2 Ti 1:8 - Nawuri

⁸ Ɩmʋ sʋ ɩ́ man waa fʋ ipeeli fɛɛ, fʋ maa tɔwɛ kesintin asɩn lɩɩ anɛ‐Nyɩrɩpɛ mʋ sʋ, abɛɛ ɩ́ waa fʋ ipeeli lɩɩ mɛ sʋ fɛɛ ba maa tii mɛ obu. Amaa fʋ gbaa fu gyii awʋrʋfɔ sa asɩn danbɩrasa mʋ, lɩɩ ɔlʋn mʋ nɩɩ Ɩbwaarɛ taa sa fʋ mʋ sʋ.

2 Ti 1:8 Iomraidhean Croise

Maki 8:38

Nɩɩ ɔkʋ kan waa ipeeli lɩɩ mɛ yɛ mɛ kɩkaapʋ sʋ, nbɩɩnbɩɩ kakyɩna nɩmʋ tɔ abi mʋ nɩɩ alibi yɛ Ɩbwaarɛ kɩman‐sɩlɛ kɩ bʋ bamʋ tɔ falɛ mʋ, kanɩn maŋa nɩɩ mɛ, Daadimaadi Obii‐nyɩnsa mʋ kan ba yɛ Ɩbwaarɛ bʋnyaa yɛ mʋ sʋsʋ nbɔɔ mʋ, ngbaa mɛ ii biti ɩ baa ɩ sʋ mɛ ipeeli sa kanɩn ɔsa maŋa.”

Luka 9:26

Nɩɩ ɔkʋmaa mʋ nɩɩ ɩ sʋ mʋ ipeeli lɩɩ mɛ yɛ mɛ asɩn mʋ sʋ mʋ, kanɩn maŋa nɩɩ ii biti ɩ baa ɩ sʋ mɛ, Daadimaadi Obii‐nyɩnsa mʋ ipeeli sa kanɩn ɔsa maŋa, lɩɩ kakɛ mʋ nɩɩ maa Mɛ‐Sɛ yɛ mʋ nbɔɔ kyɩrɛkyɩrɛ mʋ an biti a ba bʋnyaa tɔ mʋ.

Gyɔn 15:27

Nɩɩ ɩ dagaa fanɛ gbaa fanɛ fan gyii mɛ n‐yɩɩ sʋ kesintin, lɩɩ fɛɛ fan bʋ mɛ asɛ lɩɩ npiili asɛ.

Gyɔn 19:35

Ɔmʋ nɩɩ o wu ɩmʋ yɛ ansi ɩ maa waa mʋ, mʋ ii gyii ɩmʋ kesintin, kɛ fan nyɛ kɔɔlɛ gyii. Nɩɩ ɩmʋ nɩɩ ɔ tɔwɛ mʋ ɩ gyɛ kesintin, nɩɩ o nyi fɛɛ mʋ asɩn mʋ gyɛ kesintin.

Krisito Asunpu mʋ kusun 5:41

Asunpu mʋ ba lɩɩ Ɩsɩrayɩ kʋbʋ‐kʋbʋ mʋ tɔ kpini abɩlɩsa mu ansi tɔ, taa kensi‐gyii fɛɛ, Ɩbwaarɛ kalɛ bamʋ tii bamʋ nɩɩ ba wu awʋrʋfɔ lɩɩ Yesu kɩtɩɩ tɔ mʋ sʋ.

Roma abi 1:16

Ɩ man sʋ mɛ ipeeli lɩɩ asɩn danbɩrasa mʋ sʋ, lɩɩ fɛɛ ɩmʋ ɩ gyɛ Ɩbwaarɛ ɔlʋn mʋ nɩɩ ɩɩ sa ɔsa kʋmaa mʋ nɩɩ ɔ kɔɔlɛ gyii mʋ kamɔlɩgɛ. Gyiwu abi mʋ ɩ gyankpaa kɔɔlɛ gyii, yɛ bamʋ nɩɩ ba man gyɛ Gyiwu abi mʋ gbaa.

Roma abi 16:25

Fan yɛgɛ a taa bʋnyaa sa Ɩbwaarɛ, lɩɩ fɛɛ mʋ ɩ taalɛ yɛgɛ fan nyɛ ɔlʋn yɩlɛ fanɛ kɩkɔɔlɛ‐gyii mʋ tɔ, fɛɛ kanan mʋ nɩɩ n tɔwɛ Asɩn danbɩrasa mʋ lɩɩ Yesu Krisito sʋ mʋ. Kanɩn asɩn mʋ ɩ gyɛ kesintin asɩn mʋ nɩɩ ɩ baala lɩɩ koo dɩdaa mʋ.

