1 Ti 3:11 - Nawuri

¹¹ Kanɩn ɔkpa maŋa sʋ, i tiri fɛɛ bamʋ akyɩɩ ana gbaa ba baa ba sʋ bɛɛrɛɛ, nɩɩ ba man gyɛ akyɩɩ mʋ nɩɩ bee nyita asa atɩɩ, amaa bamʋ nfɛɛrɛ ɩ dɛ, nɩɩ asa ba kɔɔlɛ bamʋ gyii kʋtɔ kʋmaa nɩmʋ tɔ.

1 Ti 3:11 Iomraidhean Croise

Matiwu 4:1

Tʋtɔ nɩɩ Kayaayu mʋ sʋla Yesu kpee ofuli sʋ, kɛ Sɩtaanɛ ɔ naa tʋʋ mʋ tɔ kɩɩ.

Gyɔn 6:70

Tʋtɔ nɩɩ Yesu lɛɛ bamʋ kɔnɔ yɛ, “Man gyɛ fanɛ kudu anyɔ mʋ, nɩɩ n lɛɛ? Amaa fanɛ tɔ ɔkʋ gyɛ Sɩtaanɛ.”

Roma abi 1:29

Nɩɩ ɩ yɛgɛ nɩɩ ba kyaga sʋ bɛɛ waa asun libi, kensi payɩ libi, kikisi libi, kɩmɔɔ, kamɔɔrɛ‐gyii, npɩna, kɩkɩɩ ansi waa asɩn libi yɛ asa kukuli,

1 Ti 1:12

N sʋ afwaala n sa anɛ‐Nyɩrɩpɛ Krisito Yesu, mʋ nɩɩ ɔ sa mɛ ɔlʋn yɛ n waa kusun, nɩɩ o wu mɛ fɛɛ kesintin‐gyipu, nɩɩ ɔ lɛɛ mɛ yɛ n ba waa mu kusun mʋ.

1 Ti 3:2

Ɩmʋ sʋ ɩ dagaa fɛɛ Krisito kʋbʋ ɔbɩlɩsa maa gyɛ nyɩmɩsa mʋ nɩɩ mʋ n‐yɩɩ sʋ man sʋ asɩn, nɩɩ o kili ɔkyɩɩ kʋlʋn kpen, nɩɩ mʋ nfɛɛrɛ ɩ dɛ, nɩɩ ɛɛ kɩtaa mʋ n‐yɩɩ, nɩɩ ɔ sʋ bɛɛrɛɛ, nɩɩ ɛɛ kɔɔlɛ afɔ, nɩɩ ɛɛ taalɛ kaapʋ,

1 Ti 6:2

Anyɛ mʋ nɩɩ bamʋ‐nyɩrɩpɛ ana ba gyɛ akɔɔlɛ‐gyipu mʋ, ba man kɔɔgɛ bɛɛrɛɛ mʋ nɩɩ ba sʋ sa bamʋ mʋ sʋ, fɛɛ ba maa bamʋ ba maa gyɛ kʋkʋlʋn Krisito tɔ mʋ sʋ. Amaa ɩ dagaa fɛɛ ba sun bamʋ kɔkɔlɔ fuuli tɔ, lɩɩ fɛɛ anyɩrɩpɛ mʋ nɩɩ bɛɛ nyɛ tɔnɔ bɛɛ lɩɩ anyɛ mʋ kusun tɔ mʋ, ba gyɛ akɔɔlɛ‐gyipu nɩɩ anyɛ mʋ ba sʋ kebiti sa bamʋ. Falɛ asɩn nɩmʋ i tiri fɛɛ fʋ kaapʋ bamʋ, kɛ fʋ waa bamʋ aniya tɔ kɛ ba buu ɩmʋ.

2 Ti 3:3

nɩɩ ba mɛɛ yɛ bɛ nyɛ kebiti sa ɔkʋ, nɩɩ be mee wu ɔkʋ kʋwɛɛ, nɩɩ bee biti ba nyita asa kɩtɩɩ, nɩɩ ba mɛɛ taalɛ kɩtaa bamʋ n‐yɩɩ, nɩɩ asa bee biti ba sɩlɛ bamʋ, nɩɩ bee biti ba kisi kɩdanbɩrasa,

2 Ti 4:5

Amaa fɛɛ fʋ bɩrɛ, baa fʋ da fu kumu sʋ asɩn kʋmaa nɩmʋ tɔ, nyɛ kɔkɔlɔ yɩlɛ awʋrʋfɔ tɔ, waa asɩn danbɩrasa kusun mʋ ɔtɔwɛpʋ, sun fʋ kusun kanan mʋ nɩɩ ɩ dagaa naa lʋwɛ.

Titusi 2:3

Kanɩn maa nɩɩ fʋ tɔwɛ akyɩɩ‐nyi mʋ fɛɛ ba kyɩna kakyɩna mʋ nɩɩ ɩ dagaa fɛɛ Krisito abuupu ba kyɩna mʋ. Ba man natɛ nyita asa atɩɩ abɛɛ ba baa bɛ gyɛ atabʋʋpʋ, amaa ba kaapʋ ɩmʋ nɩɩ ɩ bʋrɔn.

Titusi 3:2

kɛ ba man tɔwɛ asɩn libi gyaga ɔkʋ sʋ, amaa ba nyɛ keyuula yɛ abaa, kɛ ba baa bee su bɛɛ sa abaa, kɛ ba bɩya bamʋ n‐yɩɩ kasɛ sa ɔkʋmaa nɩmʋ.

1 Pi 5:8

Fan kɩtaa fanɛ n‐yɩɩ, yɛgɛ fan da sʋ. Fanɛ okisipu, Sɩtaanɛ mʋ, ɔ naa ɛɛ kyaabɔɔ fɛɛ kuntun mʋ nɩɩ ee biti ɔkʋ ɔ kɩtaa wɛ.