2 Ti 3:10 - Nawuri

¹⁰ Amaa fɛɛ fʋ bɩrɛ, fu nyi asɩn mʋ nɩɩ n kaapʋ mʋ kpini, yɛ mɛ kakyɩna tɔ, yɛ kʋtɔ mʋ nɩɩ mi ansi ɩ gyan sʋ, yɛ mɛ kɩkɔɔlɛ‐gyii, yɛ mɛ kenyiita, yɛ mi kebiti, yɛ mɛ kɩyɩlɛ tɔ gyii awʋrʋfɔ.

2 Ti 3:10 Iomraidhean Croise

Luka 1:3

Ɩmʋ sʋ bɛɛrɛɛ wuya Tiyofolisi, fɛɛ kanan mʋ nɩɩ mɛ gbaa‐gbaa mɛ n loo asɩn mʋ tɔ kɩɩ lɩɩ ɩmʋ npiili mʋ, ɩ dagaa fɛɛ n kyʋrɔɔ ɩmʋ kɩgyasʋ‐kɩgyasʋ kyɛɛkyɛɛ sʋ sa fʋ.

Krisito Asunpu mʋ kusun 11:23

Maa naa fʋʋ tʋtɔ mʋ, nɩɩ o wu kanan mʋ nɩɩ Ɩbwaarɛ bwaala bamʋ mʋ, mu ansi i gyii nɩɩ ɔ waa bamʋ aniya tɔ yɛ ba nyɛ kɔkɔlɔ kʋlʋn Ɔnyɩrɩpɛ kɩkɔɔlɛ‐gyii mʋ tɔ.

Krisito Asunpu mʋ kusun 2:42

Nɩɩ bamʋ kpini bɛ bɩɩla bɛɛ lɩɩ asunpu mʋ asɛ, ba sʋ kakyɛmɩnɛ ɔkɔn yɛ abaa, nɩɩ bee gyii Ɔnyɩrɩpɛ agyitɔ, nɩɩ bɛɛ bʋga bɛɛ kʋlɛ kabwaarɛ‐kʋlɛ.

Krisito Asunpu mʋ kusun 20:18

Ba maa ba mʋ asɛ mʋ, ɔ tɔwɛ bamʋ yɛ, “Fanɛ gbaa‐gbaa fanɛ fen nyi kanan mʋ nɩɩ n kyɩna yɛ fanɛ, lɩɩ kakɛ gyankpaasa mʋ nɩɩ n ba fanɛ asɛ Asiya ofuli sʋ nfɩɩ.

Krisito Asunpu mʋ kusun 26:4

“Gyiwu abi kpini be nyi mɛ kakyɩna tɔ lɩɩ koo mi kibi tɔ. Nɩɩ be nyi kanan mʋ nɩɩ n du mɛ gbaa‐gbaa mɛ ɔsʋwʋlɛ sʋ yɛ Gyerusalem tɔ.

Roma abi 16:17

Mɛ‐daa ana yɛ mi‐supu ana, n kʋlɛ fanɛ nɩn, kɛ fan kɩɩ danbɩrasa lɩɩ bamʋ nɩɩ bee biti ba bɩya nbarɩgɛ fanɛ tɔ, nɩɩ bɛɛ kpakyarɛ kɩbɩɩla mʋ nɩɩ ba kaapʋ fanɛ mʋ, nɩɩ ɩ yɛgɛ asa bee tutu bamʋ kɩkɔɔlɛ‐gyii tɔ. Fan lɛɛ fanɛ n‐yɩɩ lɩɩ bamʋ tɔ.

2 Ko 1:17

N maa ŋmina yɩla yɛ n biti n ba fanɛ asɛ, nɩɩ n man taalɛ ba mʋ, ɩɩ kaapʋ nɩn fɛɛ n gyɛ dulinyaa tɔ nnɔ nnyɔ‐nnyɔ wuya ana mʋ nɩɩ bee kyula yɛ “Ɛɛhn”, kɛ opula maŋa tɔ ba bwii kyɛɛgɛ kɔnɔ tɔwɛ yɛ “ayee” abɛɛ?

Efeso abi 4:14

Saamʋ an man bɩla an gyɛ nbii kɛ asa ba nyɛ taa antɩŋɛsa kɩkaapʋ yɛ kigolongolon kɔnɔ tɔ kɔn pɩna anɛ kɛ anɛ nfɛɛrɛ ɩ baa i du fɛɛ afuu ɩmaa da nɩɩ apaa i kyenkpen tɔ mʋ.

Filipi abi 2:20

N man bɩla n sʋ ɔkʋ fɛɛ mʋ, nɩɩ fanɛ kɩbaabʋtɔ asɩn i tiri mʋ.

Filipi abi 2:22

Amaa fanɛ gbaa‐gbaa fan nyi kanan mʋ nɩɩ Timoti lɛɛ mʋ daa kaapʋ, lɩɩ fɛɛ o tii mɛ sʋ nɩɩ an sun asɩn danbɩrasa kusun mʋ, fɛɛ ɔsɛ yɛ obii.