Roma abi 8:36

N tɔwɛ kanɩn lɩɩ fɛɛ Asɩnkyan yɩlasa mʋ ɩ tɔwɛ yɛ, “O! Ɩbwaarɛ, kpalɩ fʋ sʋ bɛɛ mɔɔ anɛ kakɛ kʋmaa, nɩɩ ba taa anɛ waa fɛɛ nbʋlʋpʋ mʋ nɩɩ bee biti ba naa mɔɔ bamʋ mʋ.”

Roma abi 9:33

fɛɛ kanan mʋ nɩɩ Ɩbwaarɛ tɔwɛ lɩɩ Yesu mʋ nɩɩ ɔ yɩlɛ sa kubuu nɩmʋ asɩn Asɩnkyan yɩlasa mʋ tɔ yɛ, “Fan kɩɩ! N taa kubuu mʋ nɩɩ kɩ yɛgɛ asa ba siti mʋ yɩla Siyon kadɛ tɔ. Kɛ kanɩn kɩfʋlɛ‐buu maŋa kɩ yɛgɛ asa ba lɩɩ bɛɛ tɩyɛ. Amaa ɔkʋmaa mʋ nɩɩ ɔ kɔɔlɛ mʋ gyii mʋ, mɛɛ yɛ o gyii ipeeli.”

1 Ko 1:6

Lɩɩ fɛɛ Yesu Krisito asɩn mʋ nɩɩ an lɛɛ tɔwɛ fanɛ mʋ ɩ kyɩna fanɛ tɔ danbɩrasa.

2 Ko 6:7

An tɔwɛ kesintin asɩn mʋ, nɩɩ Ɩbwaarɛ ɔlʋn mʋ waa kusun anɛ tɔ. An sʋ ɩkpa kyiigisa fɛɛ adʋntɔ, kɛ a taa kun kɛ a taa kɔ.

Efeso abi 3:1

Lɩɩ falɛ sʋ, mɛ Pɔɔlɩ, mʋ nɩɩ ba tii mɛ obu Krisito Yesu sʋ, lɩɩ Krisito asɩn mʋ nɩɩ n tɔwɛ n sa fanɛ mʋ nɩɩ fan man gyɛ Gyiwu abi mʋ sʋ mʋ, n kʋlɛ Ɩbwaarɛ n sa fanɛ.

Efeso abi 3:13

Ɩmʋ sʋ n tɔwɛ fanɛ yɛ, fan man yɛgɛ fanɛ abaa ɩ yɔɔ, lɩɩ awʋrʋfɔ mʋ nɩɩ n wu fanɛ sʋ falɛ. Ɩnɩmʋ ii biti ɩ bɩya fanɛ tɔnɔ.

Efeso abi 4:1

Kanɩn sʋ, mɛ mʋ nɩɩ ba tii mɛ obu kpalɩ kusun mʋ nɩɩ n sun n sa Ɔnyɩrɩpɛ mʋ sʋ mʋ, n kʋlɛ fanɛ yɛ, fan kyɩna kakyɩna mʋ nɩɩ kɩ dagaa yɛ kɩtɩɩ mʋ nɩɩ ɔ tɩɩ fanɛ ba waa mʋ lɛɛ mʋ.

Efeso abi 4:17

Ɩmʋ sʋ n tɔwɛ fanɛ ɩnɩmʋ, nɩɩ n yɩlɛ ɩmʋ sʋ Ɔnyɩrɩpɛ kɩtɩɩ tɔ yɛ, fan man kyɩna fɛɛ bamʋ nɩɩ be mee sun Ɩbwaarɛ mʋ. Falɛ asa nfɛɛrɛ ɩ man sʋ kyaarɛ.

Filipi abi 1:7

Kpalɩ fɛɛ saŋa kʋmaa fan maa bʋ mɛ kɔkɔlɔ tɔ sʋ mʋ, ɩmʋ ɔkpa nɩn fɛɛ n fɛ falɛ nfɛɛrɛ nɩmʋ lɩɩ fanɛ sʋ. Halɩɩ n maa bʋ obu tiisa tɔ gbaa mʋ, abɛɛ n maa kɔ n kun asɩn danbɩrasa mʋ yɛ ɩ yɩlɛ mʋ, fanɛ kpini fan taa fanɛ n‐yɩɩ tii Ɩbwaarɛ kusun mʋ nɩɩ ɔ taa bwaala mɛ mʋ sʋ.

