2 Ti 2:9 - Nawuri

⁹ nɩɩ n gyii ɩmʋ awʋrʋfɔ falɛ, halɩɩ ba taa agbeeleebi ŋmina mɛ fɛɛ maa gyɛ alibi ɔwaapʋ. Amaa Ɩbwaarɛ asɩn mʋ bɩrɛ, ɔkʋ mɛɛ taalɛ taa agbeeleebi ŋmina ɩmʋ.

2 Ti 2:9 Iomraidhean Croise

Luka 23:32

Nɩɩ ba taa asun libi wuya ana anyɔ tii Yesu sʋ ba naa mɔɔ.

Krisito Asunpu mʋ kusun 21:33

Nɩɩ ɔbɩlɩsa mʋ kpee naa kɩtaa Pɔɔlɩ, nɩɩ ɔ yɛgɛ nɩɩ ba taa agbeeleebi anyɔ ŋmina mʋ. Nɩɩ ɔ taasɛ asa mʋ yɛ, “Anɩmʋ nɩn, nɩɩ mɩnɛ nɩɩ ɔ waa?”

Krisito Asunpu mʋ kusun 28:31

Ɔ yɩlɛ kɩnyɩn tɔ ɛɛ tɔwɛ Ɩbwaarɛ kuwura‐gyii mʋ asɩn, nɩɩ ɛɛ kaapʋ asɩn lɩɩ Yesu Krisito sʋ, yɛgɛ sɛhn man tii mʋ ɔkpa.

Krisito Asunpu mʋ kusun 9:16

Nɩɩ mɛ gbaa‐gbaa mɛ n biti n kaapʋ mʋ kanan mʋ nɩɩ ee biti o gyii awʋrʋfɔ lɩɩ mɛ kɩtɩɩ sʋ.”

Efeso abi 3:1

Lɩɩ falɛ sʋ, mɛ Pɔɔlɩ, mʋ nɩɩ ba tii mɛ obu Krisito Yesu sʋ, lɩɩ Krisito asɩn mʋ nɩɩ n tɔwɛ n sa fanɛ mʋ nɩɩ fan man gyɛ Gyiwu abi mʋ sʋ mʋ, n kʋlɛ Ɩbwaarɛ n sa fanɛ.

Filipi abi 1:17

Amaa akʋ bɩrɛ, bɛɛ kɩɩ bee biti bamʋ nkʋn lɛɛ sʋ nɩɩ bɛɛ tɔwɛ, man gyɛ nfɛɛrɛ danbɩrasa sʋ, be nyi fɛɛ bɛɛ waa kanɩn nɩn kɛ mɛ awʋrʋfɔ ɩ lɔŋɔ tii sʋ yɛgɛ n tii obu.

Filipi abi 1:7

Kpalɩ fɛɛ saŋa kʋmaa fan maa bʋ mɛ kɔkɔlɔ tɔ sʋ mʋ, ɩmʋ ɔkpa nɩn fɛɛ n fɛ falɛ nfɛɛrɛ nɩmʋ lɩɩ fanɛ sʋ. Halɩɩ n maa bʋ obu tiisa tɔ gbaa mʋ, abɛɛ n maa kɔ n kun asɩn danbɩrasa mʋ yɛ ɩ yɩlɛ mʋ, fanɛ kpini fan taa fanɛ n‐yɩɩ tii Ɩbwaarɛ kusun mʋ nɩɩ ɔ taa bwaala mɛ mʋ sʋ.

Kolose abi 4:18

Mɛ Pɔɔlɩ ɩ taa mɛ gbaa‐gbaa mɛ kɩbaa kyʋrɔɔ afwaala nɩmʋ n sa fanɛ. Fan man tan sʋ fɛɛ n san n bʋ obu kitii tɔ. Ɩbwaarɛ ɔ bwaala fanɛ.

Kolose abi 4:3

Kɛ fan kʋlɛ kabwaarɛ‐kʋlɛ sa anɛ gbaa‐gbaa anɛ fɛɛ, Ɩbwaarɛ o bugi ɔkpa sa mʋ asɩn mʋ kɩtɔwɛ, kɛ a nyɛ ɔkpa tɔwɛ asɩn baalasa lɩɩ Krisito sʋ, ɩmʋ sʋ nɩɩ n tii obu falɛ.

1 Te 1:8

Nɩɩ Ɔnyɩrɩpɛ asɩn mʋ ɩ man yalagɛ lɩɩ fanɛ asɛ kpee Masedoniya yɛ Akiya nkʋn, amaa fanɛ Ɩbwaarɛ kɩkɔɔlɛ‐gyii asɩn mʋ, ɩ yalagɛ kpee katɩn kʋmaa nɩmʋ. Kanɩn sʋ ɩ man daaga fɛɛ a bɩla tɔwɛ kʋtɔ kʋ lɩɩ ɩmʋ sʋ.

