1 Ti 2:7 - Nawuri

⁷ Kanɩn maŋa sʋ nɩɩ Ɩbwaarɛ lɛɛ mɛ waa asɩn mʋ kabɔɔ yɛ Krisito osunpu. Nɩɩ n gyɛ kesintin yɛ kɩkɔɔlɛ‐gyii mʋ ɔkaapʋpʋ sa bamʋ nɩɩ ba man gyɛ Gyiwu abi mʋ. N tɔwɛ kesintin nɩn, n mɛɛ tɩn antɩŋɛsa.

1 Ti 2:7 Iomraidhean Croise

Gyɔn 7:35

Nɩɩ Gyiwu abɩlɩsa mʋ bɛɛ taasɛ abaa yɛ, “Fɩnɛ nɩɩ kanyɩn nɩmʋ ii biti o kpee nɩɩ a man bɩla yɛ a wu mʋ? Ee biti o kpee Giriki abi tɔ, katɩn mʋ nɩɩ anɛ asa ba yaasɛ loo, kɛ ɔ naa kaapʋ Giriki abi mʋ abɛɛ?

Krisito Asunpu mʋ kusun 14:27

Saŋa mʋ nɩɩ ba fʋʋ Antiyoki mʋ, ba tɩɩ Krisito abi kʋbʋ mʋ ba sarɛ katɩn kʋlʋn. Nɩɩ ba tɔwɛ bamʋ kʋtɔ mʋ nɩɩ Ɩbwaarɛ bɔla bamʋ sʋ waa, yɛ kanan mʋ nɩɩ o bugi ɔkpa sa bamʋ nɩɩ ba man gyɛ Gyiwu abi, nɩɩ ba kɔɔlɛ Yesu asɩn danbɩrasa mʋ gyii mʋ.

Krisito Asunpu mʋ kusun 22:21

Nɩɩ Ɔnyɩrɩpɛ mʋ tɔwɛ mɛ yɛ, “natɛ, n biti n sun fʋ lɩɩ nfɩɩ kpee kata‐kata bamʋ nɩɩ ba man gyɛ Gyiwu abi mʋ asɛ”.’ ”

Krisito Asunpu mʋ kusun 26:20

Kanɩn sʋ n gyankpaa tɔwɛ asɩn nɩmʋ sa Damasiko abi, yɛ Gyerusalem abi. N bɩla tɔwɛ sa bamʋ nɩɩ ba bʋ Gyudeya ɔsʋwʋlɛ sʋ kpini, yɛ bamʋ nɩɩ ba man gyɛ Gyiwu abi. N naa tɔwɛ bamʋ yɛ ba kyɛɛgɛ bamʋ nfɛɛrɛ lɩɩ alibi tɔ, kɛ ba ba Ɩbwaarɛ asɛ, kɛ ba waa ɩmʋ nɩɩ ɩ kaapʋ fɛɛ ba yɛgɛ libi kɩwaa.

Krisito Asunpu mʋ kusun 9:15

Amaa Ɔnyɩrɩpɛ Yesu tɔwɛ Ananiyasi yɛ, “Kʋsʋ kpee! Lɩɩ fɛɛ mɛ ɩ lɛɛ ɔnyɩn nɩmʋ fɛɛ mɛ kɩbaa tɔ nyɩmɩsa, kɛ ɔ taa mɛ asɩn mʋ naa tɔwɛ bamʋ nɩɩ be mee sun Ɩbwaarɛ, yɛ ba maa bamʋ awura, yɛ Ɩsɩrayɩ abi.

Roma abi 1:9

Ɩbwaarɛ mʋ nɩɩ n taa mɛ kɔkɔlɔ kpini n sun mʋ, nɩɩ n tɔwɛ Mu‐Bii asɩn danbɩrasa mʋ, ɩ gyɛ mi kesintin ogyipu fɛɛ saŋa kʋmaa n nyiŋi fanɛ sʋ, mɛ kabwaarɛ‐kʋlɛ tɔ.

Roma abi 10:14

Nɛnɛ nɩɩ bee biti ba waa kɛ bamʋ nɩɩ ba man pɩɩta kɔɔlɛ mʋ gyii mʋ, ba taalɛ tɩɩ mʋ kɩtɩɩ? Nɩɩ ba man kan nu mʋ asɩn mʋ, nɛnɛ nɩɩ bee biti ba waa kɛ ba kɔɔlɛ mʋ gyii? Nɩɩ ɔkʋ man pɩɩta tɔwɛ bamʋ abwaarɛsɩn mʋ, nɛnɛ nɩɩ bee biti ba waa kɛ ba nu?

Roma abi 11:13

Nbɩɩnbɩɩ n tɔwɛ n sa fanɛ mʋ nɩɩ fan man gyɛ Gyiwu abi mʋ nɩn. Fɛɛ n maa gyɛ Krisito osunpu mʋ nɩɩ o sun mɛ fanɛ asɛ mʋ, kusun mʋ ki gyii mi ansi.

Roma abi 15:16

Lɩɩ fɛɛ Ɩbwaarɛ lɛɛ mɛ waa Yesu Krisito osunpu sa bamʋ nɩɩ ba man gyɛ Gyiwu abi mʋ. Nɩɩ n sun fɛɛ mu‐seepu, kɛ n tɔwɛ asɩn danbɩrasa mʋ, kɛ ɩ yɛgɛ bamʋ nɩɩ ba man gyɛ Gyiwu abi mʋ, nɩɩ Kayaayu Kyɩrɛkyɩrɛ mʋ lɔŋɔ bamʋ yɩla mʋ, ba ba waa fɛɛ saraga mʋ nɩɩ ɩ bɔla Ɩbwaarɛ ansi.