Filipi abi 3:10

Nɩɩ kʋtɔ mʋ nɩɩ n biti ɩ gyɛ fɛɛ, n baa n nyi Krisito yɛ mʋ kelewu kyiŋi ɔlʋn mʋ, kɛ n gyii mʋ awʋrʋfɔ mʋ ɩkʋ, kɛ n ba waa fɛɛ n wu bʋga yɛ mʋ,

Filipi abi 4:13

N taalɛ waa kʋtɔ kʋmaa nɩmʋ lɩɩ ɔlʋn mʋ nɩɩ Krisito ɩɩ sa mɛ mʋ sʋ.

Kolose abi 1:11

An kʋlɛ Ɩbwaarɛ yɛ ɔ sa fanɛ ɔlʋn kparɛ lɩɩ mʋ bʋnyaa ɔlʋn mʋ tɔ, saamʋ fɛn nyɛ‐nyɛ kenyiita yɛ nkɔlɔ yɩlɛ tɔ. Fan yɛgɛ fanɛ ansi i gyii,

Kolose abi 1:24

Nbɩɩnbɩɩ mi ansi i gyii fɛɛ n man gyii awʋrʋfɔ sa fanɛ. Lɩɩ fɛɛ mɛ awʋrʋfɔ tɔ mʋ, ngbaa mɛ n wu Krisito awʋrʋfɔ mʋ nɩɩ ɩ san mʋ sa mʋ asa, mʋ nɩɩ ba gyɛ mʋ kʋbʋ kpini mʋ.

1 Te 3:4

Kesintin tɔ, saŋa mʋ nɩɩ an bʋ fanɛ asɛ mʋ, an taalɛ an tɔwɛ fanɛ fɛɛ an biti an nyɛ kanyanla. Nɩɩ ɩ ba kanɩn kesintin fɛɛ kanan mʋ nɩɩ fan nyi mʋ.

1 Ti 2:6

nɩɩ mʋ ɩ taa mʋ nkpa lɛɛ saraga wu kɔɔlɛ asa kpini, ɩnɩmʋ ɩ gyɛ adansɛ asɩn mʋ nɩɩ Ɩbwaarɛ lɛɛ kaapʋ saŋa mʋ nɩɩ ɩ dagaa.

2 Ti 1:10

Amaa nbɩɩnbɩɩ ɔ bɔla anɛ Ɔmɔlɩgɛpʋ Krisito Yesu kɩba mʋ sʋ ba lɛɛ kabwaala nɩmʋ kaapʋ anɛ, nɩɩ ɔ bɔla asɩn danbɩrasa mʋ sʋ nyita lewu ɔlʋn mʋ, nɩɩ ɔ lɛɛ nkpa mʋ nɩɩ kɩ man sʋ ɔkaa mʋ ifuli.

2 Ti 1:12

Kanɩn sʋ nɩɩ n gyii ɩnɩmʋ awʋrʋfɔ falɛ. Amaa ɩ man sʋ mɛ ipeeli, lɩɩ fɛɛ n nyi ɔmʋ nɩɩ n kɔɔlɛ mʋ gyii, nɩɩ n nyi kesintin tɔ fɛɛ ɛɛ taalɛ kun kʋtɔ mʋ nɩɩ n taa waa mʋ abaa tɔ naa fʋʋ mʋ kakɛ laalaalʋwɛ mʋ.

2 Ti 1:16

N kʋlɛ Ɔnyɩrɩpɛ fɛɛ o wu Onesiforu kɩkpaara sʋ abi kpini kʋwɛɛ, lɩɩ fɛɛ saŋa kʋmaa ɛɛ yɛgɛ mɛ kɔkɔlɔ kii fuuli mɛ. Nɩɩ ɩ man sʋ mʋ ipeeli fɛɛ ba tii mɛ obu gbaa.

2 Ti 2:3

Yɩlɛ tɔ gyii awʋrʋfɔ yɛ anɛ, fɛɛ Krisito Yesu ɔnaakɔpʋ danbɩrasa.

2 Ti 2:8

Nyiŋi Yesu Krisito mʋ nɩɩ ɔ lɩɩ owura Dawidi kanan tɔ nɩɩ Ɩbwaarɛ kyiŋi mʋ lɩɩ lewu tɔ mʋ. Ɩnɩmʋ ɩ gyɛ asɩn danbɩrasa mʋ nɩɩ n tɔwɛ mʋ,

2 Ti 2:9

nɩɩ n gyii ɩmʋ awʋrʋfɔ falɛ, halɩɩ ba taa agbeeleebi ŋmina mɛ fɛɛ maa gyɛ alibi ɔwaapʋ. Amaa Ɩbwaarɛ asɩn mʋ bɩrɛ, ɔkʋ mɛɛ taalɛ taa agbeeleebi ŋmina ɩmʋ.