2 Te 3:1

Anɛ‐daa ana yɛ anɛ‐supu ana, anɛ laalaalʋwɛ asɩn mʋ ɩ gyɛ yɛ, fan kʋlɛ kabwaarɛ kʋlɛ sa anɛ kɛ Ɔnyɩrɩpɛ asɩn mʋ ɩ nyɛ yalagɛ bilen‐bilen, kɛ ɩ nyɛ bɛɛrɛɛ lala fɛɛ kanan mʋ nɩɩ ɩ nyɛ fanɛ asɛ mʋ.

2 Ti 1:12

Kanɩn sʋ nɩɩ n gyii ɩnɩmʋ awʋrʋfɔ falɛ. Amaa ɩ man sʋ mɛ ipeeli, lɩɩ fɛɛ n nyi ɔmʋ nɩɩ n kɔɔlɛ mʋ gyii, nɩɩ n nyi kesintin tɔ fɛɛ ɛɛ taalɛ kun kʋtɔ mʋ nɩɩ n taa waa mʋ abaa tɔ naa fʋʋ mʋ kakɛ laalaalʋwɛ mʋ.

2 Ti 1:16

N kʋlɛ Ɔnyɩrɩpɛ fɛɛ o wu Onesiforu kɩkpaara sʋ abi kpini kʋwɛɛ, lɩɩ fɛɛ saŋa kʋmaa ɛɛ yɛgɛ mɛ kɔkɔlɔ kii fuuli mɛ. Nɩɩ ɩ man sʋ mʋ ipeeli fɛɛ ba tii mɛ obu gbaa.

2 Ti 1:8

Ɩmʋ sʋ ɩ́ man waa fʋ ipeeli fɛɛ, fʋ maa tɔwɛ kesintin asɩn lɩɩ anɛ‐Nyɩrɩpɛ mʋ sʋ, abɛɛ ɩ́ waa fʋ ipeeli lɩɩ mɛ sʋ fɛɛ ba maa tii mɛ obu. Amaa fʋ gbaa fu gyii awʋrʋfɔ sa asɩn danbɩrasa mʋ, lɩɩ ɔlʋn mʋ nɩɩ Ɩbwaarɛ taa sa fʋ mʋ sʋ.

2 Ti 2:3

Yɩlɛ tɔ gyii awʋrʋfɔ yɛ anɛ, fɛɛ Krisito Yesu ɔnaakɔpʋ danbɩrasa.

2 Ti 4:17

Amaa Ɩbwaarɛ yɩlɛ mɛ kamaa nɩɩ ɔ sa mɛ ɔlʋn, nɩɩ n nyɛ tɔwɛ asɩn mʋ lʋwɛ, nɩɩ bamʋ nɩɩ ba man gyɛ Gyiwu abi mʋ gbaa ba nu ɩmʋ. Nɩɩ Ɩbwaarɛ lɛɛ mɛ lɩɩ bɩranɛ kɔnɔ tɔ.

1 Pi 2:12

Fan taa kakyɩna danbɩrasa kyɩna yɛ bamʋ nɩɩ ba man kɔɔlɛ Yesu gyii mʋ, halɩɩ nɩɩ bɛɛ pwɩɩ fanɛ yɛ fan gyɛ alibi awaapʋ gbaa mʋ, bee biti ba baa bee wu fanɛ awaasa danbɩrasa, kɛ ba bʋnyaa Ɩbwaarɛ kakɛ mʋ nɩɩ ee biti ɔ ba talɛ asa awaasa mʋ.

1 Pi 2:14

yɛ bamʋ nɩɩ o sun fɛɛ ba ba bɩɩtɛ bamʋ nɩɩ ba waa alibi mʋ asʋ, kɛ ba yɩn bamʋ nɩɩ ba waa adanbɩrasa mʋ.

1 Pi 3:16

Amaa fan taa bwahn kɩwaa yɛ bɛɛrɛɛ lɛɛ bamʋ nnɔ, kɛ ɩ yɛgɛ fanɛ amu tɔ ɛɛ saaŋɛ fanɛ. Ɩnɩmʋ ii biti ɩ yɛgɛ bamʋ nɩɩ bɛɛ tɔwɛ bɛɛ pwɩɩ fanɛ lɩɩ Krisito tɔ kakyɩna danbɩrasa mʋ nɩɩ fan bʋ kɩmʋ tɔ mʋ, be gyii ipeeli.

1 Pi 4:15

Amaa fan man yɛgɛ fanɛ tɔ ɔkʋ o gyii awʋrʋfɔ fɛɛ ɔ gyɛ asa ɔmɔɔpʋ abɛɛ oyu abɛɛ asɩn libi ɔwaapʋ abɛɛ ɔmʋ nɩɩ ɛɛ taa mʋ kɔnɔ ɛɛ waa asa asɩn tɔ.