2 Ti 2:11 - Nawuri

¹¹ Katɔwɛ nɩmʋ gyɛ kesintin nɩn, nɩɩ an kan wu yɛ mʋ bɩrɛ, an biti a kyɩna nkpa tɔ yɛ mʋ.

2 Ti 2:11 Iomraidhean Croise

Gyɔn 14:19

Ɩ san gbɛrɛɛ, dulinyaa abi ba man bɩla yɛ ba wu mɛ. Amaa fanɛɛ fanɛ bɩrɛ fen biti fan wu mɛ. Lɩɩ fɛɛ n maa tɛ nkpa tɔ falɛ, fanɛ gbaa fanɛ fen biti fan baa fan tɛ nkpa tɔ.

Roma abi 6:5

Fɛɛ anaa mʋ a maa gyɛ kʋkʋlʋn lɩɩ mʋ kelewu mʋ sʋ mʋ, kanɩn maŋa sʋ nɩɩ anaa mʋ an biti a ba an gyɛ kʋlʋn lɩɩ mu kikyiŋi bwii ba nkpa tɔ mʋ.

Roma abi 6:8

Fɛɛ anaa Krisito a maa wu falɛ mʋ, an kɔɔlɛ gyii fɛɛ anaa mʋ an biti a bʋga kyɩna.

2 Ko 13:4

Lɩɩ fɛɛ ɩ gyɛ kesintin fɛɛ mu keyuuli sʋ nɩɩ ba da mʋ mata oyu laasa sʋ, amaa lɩɩ Ɩbwaarɛ ɔlʋn tɔ sʋ mʋ ɔ tɛ nkpa tɔ. Kanɩn nɩɩ anɛ gbaa anɛ an yuuli fɛɛ mʋ, amaa lɩɩ Ɩbwaarɛ ɔlʋn tɔ sʋ mʋ, an tii Krisito sʋ kɛ a bʋga kyɩna sun fanɛ.

2 Ko 4:10

Saŋa kʋmaa an sʋ Yesu kelewu mʋ anɛ n‐yɩɩ tɔ nɩn, kɛ Yesu nkpa mʋ nɩɩ ɔ sʋ mʋ kɩ nyɛ lɩɩ anɛ kayɩɩ‐wʋlɛ tɔ kaapʋ.

1 Te 4:17

Ɩmʋ kamaa mʋ, anɛ mʋ nɩɩ an sii nɩɩ an san an bʋ nkpa tɔ mʋ, ee biti ɔ kɩtaa anɛ bʋga bamʋ tɔ abwaarɛ‐wʋlɛ tɔ, kɛ a naa gyaŋa Ɔnyɩrɩpɛ mʋ sʋsʋ. Kɛ a naa kyɩna yɛ Ɔnyɩrɩpɛ mʋ kakpaa.

1 Te 5:10

Yesu Krisito wu sa anɛ nɩn, ɩmʋ sʋ an kan an tɛ nkpa tɔ nɩn oo, abɛɛ an wu nɩn oo, anaa mʋ a bʋga kyɩna.

1 Ti 1:15

Katɔwɛ nɩmʋ gyɛ kesintin nɩn, nɩɩ i tiri fɛɛ ɔkʋmaa ɔ kɔɔlɛ ɩmʋ gyii. Asɩn mʋ ɩ gyɛ yɛ, Krisito Yesu ba dulinyaa tɔ nɩn yɛ ɔ ba mɔlɩgɛ alibi awaapʋ, nɩɩ bamʋ tɔ kpini mʋ, mɛ ɩ gyɛ olibilibi mʋ.

1 Ti 3:1

Katɔwɛ nɩmʋ gyɛ kesintin nɩn, yɛ ɔkʋ kan ee biti Krisito kʋbʋ ɔbɩlɩsa kusun mʋ, ee biti kusun kparɛ nɩn.

Titusi 3:8

Katɔwɛ nɩmʋ gyɛ kesintin nɩn. Nɩɩ n biti fɛɛ fu bwii pɩla asɩn nɩmʋ tɔ, kɛ bamʋ nɩɩ ba kɔɔlɛ Ɩbwaarɛ gyii mʋ, ba taa bamʋ n‐yɩɩ sa kɩdanbɩrasa kɩwaa. Falɛ atɔ nɩmʋ ɩ bʋrɔn gaa nɩɩ ɩ sʋ tɔnɔ sa ɔkʋmaa nɩmʋ.