2 Ti 4:17

Amaa Ɩbwaarɛ yɩlɛ mɛ kamaa nɩɩ ɔ sa mɛ ɔlʋn, nɩɩ n nyɛ tɔwɛ asɩn mʋ lʋwɛ, nɩɩ bamʋ nɩɩ ba man gyɛ Gyiwu abi mʋ gbaa ba nu ɩmʋ. Nɩɩ Ɩbwaarɛ lɛɛ mɛ lɩɩ bɩranɛ kɔnɔ tɔ.

2 Ti 4:5

Amaa fɛɛ fʋ bɩrɛ, baa fʋ da fu kumu sʋ asɩn kʋmaa nɩmʋ tɔ, nyɛ kɔkɔlɔ yɩlɛ awʋrʋfɔ tɔ, waa asɩn danbɩrasa kusun mʋ ɔtɔwɛpʋ, sun fʋ kusun kanan mʋ nɩɩ ɩ dagaa naa lʋwɛ.

1 Pi 1:5

Nɩɩ lɩɩ fanɛ kɩkɔɔlɛ‐gyii sʋ mʋ, Ɩbwaarɛ ɔlʋn ii kun fanɛ naa fʋʋ saŋa mʋ nɩɩ ee biti ɔ lɛɛ kamɔlɩgɛ mʋ kaapʋ kakɛ laalaalʋwɛ mʋ.

1 Gy 4:14

Nɩɩ an wu yɛ anɛ ansi, nɩɩ ana gyii ɩmʋ kesintin fɛɛ Ɔsɛ Ɩbwaarɛ sun Mu‐Bii Yesu Krisito yɛ ɔ ba waa dulinyaa tɔ Ɔmɔlɩgɛpʋ.

Gyudi 1:24

Fan yɛgɛ a yɩn Ɩbwaarɛ, mʋ ɩ gyɛ ɔmʋ nɩɩ ɛɛ taalɛ yɛgɛ fan man lɩɩ tɩyɛ, kɛ ɔ taa fanɛ yɩlɛ mʋ bʋnyaa mu ansi tɔ yɛ kɔkɔlɔ fuuli, yɛgɛ fanɛ n‐yɩɩ sʋ man sʋ asɩn pwɩɩsa kʋ.

Asɩnlɛɛ kaapʋsa 1:2

Nɩɩ mɛ Gyɔn, ɩ tɔwɛ kʋtɔ kʋmaa mʋ nɩɩ Ɩbwaarɛ maa Yesu Krisito tɔwɛ nɩɩ ɔ lɛɛ kaapʋ mɛ mʋ.

Asɩnlɛɛ kaapʋsa 1:9

Mɛ, Gyɔn mʋ nɩɩ n gyɛ fanɛ bɩrɩsa, lɩɩ Yesu sʋ mʋ n gyii awʋrʋfɔ fɛɛ kanan mʋ nɩɩ fen gyii mʋ, lɩɩ an maa gyɛ mu kuwura‐gyii mʋ tɔ asa sʋ mʋ. Amaa an nyɛ kenyiita yɩlɛ tɔ. Lɩɩ Ɩbwaarɛ asɩn kɩtɔwɛ yɛ Yesu asɩn kɩlɛɛ tɔwɛ sʋ mʋ, ba kɩtaa mɛ naa tʋʋ Patimose kifintin mʋ sʋ.

Asɩnlɛɛ kaapʋsa 12:11

Nɩɩ anɛ tɔɔmaa ana ba taa Kabʋlʋpʋ mʋ nkalan, yɛ Ɩbwaarɛ asɩn mʋ kesintin kɩlɛɛ tɔwɛ mʋ gyii Sɩtaanɛ sʋ, nɩɩ ba man taa bamʋ n‐yɩɩ tɩɩ sɛhn, amaa ba taa bamʋ nkpa yɩlɛ tɔ sa lewu.

Asɩnlɛɛ kaapʋsa 19:10

Nɩɩ n muŋa mʋ ayaa tɔ kɛ n sun mʋ. Amaa nɩɩ ɔ tɔwɛ mɛ yɛ, “Man waa kanɩn! Ngbaa mɛ n gyɛ Ɩbwaarɛ osunpu nɩn fɛɛ fʋ, yɛ fʋ tɔɔmaa ana mʋ nɩɩ ba sʋ Yesu asɩn mʋ tɔ kesintin mʋ. Muŋa sun Ɩbwaarɛ! Lɩɩ fɛɛ kesintin asɩn mʋ nɩɩ Yesu lɛɛ kaapʋ mʋ, ɩmʋ ɩ gyɛ ɩmʋ nɩɩ Kayaayu yɛgɛ nɩɩ mʋ atɔwɛpʋ mʋ bɛɛ tɔwɛ.”