2 Ti 3:12 - Nawuri

¹² Ɩ gyɛ kesintin fɛɛ, ɔkʋmaa mʋ nɩɩ ee biti o buu Krisito Yesu, kɛ ɔ waa Ɩbwaarɛ kebiti mʋ, ee biti ɔ nyɛ kanyanla.

2 Ti 3:12 Iomraidhean Croise

Matiwu 16:24

Tʋtɔ nɩɩ Yesu tɔwɛ mʋ abɩɩlapʋ mʋ yɛ, “Nɩɩ ɔkʋ kan ee biti o buu mɛ mʋ, ɩ dagaa maa kina mʋ n‐yɩɩ, kɛ ɔ sʋla mʋ gbaa‐gbaa mʋ oyu‐laasa kɛ o buu mɛ.

Matiwu 23:34

Kanɩn sʋ, n biti n sun Ɩbwaarɛ atɔwɛpʋ yɛ anyaasɩnpʋ yɛ akaapʋpʋ fanɛ asɛ. Amaa fen biti fan mɔɔ bamʋ akʋ, kɛ fan da akʋ mata iyu laasa sʋ, kɛ fan dayɩ akʋ fanɛ kabwaarɛ‐kʋlɛ ɔgyaŋɛkpa, kɛ fan gya bamʋ lɩɩ ndɛ sʋ kpee ndɛ sʋ.

Maki 10:30

nɩɩ ɔ mɛɛ yɛ o bwii nyɛ kɩkpaara yɛ mʋ‐daa ana yɛ mu‐supu ana yɛ mʋ‐pɩɩkyɩɩ ana mu‐nyi yɛ mʋ‐sɛ yɛ mu‐bii ana yɛ mʋ ndɔɔ ana kpini kɩlɩfa sʋ. Ee biti ɔ nyɛ kekisi ndaga kakyɩna nɩmʋ tɔ bɩrɛ, amaa ee biti ɔ ba nyɛ nkpa kakpaa.”

Gyɔn 16:2

Bee biti ba gya fanɛ lɩɩ Gyiwu abi kabwaarɛ‐kʋlɛ ɔgyaŋɛkpa. Saŋa kʋ ii biti ɔ ba, nɩɩ ɔkʋ kan ba mɔɔ fanɛ gbaa mʋ, ee biti ɔ fɛ nfɛɛrɛ fɛɛ ee sun kusun ɛɛ kyɛ Ɩbwaarɛ tɔ nɩn.

Gyɔn 16:33

“N tɔwɛ fanɛ falɛ asɩn nɩn, kɛ lɩɩ mɛ sʋ mʋ, kɛ fan nyɛ kayɩɩ‐yuuli. Fen biti fan gyii awʋrʋfɔ dulinyaa nɩmʋ tɔ. Amaa fan nyɛ nkɔlɔ, lɩɩ fɛɛ n kɔ gyii dulinyaa mʋ sʋ.”

Gyɔn 17:14

N taa fʋ asɩn mʋ sa bamʋ, nɩɩ dulinyaa abi ba kisi bamʋ, lɩɩ fɛɛ ba man bɩla ba gyɛ dulinyaa tɔ abi, fɛɛ kanan mʋ nɩɩ n man gyɛ dulinyaa tɔ obii mʋ.

Krisito Asunpu mʋ kusun 14:22

Ba tɔwɛ waa Yesu abɩɩlapʋ mʋ, waa bamʋ ɔlʋn tɔ fɛɛ ba yɩlɛ kɩkɔɔlɛ‐gyii tɔ, nɩɩ ɔ bɩla tɔwɛ yɛ, pɔyɩ kɛ ba nyɛ Ɩbwaarɛ kuwura‐gyii mʋ tɔ loo mʋ, ɩ dagaa ba maa gyii awʋrʋfɔ.

1 Ko 15:19

Nɩɩ ɩ kan ɩ gyɛ kasɛ sʋ nfɩɩ nkʋn nɩɩ an sʋ tamaa Krisito tɔ bɩrɛ, anɛ asɩn ɩ sʋ kʋwɛɛ gaa ɩ kyɔ ɔkʋmaa nɩmʋ dulinyaa nɩmʋ tɔ.

2 Ko 1:12

Kʋtɔ kʋlʋn mʋ sʋ nɩɩ an kaapʋ anɛ n‐yɩɩ ɩ gyɛ yɛ, anɛ nfɛɛrɛ ɩɩ kaapʋ anɛ yɛ, kesintin yɛ kɔkɔlɔ fufuli mʋ nɩɩ ɩ lɩɩ Ɩbwaarɛ asɛ, nɩɩ an taa kyɩna dulinyaa nɩmʋ tɔ, fɔnfɔn lɩɩ anaa fanɛ kakyɩna tɔ. Man gyɛ dulinyaa nɩmʋ tɔ kanyaasɩn nɩɩ an taa waa ɩnɩmʋ, amaa Ɩbwaarɛ ɩ taa bwaala anɛ.

