2 Ti 3:8 - Nawuri

⁸ Fɛɛ kanan mʋ nɩɩ Gyanise maa Gyanberesi ba daa kyɩna kʋsʋ yɩlɛ Mosesi sʋ mʋ, kanɩn nɩɩ falɛ anyɩn anɩmʋ gbaa bɛɛ kɔ bee tii kesintin mʋ ɔkpa. Bamʋ amu i nyita, nɩɩ ba man sʋ ɔyɩlɛkpa kɩkɔɔlɛ‐gyii mʋ tɔ.

2 Ti 3:8 Iomraidhean Croise

Krisito Asunpu mʋ kusun 15:24

“An nu fɛɛ anɛ tɔ asa akʋ ba ba fanɛ asɛ, ba sʋ asɩn akʋ ba nyan fanɛ, yɛgɛ bee nyita fanɛ nfɛɛrɛ. Yɛgɛ an man sa bamʋ ɔkpa fɛɛ ba waa kanɩn, nɩɩ an man nyi bamʋ sʋ.

Roma abi 1:28

Lɩɩ fɛɛ kanan mʋ nɩɩ ba kina Ɩbwaarɛ kɩbɩɩ lɩɩ bamʋ nfɛɛrɛ tɔ mʋ, ɩmʋ sʋ nɩɩ Ɩbwaarɛ yɛgɛ bamʋ nfɛɛrɛ bɔrɔbɔrɔ sa bamʋ, kɛ ba waa atɔ mʋ nɩɩ ɩ man dagaa yɛ ba waa.

Roma abi 16:18

Kpalɩ fɛɛ bamʋ nɩɩ bɛɛ waa kanɩn mʋ, be mee sun anɛ‐Nyɩrɩpɛ Yesu Krisito, amaa bamʋ kɩpɩrɛ lɛɛ nɩɩ bee biti. Lɩɩ bamʋ ntɔwɛ danbɩrasa yɛ kɩgyaa‐bi sʋ mʋ, ba sʋ bɛɛ pɩna akɔɔlɛ‐gyipu mʋ nɩɩ ba man pɩɩ dan kɩkɔɔlɛ‐gyii tɔ.

Efeso abi 4:14

Saamʋ an man bɩla an gyɛ nbii kɛ asa ba nyɛ taa antɩŋɛsa kɩkaapʋ yɛ kigolongolon kɔnɔ tɔ kɔn pɩna anɛ kɛ anɛ nfɛɛrɛ ɩ baa i du fɛɛ afuu ɩmaa da nɩɩ apaa i kyenkpen tɔ mʋ.

1 Ti 1:19

yɛgɛ fʋ sʋ kɩkɔɔlɛ‐gyii mʋ tɔ nɩɩ fʋ bɩɩ fʋ kɔkɔlɔ tɔ yɛ atɔ mʋ nɩɩ fɩɩ waa mʋ ɩ bʋrɔn. Akʋ ba kina ɩnɩmʋ nɩɩ bamʋ kɩkɔɔlɛ‐gyii i muuri fɛɛ afuu maa muuri ɔkʋlɩ mʋ.

1 Ti 4:2

Falɛ kɩkaapʋ mʋ lɩɩ antɩŋɛsa nnɔ nnyɔ‐nnyɔ wuya ana mʋ asɛ nɩn. Bɛɛ kɩɩ ansi bɛɛ tɩŋɛ antɩŋɛsa yɛgɛ bamʋ nkɔlɔ mɛɛ ŋmaa bamʋ.

1 Ti 6:5

Ɔsa maŋa ii gyii ɩmɔɔrɛ nɩn fɛɛ bamʋ nɩɩ bamʋ nfɛɛrɛ i nyita, nɩɩ ba man bɩla ba sʋ kesintin asɩn mʋ, bamʋ nfɛɛrɛ ɩ gyɛ fɛɛ kabwaarɛ‐sun ɩ gyɛ ɔkpa mʋ nɩɩ bɛɛ bɔla sʋ nyɛ afulee.

