩɩ an nu kʋtɔ kʋmaa nɩmʋ kasɛ, kɛ ɩ yɛgɛ a bɩɩ ɔmʋ nɩɩ ɔ gyɛ Ɩbwaarɛ kesintin mʋ. Anaa Ɩbwaarɛ kesintin wuya mʋ an waa kʋkʋlʋn, lɩɩ fɛɛ an waa kʋkʋlʋn maa Mu‐Bii Yesu Krisito mʋ. Mʋ ɩ gyɛ Kesintin Ɩbwaarɛ mʋ nɩɩ ɔ gyɛ nkpa kakpaa mʋ.