1 Ti 5:5 - Nawuri

⁵ Okulapu‐kyɩɩ mʋ nɩɩ ɔ tɛ mʋ kɩbaa sʋ, nɩɩ ɔ man sʋ ɔkɩɩsʋpʋ mʋ, ɛɛ taa mʋ tamaa gyaga Ɩbwaarɛ sʋ nɩn, nɩɩ ɛɛ kʋlɛ kabwaarɛ‐kʋlɛ kakyʋwapɛ yɛ kagyanbwɛ, ɛɛ kʋlɛ Ɩbwaarɛ yɛ ɔ kyɛ mʋ tɔ.

1 Ti 5:5 Iomraidhean Croise

Luka 18:1

Nɩɩ Yesu bɔ mʋ abɩɩlapʋ kɩŋasan mʋ nɩɩ kɩɩ kaapʋ bamʋ fɛɛ, ba ba bɛɛ kʋlɛ kabwaarɛ kʋlɛ saŋa kʋmaa, kɛ ba man yɛgɛ bamʋ n‐yɩɩ nnyɔ bamʋ.

Luka 18:7

Nɩɩ ɩ gyɛ kanɩn bɩrɛ mʋ, mɩnɛ ɩ waa nɩɩ Ɩbwaarɛ mɛɛ yɛ o gyii kesintin sa bamʋ nɩɩ ba gyɛ mʋ lɛɛ mʋ, nɩɩ bee su bɛɛ tɩɩ mʋ kakyʋwapɛ yɛ kagyanbwɛ? Abɛɛ ee biti ɔ kyaga sʋ ee kina?

Luka 2:37

Ɔ kyɩna kukula mʋ tɔ naa fʋʋ saŋa mʋ nɩɩ o gyii nsu aduburuwa yɛ ana. Saŋa kʋmaa kagyanbwɛ yɛ kakyʋwapɛ ee sun Ɩbwaarɛ. Ɔ mɛɛ lɩɩ kabwaarɛ‐sunkpa ayɛ tɔ. Ɔ bʋ tʋtɔ nɩn ee ŋmina kɔnɔ yɛgɛ ɛɛ kʋlɛ kabwaarɛ‐kʋlɛ.

Krisito Asunpu mʋ kusun 26:7

Falɛ kɔkɔlɔ mʋ nɩɩ Ɩbwaarɛ da mʋ sʋ, nɩɩ Ɩsɩrayɩ abi nbunɔ kudu anyɔ ba sʋ tamaa yɛ bee biti ba nyɛ sʋ, nɩɩ bee sun Ɩbwaarɛ kakyʋwapɛ yɛ kagyanbwɛ. Owura danbɩrasa, falɛ tamaa nɩmʋ sʋ nɩɩ Gyiwu abi mʋ bɛɛ pwɩɩ mɛ.

Krisito Asunpu mʋ kusun 6:1

Saŋa mʋ nɩɩ Yesu abuupu mʋ ba nyɛ akyɔ mʋ, kamɔɔrɛ‐gyii kɩ ba Gyiwu ndɛ‐bii mʋ nɩɩ bɛɛ tɔwɛ Giriki mʋ yɛ Gyiwu ndɛ‐bii mʋ nsana. Ba fabɩlɛ yɛ Gyiwu ndɛ‐bii mʋ ba mɛɛ sa bamʋ akulapu‐kyɩɩ atɔ barɩgɛsa kanan mʋ nɩɩ ɩ dagaa.

Krisito Asunpu mʋ kusun 9:39

Ɩmʋ sʋ Pita maa bamʋ nɩɩ ba sun mʋ asɛ mʋ, ba bwii kpee Gyopa. Nɩɩ ba taa Pita kpee abansʋrʋ obu mʋ tɔ, ntɩn mʋ nɩɩ obuni mʋ dɛ mʋ. Nɩɩ akulapu‐kyɩɩ mʋ nɩɩ ba bʋ obu mʋ tɔ mʋ kpini, ba kyaabɔɔ Pita bɛ sawʋ yɛgɛ ba sʋ atɔ bunsa mʋ nɩɩ Dokasi baata sa bamʋ saŋa mʋ nɩɩ ɔ tɛ nkpa tɔ mʋ bɛɛ kaapʋ Pita.

Krisito Asunpu mʋ kusun 9:41

Nɩɩ Pita kɩtaa mʋ kɩbaa tɔ kʋsaa mʋ yɩlɛ. Tʋtɔ nɩɩ ɔ tɩɩ akɔɔlɛ‐gyipu yɛ akulapu‐kyɩɩ mʋ taa ɔkyɩɩ mʋ nɩɩ o kyiŋi mʋ sa bamʋ.

Roma abi 1:12

Ɩmʋ ɩ gyɛ fɛɛ a kpan anɛ n‐yɩɩ kɛ a taa kɩkɔɔlɛ‐gyii mʋ nɩɩ an bʋ kɩmʋ tɔ falɛ kyɛ abaa tɔ.