2 Ko 4:9

ba nyanla anɛ, amaa Ɩbwaarɛ man yɛgɛ nɩɩ ba da anɛ tʋʋ lewu‐lewu, amaa a man wu.

1 Ti 2:2

Fan kʋlɛ kabwaarɛ kʋlɛ sa awura yɛ alʋlʋnpʋ kpini, kɛ a kyɩna keyuula yɛ kayɩɩ‐yuuli tɔ, kɛ a sun Ɩbwaarɛ danbɩrasa, kɛ a kyɩna kakyɩna mʋ nɩɩ ɩ dagaa.

1 Ti 3:16

Nɩɩ ɩ man sʋ kamɔɔrɛ‐gyii fɛɛ anɛ Krisito kɩkɔɔlɛ‐gyii mʋ, ɩ gyɛ asɩn baalasa kparɛ. Ɩmʋ ɩ gyɛ yɛ, Ɔ lɛɛ mʋ n‐yɩɩ kaapʋ fɛɛ nyɩmɩsa, nɩɩ Ɩbwaarɛ Kayaayu mʋ kɔɔlɛ mʋ kyula kʋtɔ kʋmaa nɩmʋ tɔ, nɩɩ Ɩbwaarɛ nbɔɔ ba wu mʋ, nɩɩ ba tɔwɛ mʋ asɩn sa dulinyaa asa kpini, nɩɩ asa ba kɔɔlɛ mʋ gyii dulinyaa nɩmʋ tɔ, nɩɩ Ɩbwaarɛ taa mʋ kyʋn sʋsʋ.

1 Ti 6:3

Ɔkʋmaa mʋ nɩɩ ɛɛ kaapʋ asɩn pʋpwɛ, nɩɩ ɔ mɛɛ kɔɔlɛ anɛ‐Nyɩrɩpɛ Yesu Krisito kesintin asɩn mʋ, yɛ anɛ kabwaarɛ‐sun kɩkaapʋ ee gyii mʋ,

Titusi 1:1

Ɔwʋlɛ nɩmʋ lɩɩ mɛ Pɔɔlɩ, Ɩbwaarɛ kɩyaafɔlɛ yɛ Yesu Krisito osunpu mʋ asɛ. O sun mɛ yɛ n ba kyɛ mʋ asa mʋ nɩɩ ɔ lɛɛ mʋ kɩkɔɔlɛ‐gyii tɔ, kɛ n kaapʋ bamʋ kɛ ba bɩɩ kesintin mʋ nɩɩ kɩɩ yɛgɛ nɩɩ asa bee buu kabwaarɛ‐sun danbɩrasa,

Titusi 2:12

Kabwaala mʋ kaapʋ anɛ kanan mʋ nɩɩ a lɛɛ anɛ n‐yɩɩ lɩɩ ɩkpa libi yɛ dulinyaa tɔ atɔ kayalaga sʋ, kɛ a taalɛ kɩtaa anɛ n‐yɩɩ, kɛ a waa ɩmʋ nɩɩ ɩ dɛ ɔkpa, yɛ kabwaarɛ‐sun danbɩrasa kakyɩna nɩmʋ tɔ,

1 Pi 3:14

Halɩɩ nɩɩ fan kan gyii awʋrʋfɔ gbaa lɩɩ kɩdanbɩrasa mʋ nɩɩ fan waa sʋ mʋ, fanaa kumu ɔkɔn. Fan man sɩlɛ bamʋ kɛ fan man yɛgɛ fanɛ nkɔlɔ n nyita fanɛ.

2 Pi 3:11

Nɩɩ falɛ ɔkpa nɩmʋ sʋ nɩɩ atɔ kpini ii biti i nyita mʋ, nɛnɛ asa nɩɩ ɩ dagaa fan bɩla fan du? Ɩ dagaa fan kyɩna kakyɩna kyɩrɛkyɩrɛ yɛ kabwaarɛ‐sun tɔ.

Asɩnlɛɛ kaapʋsa 12:4

Nɩɩ mʋ ɔpɩɩ bɩɩtɛ akyikpebi mʋ nɩɩ ɩ bʋ sʋsʋ mʋ nbarɩgɛ tɔ ntun nsa mʋ ketun kʋlʋn ba tʋʋ kasɛ sʋ. Nɩɩ ɔ ba yɩlɛ ɔkyɩɩ mʋ nɩɩ ee biti ɔ kʋʋgɛ mu ansi tɔ. Nɩɩ ɔ kan kʋʋgɛ mʋ kɛ ɔ nyɛ taa kebii mʋ mɩyɛ bilen.

Asɩnlɛɛ kaapʋsa 7:14

Nɩɩ n lɛɛ mʋ kɔnɔ yɛ, “Ɔbɩlɩsa, fu i nyi.” Nɩɩ ɔ tɔwɛ mɛ yɛ, “Bamʋ ɩ gyɛ asa mʋ nɩɩ ba lɩɩ awʋrʋfɔ lala mʋ kigyii tɔ, nɩɩ ba fwɩɩ bamʋ ɩkaalɛ Kabʋlʋpʋ mʋ nkalan tɔ, nɩɩ i fuuli mʋ.