2 Ti 4:15

Fʋ gbaa fʋ, baa fʋ da mʋ sʋ, lɩɩ fɛɛ ɔ yɩlɛ sʋ kenken ee tii anɛ asɩn tɔwɛsa mʋ ɔkpa.

Titusi 1:10

Lɩɩ fɛɛ asa gaalaagaa bɛɛ kʋsʋ bɛɛ yɩlɛ asɩn mʋ sʋ, nɩɩ bɛ sʋ bamʋ ntɔwɛ kɩyan bɛɛ pɩna asa, fɔnfɔn Gyiwu abi akɔɔlɛ‐gyipu.

Titusi 1:16

Bɛɛ tɔwɛ yɛ be nyi Ɩbwaarɛ, amaa bamʋ awaasa tɔ mʋ bee kina mʋ. Ɩbwaarɛ ii kisi bamʋ awaasa kpini, nɩɩ bɛ gyɛ kʋsʋ tɔ ɔlʋn wuya ana, nɩɩ ba mɛɛ taalɛ waa kɩdanbɩrasa kakaakʋ.

2 Pi 2:14

Nɩɩ be mee wu ɔkyɩɩ bɛɛ kyʋn, nɩɩ kɩbʋrʋkɔɔnɛ kɩwaa ii gyii bamʋ ansi. Bɛ yɛgɛ bamʋ nɩɩ bamʋ kɩkɔɔlɛ‐gyii kɩ man bʋlʋn mʋ bɛɛ waa alibi. Kʋtɔ mʋ nɩɩ kɩ bɔla bamʋ nkɔlɔ tɔ ɩ gyɛ kensi payɩ libi. Ɩnɩmʋ sʋ mʋ, Ɩbwaarɛ ii biti ɔ bɩɩtɛ bamʋ asʋ.

1 Gy 2:18

Mi‐bii ana, anɛ dulinyaa tɔ kakyɩna laalaalʋwɛ mʋ kɩ fʋʋ, fɛɛ kanan mʋ nɩɩ fan wʋla nu yɛ Krisito okisipu mʋ ii biti ɔ ba mʋ. Halɩɩ nbɩɩnbɩɩ gbaa Krisito akisipu gaalaagaa ba tɛɛ ba. Ɩnɩmʋ ɩɩ yɛgɛ nɩɩ an bɩɩ fɛɛ saŋa mʋ laalaalʋwɛ ndee.

1 Gy 4:1

Mɛ kyɛmɩnɛ ana, fan man kɔɔlɛ ɔkʋmaa mʋ nɩɩ ɔ yɛ ɔ sʋ Kayaayu mʋ gyii, amaa fan tʋʋ n‐yaayu mʋ tɔ kɩɩ fɛɛ ba lɩɩ Ɩbwaarɛ asɛ nɩn, abɛɛ ba man lɩɩ mʋ asɛ. Lɩɩ fɛɛ antɩŋɛsa atɔwɛpʋ gaalaagaa ba ba dulinyaa tɔ katɩn kʋmaa.

Asɩnlɛɛ kaapʋsa 2:20

“Amaa n sʋ fanɛ n‐yɩɩ sʋ asɩn pwɩɩsa kʋ, fɛɛ fan maa sa ɔkyɩɩ mʋ nɩɩ bɛɛ tɩɩ mʋ yɛ Gyesebeli ɔkpa, nɩɩ ɛɛ tɩɩ mʋ n‐yɩɩ yɛ Ɩbwaarɛ ɔtɔwɛpʋ. Nɩɩ ɛɛ taa mʋ kɩkaapʋ mʋ pɩna mɛ abuupu, nɩɩ bɛɛ waa kanyɩn abɛɛ kakyɩɩ biti kɩgyagaa, nɩɩ ba bɩla bee gyii agyitɔ mʋ nɩɩ ba taa lɔŋɔ sa ɩdakpa mʋ.

Asɩnlɛɛ kaapʋsa 2:6

Amaa fanɛ kʋtɔ kʋlʋn mʋ nɩɩ fɛn waa nɩɩ ɩ bʋrɔn mʋ ɩ gyɛ yɛ, fen kisi Nikolatan abi awaasa mʋ nɩɩ ngbaa mɛ n kisi mʋ.