1 Te 1:5

Lɩɩ fɛɛ an man taa asɩn danbɩrasa mʋ ba tɔwɛ sa fanɛ kɔnɔ tɔ nkʋn nɩn. Amaa an ba tɔwɛ fanɛ asɩn mʋ yɛ Kayaayu Kyɩrɛkyɩrɛ mʋ ɔlʋn tɔ, nɩɩ ɩ yɛgɛ nɩɩ fan kɔɔlɛ asɩn mʋ gyii yɛ ɩ gyɛ kesintin. Nɩɩ fan wu kakyɩna danbɩrasa mʋ nɩɩ an kyɩna yɛ fanɛ, kɛ ɩ kyɛ fanɛ tɔ.

1 Ti 1:3

Fɛɛ kanan mʋ nɩɩ n tɔwɛ waa fʋ saŋa mʋ nɩɩ n kpee Masedoniya mʋ, sii kyɩna Efeso tʋtɔ kɛ fʋ nyɛ tii antɩŋɛsa akaapʋpʋ mʋ kɩkaapʋ ɔkpa.

1 Ti 4:6

Nɩɩ fɩɩ kan fɩɩ kaapʋ fʋ‐daa ana yɛ fu‐supu ana falɛ asɩn nɩmʋ mʋ, fii biti fʋ baa fʋ gyɛ Krisito Yesu kɩyaafɔlɛ danbɩrasa, fɛɛ fʋ maa dan kesintin asɩn danbɩrasa kɩkɔɔlɛ‐gyii yɛ kɩkaapʋ danbɩrasa mʋ nɩɩ fii buu mʋ.

1 Ti 6:11

Amaa fʋ gyɛ Ɩbwaarɛ nyɩmɩsa nɩn, ɩmʋ sʋ lɛɛ fʋ n‐yɩɩ lɩɩ falɛ atɔ nɩmʋ kpini tɔ, kɛ fʋ kɔ biti ɩkpa kikyiigi yɛ kabwaarɛ‐sun danbɩrasa yɛ kɩkɔɔlɛ‐gyii yɛ kebiti yɛ kenyiita yɛ bwahn kɩwaa.

2 Ti 2:22

Amaa lɛɛ fʋ n‐yɩɩ lɩɩ ayaafɔlɛ‐sɩn kayalaga libi tɔ, kɛ fʋ taa fu ansi gyaga ɩkpa kikyiigi yɛ kɩkɔɔlɛ‐gyii yɛ kebiti yɛ kayɩɩ yuuli sʋ, bʋga yɛ bamʋ nɩɩ ba taa kɔkɔlɔ fuuli sʋ bee sun Ɔnyɩrɩpɛ mʋ sʋ.

2 Ti 4:2

tɔwɛ asɩn danbɩrasa mʋ. Kʋʋla fʋ n‐yɩɩ saŋa mʋ nɩɩ ɩ dagaa yɛ saŋa mʋ nɩɩ ɩ man dagaa, taa kenyiita kpini tɔwɛ kyiigi asa ɩkpa, kɛ fʋ tɔwɛ yii asa, kɛ fʋ tɔwɛ waa asa ɔlʋn tɔ.

2 Ti 4:3

Lɩɩ fɛɛ saŋa kʋ ii biti ɔ ba nɩɩ asa ba mɛɛ yɛ be buu kesintin kɩkaapʋ mʋ. Amɔɔ be buu bamʋ kayalaga tɔ asɩn. Bee biti ba kɩɩ biti akaapʋpʋ damantɛ kyaabɔɔ bamʋ n‐yɩɩ, kɛ bɛ kaapʋ bamʋ asɩn mʋ nɩɩ ɩ bʋkɔn bamʋ asʋ tɔ kɛ be nu.

2 Ti 4:7

N kɔ keluu danbɩrasa mʋ, nɩɩ n sɩlɛ kɩsɩlɛ mʋ naa fʋʋ ɔkaa, nɩɩ n kɩtaa kɩkɔɔlɛ‐gyii mʋ tɔ.

Titusi 2:7

Lɩɩ kʋtɔ kʋmaa tɔ mʋ, ɩ dagaa fʋ maa waa kʋtɔ mʋ nɩɩ kɩ bʋrɔn kɛ asa bɛ kasɛ fʋ tɔ. Lɩɩ fʋ kɩkaapʋ tɔ mʋ taa kensi payɩ yɛ kɔkɔlɔ fuuli kaapʋ.

Hibriwu abi 13:9

Fan man yɛgɛ akaapʋ‐bi kʋkwɩɩ‐kʋkwɩɩ ɩkʋ ɩ lɛɛ fanɛ lɩɩ kesintin ɔkpa mʋ sʋ. Lɩɩ fɛɛ ɩ bʋrɔn sa anɛ fɛɛ anɛ Ɩbwaarɛ kayaayu mʋ kɩ sa anɛ nkɔlɔ tɔ ɔlʋn, nɩɩ ɩ man waa fɛɛ nbara mʋ nɩɩ ɩ dɛ sa agyitɔ kigyii, fɛɛ kanan mʋ nɩɩ akʋ ba gyii ɩmʋ nɩɩ ɩ man sʋ tɔnɔ sa bamʋ mʋ.

2 Pi 3:11

Nɩɩ falɛ ɔkpa nɩmʋ sʋ nɩɩ atɔ kpini ii biti i nyita mʋ, nɛnɛ asa nɩɩ ɩ dagaa fan bɩla fan du? Ɩ dagaa fan kyɩna kakyɩna kyɩrɛkyɩrɛ yɛ kabwaarɛ‐sun tɔ.