Roma abi 1:5

Lɩɩ mʋ yɛ mʋ kɩtɩɩ sʋ Ɩbwaarɛ sa anɛ kabwaala, nɩɩ ɔ waa anɛ Krisito kusun asunpu, kɛ a tɔwɛ kaapʋ bamʋ nɩɩ ba man gyɛ Gyiwu abi, kɛ ba nu asɩn mʋ kasɛ kɛ ba kɔɔlɛ Krisito mʋ gyii.

1 Ko 7:32

N biti fɛɛ fan lɛɛ fanɛ n‐yɩɩ lɩɩ nfɛɛrɛ kɩbansa tɔ. Nɩɩ ɔnyɩn mʋ nɩɩ ɔ man sʋ ɔkyɩɩ mʋ, Ɔnyɩrɩpɛ mu kusun i tiri mʋ, lɩɩ fɛɛ ɛɛ kpan mʋ n‐yɩɩ ɛɛ waa kusun kanan mʋ nɩɩ i gyii Ɔnyɩrɩpɛ ansi.

1 Ko 7:34

Ɩmʋ sʋ nfɛɛrɛ nnyɔ‐nnyɔ nɩɩ ɔ sʋ. Nɩɩ ɔkyɩɩ mʋ nɩɩ ɔ man kili mʋ mɔɔ Ɔnyɩrɩpɛ mu kusun i tiri mʋ. Lɩɩ fɛɛ ɩmʋ ɩ gyɛ fɛɛ ɔ taa mʋ n‐yɩɩ yɛ mʋ kala kpini sa Ɔnyɩrɩpɛ. Amaa ɔkyɩɩ‐kilipu bɩrɛ mʋ nfɛɛrɛ ɩ gyan dulinyaa asɩn sʋ nɩn, yɛ kanan mʋ nɩɩ ee biti ɔ waa kɛ o gyii mu‐kuli ansi.

Efeso abi 6:18

Kɛ fan taa Kayaayu mʋ ɔlʋn kʋlɛ kabwaarɛ‐kʋlɛ kʋtɔ kʋmaa tɔ, kɛ Ɩbwaarɛ ɔ kyɛ fanɛ tɔ. Lɩɩ ɩnɩmʋ sʋ mʋ, fan baa fan da sʋ, kɛ fan waa aniya kʋlɛ kabwaarɛ‐kʋlɛ saŋa kʋmaa fɛn sa Ɩbwaarɛ asa mʋ kpini.

Filipi abi 4:6

Fan man yɩyɛɛ lɩɩ kʋtɔ kʋ sʋ, amaa kʋtɔ kʋmaa tɔ mʋ, fɛn kʋlɛ kabwaarɛ kʋlɛ fwaala Ɩbwaarɛ kɛ fɛn taa fanɛ asɩn tirisa kpini tʋʋ mu ansi tɔ.

1 Ti 2:1

Kanɩn sʋ, kʋtɔ mʋ nɩɩ ki tiri nɩɩ n kʋlɛ yɛ fan waa mʋ ɩ gyɛ yɛ, fan taa asa asɩn tirisa tʋʋ Ɩbwaarɛ ansi tɔ, kɛ fan kʋlɛ kabwaarɛ kʋlɛ, kɛ fan yɩlɛ bamʋ ayaa tɔ kʋlɛ Ɩbwaarɛ sa bamʋ, kɛ fan taa afwaala sa Ɩbwaarɛ.

1 Ti 5:16

Nɩɩ ɔkyɩɩ‐kɔɔlɛ‐gyipu kʋ kan ɔ sʋ akulapu‐kyɩɩ mʋ nɩɩ ba gyɛ mʋ kʋʋpʋ ana mʋ, ɩ dagaa maa kyɛ bamʋ tɔ kɛ ɩ man waa kasʋla sa Krisito kʋbʋ mʋ, saamʋ Krisito kʋbʋ mʋ ɩ nyɛ kyɛ akulapu‐kyɩɩ mʋ nɩɩ i tiri bamʋ mʋ tɔ.

1 Ti 5:3

Taa bɛɛrɛɛ sa akulapu‐kyɩɩ mʋ nɩɩ ba tɛ bamʋ abaa sʋ, kɛ fʋ kɩɩ bamʋ sʋ.

2 Ti 1:3

N fwaala Ɩbwaarɛ mʋ nɩɩ n sun mʋ yɛgɛ n man sʋ alibi akʋ fɛɛ kanan mʋ nɩɩ mɛ naana ana ba daa sun mʋ mʋ. Saŋa kʋmaa n nyiŋi fʋ sʋ mɛ kabwaarɛ‐kʋlɛ tɔ kagyanbwɛ yɛ kakyʋwapɛ.

1 Pi 3:5

Lɩɩ fɛɛ dɩdaa akyɩɩ mʋ nɩɩ bee sun Ɩbwaarɛ nɩɩ ba sʋ tamaa mʋ tɔ mʋ, kanɩn ɔkpa nɩmʋ sʋ nɩɩ ba taa waa bamʋ n‐yɩɩ ɔdan. Ɩmʋ ɩ gyɛ fɛɛ ba maa bɩya bamʋ n‐yɩɩ kasɛ sa bamʋ‐kuli ana.