Roma abi 9:1

Lɩɩ maa Krisito a maa gyɛ kʋkʋlʋn sʋ mʋ, asɩn mʋ nɩɩ n tɔwɛ falɛ ɩ gyɛ kesintin, n mɛɛ tɩn antɩŋɛsa. Kayaayu Kyɩrɛkyɩrɛ mʋ yɛ mɛ nfɛɛrɛ tɔ ii gyii mɛ kesintin, fɛɛ ɩmʋ nɩɩ n tɔwɛ falɛ ɩ man gyɛ antɩŋɛsa.

1 Ko 9:1

N man bʋ mɛ n‐yɩɩ nɩn abɛɛ? N man gyɛ Krisito osunpu nɩn abɛɛ? N man wu Yesu anɛ‐Nyɩrɩpɛ nɩn abɛɛ? Man gyɛ fanɛ ɩ gyɛ kusun mʋ nɩɩ n waa sa Ɔnyɩrɩpɛ mʋ tɔnɔ?

2 Ko 11:31

Anɛ Ɩbwaarɛ mʋ nɩɩ ɔ gyɛ anɛ‐Nyɩrɩpɛ Yesu Mʋ‐Sɛ, nɩɩ ayɩn‐bi ɩ gyɛ mʋ lɛɛ kakpaa mʋ, i nyi yɛ ɩmʋ nɩɩ n tɔwɛ falɛ man gyɛ antɩŋɛsa.

Galati abi 1:16

Nɩɩ ɩ bɔla Ɩbwaarɛ ansi fɛɛ ɔ lɛɛ Mu‐Bii mʋ kaapʋ mɛ, kɛ n tɔwɛ asɩn danbɩrasa mʋ lɩɩ Mu‐Bii mʋ sʋ, sa bamʋ nɩɩ ba man gyɛ Gyiwu abi mʋ, nɩɩ n man taasɛ biti kɩkaapʋ lɩɩ ɔsa kʋ asɛ.

Galati abi 1:20

Ɩbwaarɛ sʋ, kʋtɔ mʋ nɩɩ n kyʋrɔɔ n sa fanɛ falɛ gyɛ kesintin, n mɛɛ tɩn antɩŋɛsa.

Galati abi 2:16

Amaa an nyi fɛɛ ɩ man gyɛ Mosesi nbara mʋ kibuu sʋ nɩɩ Ɩbwaarɛ ɩ taa nyɩmɩsa fɛɛ, mʋ ɩkpa ii kyiigi, amɔɔ ɔ kɔɔlɛ Yesu Krisito gyii. Ɩmʋ sʋ, amɔɔ anɛ gbaa anɛ an kɔɔlɛ Krisito Yesu gyii, kɛ Ɩbwaarɛ o wu anɛ fɛɛ anɛ ɩkpa ii kyiigi lɩɩ kɩkɔɔlɛ‐gyii mʋ nɩɩ an sʋ Krisito tɔ, nɩɩ ɩ man gyɛ nbara mʋ kibuu sʋ. Lɩɩ fɛɛ ɔkʋ man bʋ tɔ, nɩɩ Ɩbwaarɛ i wu fɛɛ maa buu nbara mʋ sʋ nɩɩ mʋ ɩkpa ii kyiigi.

Galati abi 2:9

Gyemisi maa Pita yɛ Gyɔn nɩɩ ɔkʋmaa nɩmʋ nyi ba maa gyɛ kʋbʋ mʋ abɩlɩsa gbaa‐gbaa mʋ, ba bɩɩ fɛɛ Ɩbwaarɛ bwaala ngbaa mɛ. Ɩmʋ sʋ ba gyɔɔ n maa Banabasi abaa tɔ kaapʋ fɛɛ anaa bamʋ kpini an sun kusun kʋlʋn. Nɩɩ an kyula yɛ n maa Banabasi a waa kusun bamʋ nɩɩ ba man gyɛ Gyiwu abi mʋ tɔ, kɛ bamʋ mɔɔ ba waa kusun mʋ Gyiwu abi tɔ.

Galati abi 3:9

Abraham maa kɔɔlɛ gyii sʋ nɩɩ Ɩbwaarɛ waa mʋ kusee. Ɩmʋ sʋ bamʋ nɩɩ ba kɔɔlɛ gyii mʋ kpini, Ɩbwaarɛ ii biti ɔ waa bamʋ kusee tii Abraham sʋ.

2 Ti 1:11

Nɩɩ Ɩbwaarɛ lɛɛ mɛ waa Krisito osunpu yɛ ɔkaapʋpʋ yɛ asɩn danbɩrasa nɩmʋ ɔtɔwɛpʋ.

2 Pi 2:5

Fɛɛ nɩɩ Ɩbwaarɛ maa man yɛgɛ dɩdaa abi mʋ nɩɩ ba waa alibi mʋ kʋsʋ kɩbɩɩtɛ, amaa nɩɩ ɔ yɛgɛ nɩɩ nkyu n bɔla gyii kasɛ yɛ bamʋ nɩɩ ba man nu Ɩbwaarɛ asɛ mʋ. Asa mʋ nɩɩ ɔ mɔlɩgɛ mʋ ɩ gyɛ Nowa mʋ nɩɩ ɔ tɔwɛ ɩkpa kyiigisa mʋ asɩn, yɛ asa asunɔ akʋ.